قاشاعان مۇنايى تەك ەكسپورتقا شىعارىلاتىن بولادى. بۇل كەن ورنىنان ٸشكٸ نارىققا شيكٸزات تاسىمالداۋ ەزٸرشە جوسپاردا جوق. كەشە "قاشاعان جاقىن جەنە پەرسپەكتيۆتٸ بولاشاقتا" اتتى جيىندا ەنەرگەتيكا ۆيتسە-مينيسترٸ ماعزۇم مىرزاعاليەۆ وسىلاي دەدٸ, - دەپ حابارلايدى "ۇلت اقپارات" "استانا"تەلەارناسىنا سٸلتەمە جاساپ.
ۆيتسە-مينيستردٸڭ ايتۋىنشا, ٶندٸرۋ تەۋلٸگٸنە 75 مىڭ باررەلدەن اسقان كوممەرتسييالىق دەڭگەيدٸ ارتتىرۋ جۇمىستارى جٷرٸپ جاتىر. جوسپار بويىنشا, قاشاعاندا مۇناي ٶندٸرۋدٸ تەۋلٸگٸنە 180 مىڭ باررەل دەڭگەيٸندە تۇراقتاندىرۋ كٶزدەلگەن. ال جىل سوڭىنا دەيٸن اتالعان كەن ورنىنان 1 ميلليون تونناعا دەيٸن مۇناي ٶندٸرٸلمەك.
"ٶنٸمدٸ بٶلۋ تۋرالى كەلٸسٸم قولدانىلا باستاعاننان بەرٸ مەردٸگەر 1,9 ميلليارد دوللار مٶلشەرٸندە بونۋس تٶلەگەن. ەگەر مۇناي باعاسى باررەلٸنە 50 دوللاردىڭ كٶلەمٸندە بولسا, 2017 جىلى مەملەكەتتٸك بيۋدجەتكە 135 ميلليون دوللار تٷسەدٸ", - دەدٸ ماعزۇم مىرزاعاليەۆ.
سونداي-اق, ول وسى كەلٸسٸم سوڭىنا دەيٸن, ياعني 2041 جىلعا دەيٸن جوسپارلى ٶندٸرۋ 308 ميلليون توننا مۇنايدى قۇرايتىنىن ايتتى. الايدا ەزٸرگە قاشاعان مۇنايى تەك سىرتقى نارىققا تاسىمالدانباق.
"مۇناي جٷز پايىز ەكسپورتقا كەتەتٸن بولادى. ٸشكٸ نارىققا مۇناي تاسىمالداۋ جوسپارىمىزدا جوق. بۇل ٸشكٸ نارىقتا مۇناي باعاسىنىڭ سىرتقى نارىقپەن سالىستىرعاندا ازدىعىمەن بايلانىستى. سوندىقتان قاشاعان سيياقتى وسىنداي الىپ جوبانى قولداۋ ٷشٸن مۇنايدى تولىقتاي شەتەلگە شىعارامىز. جىل سوڭىنا دەيٸن بٸر ميلليون توننا, كەلەسٸ جىلى توعىز ميلليونعا جۋىق, ال ودان كەيٸنگٸ جىلى 16 ميلليون توننا كٶلەمٸندە مۇناي ٶندٸرۋدٸ جوسپارلاپ وتىرمىز", - دەدٸ قر ەنەرگەتيكا ۆيتسە-مينيسترٸ ماعزۇم مىرزاعاليەۆ.
