Qashaǵan munaiy tek eksportqa shyǵarylatyn bolady. Bul ken ornynan ishki naryqqa shikizat tasymaldaý ázirshe josparda joq. Keshe "Qashaǵan jaqyn jáne perspektivti bolashaqta" atty jiynda energetika vitse-ministri Maǵzum Myrzaǵaliev osylai dedi, - dep habarlaidy "Ult aqparat" "Astana"telearnasyna silteme jasap.
Vitse-ministrdiń aitýynsha, óndirý táýligine 75 myń barrelden asqan kommertsiialyq deńgeidi arttyrý jumystary júrip jatyr. Jospar boiynsha, Qashaǵanda munai óndirýdi táýligine 180 myń barrel deńgeiinde turaqtandyrý kózdelgen. Al jyl sońyna deiin atalǵan ken ornynan 1 million tonnaǵa deiin munai óndirilmek.
"Ónimdi bólý týraly kelisim qoldanyla bastaǵannan beri merdiger 1,9 milliard dollar mólsherinde bonýs tólegen. Eger munai baǵasy barreline 50 dollardyń kóleminde bolsa, 2017 jyly memlekettik biýdjetke 135 million dollar túsedi", - dedi Maǵzum Myrzaǵaliev.
Sondai-aq, ol osy kelisim sońyna deiin, iaǵni 2041 jylǵa deiin josparly óndirý 308 million tonna munaidy quraitynyn aitty. Alaida ázirge Qashaǵan munaiy tek syrtqy naryqqa tasymaldanbaq.
"Munai júz paiyz eksportqa ketetin bolady. Ishki naryqqa munai tasymaldaý josparymyzda joq. Bul ishki naryqta munai baǵasynyń syrtqy naryqpen salystyrǵanda azdyǵymen bailanysty. Sondyqtan Qashaǵan siiaqty osyndai alyp jobany qoldaý úshin munaidy tolyqtai shetelge shyǵaramyz. Jyl sońyna deiin bir million tonna, kelesi jyly toǵyz millionǵa jýyq, al odan keiingi jyly 16 million tonna kóleminde munai óndirýdi josparlap otyrmyz", - dedi QR energetika vitse-ministri Maǵzum Myrzaǵaliev.
