قارجىلىق ساۋات: ەيەل دەكرەتكە شىعاردا نەنٸ بٸلۋٸ كەرەك?

بٷگٸنگٸ تاڭدا قازاقستان حالقىنىڭ سانى 18 ميلليوننان اسىپ, بالا تۋۋ كٷن سايىن ارتىپ وتىرعانى قۋانتادى. ەلەمدٸ ەبٸگەرگە سالعان پاندەمييا بٸر عانا وڭ كٶرسەتكٸشكە يە بولىپ وتىر. اتاپ ايتقاندا, بىلتىر ەلٸمٸزدە پاندەمييا جارييالانعان جىلى 425,6  مىڭ بالا تۋىلسا, بيىل بٸرٸنشٸ توقساندا 100,5 مىڭ بالا دٷنيەگە كەلگەن. وسى ورايدا, ەربٸر ەيەل ٷشٸن ەڭ ماڭىزدى سۇراق: جٷكتٸ جەنە بوسانعان ەيەلگە تٶلەنەتٸن تٶلەم, بالا كٷتٸمٸنە بايلانىستى بەرٸلەتٸن جەردەماقى, قاجەتتٸ قۇجاتتار تٸزٸمٸ, زەينەتاقى قورىنداعى جيناعىنا بايلانىستى قانداي دا بٸر مەسەلەلەر تۋىنداسا نە ٸستەۋ كەرەك دەگەن مەسەلەلەردٸ تارقاتىپ جازۋدى جٶن كٶردٸك.

تٶلەم جەنە جەردەماقى تٷرلەرٸ

مەملەكەت تاراپىنان بەرٸلەتٸن جەردەماقى جىل سايىن ٶزگەرٸپ وتىرادى. دەكرەتتٸك دەمالىسقا شىققان ەيەلگە بەرٸلەتٸن ٷش تٷرلٸ تٶلەم بار: بوسانعانعا دەيٸن, بوسانعان سوڭ جەنە بالا بٸر جاسقا تولعانعا دەيٸن بەرٸلەتٸن جەردەماقى. ەندٸ وسى ٷشەۋٸن تارقاتايىق.

بوسانعانعا دەيٸن تٶلەنەتٸن تٶلەمدٸ جۇمىس ٸستەيتٸن, جەكە كەسٸپپەن اينالىساتىن, سالىق تٶلەيتٸن ەيەلدەر الادى. ياعني زەينەتاقى قورى تولىقتىرىلىپ وتىرعان ەيەلدەر دەۋگە بولادى. بۇل تٶلەمدٸ الۋ ٷشٸن حالىققا قىزمەت كٶرسەتۋ ورتالىعىنا ناۋقاستىق قاعاز (قىزمەتكەردٸڭ ەڭبەككە ۋاقىتشا جارامسىزدىعىن كۋەلاندىراتىن قۇجات), جەكە كۋەلٸك كٶشٸرمەسٸ جەنە بانك ەسەپشوتىن ٶتكٸزسەڭٸز بولدى. ال بوسانعاننان كەيٸن بەرٸلەتٸن بٸر رەتتٸك جەردەماقىنى بارلىق ەيەل الادى. ونىڭ بيىلعى مٶلشەرٸ العاشقى ٷش بالاعا دەيٸن — 110 846 تەڭگە, تٶرتٸنشٸدەن ەرٸ قاراي بولسا 183 771 تەڭگە تٶلەنەدٸ. ال بالا بٸر جاسقا تولعانعا دەيٸن بەرٸلەتٸن جەردەماقى تاعى دا ەيەلدٸڭ جۇمىس ٸستەۋ-ٸستەمەۋٸنە بايلانىستى ەرتٷرلٸ بولادى. مەسەلەن, ٷي شارۋاسىنداعى ەيەلدەرگە بٸرٸنشٸ بالاعا — 16 802 تەڭگە, ەكٸنشٸ بالاعا — 19 865 تەڭگە, ٷشٸنشٸ بالاعا — 22 898 تەڭگە, تٶرتٸنشٸدەن اسسا 25 961 تەڭگە بەرٸلەدٸ. ال جۇمىس ٸستەپ, دەكرەتتٸك دەمالىسقا شىققان ەيەلدٸڭ تٶلەمٸ سوڭعى ەكٸ جىلداعى تابىسىنا قاراي بولادى. ەلەۋمەتتٸك اۋدارىم جاسالۋى دا مٸندەتتٸ. مىسالى, سوڭعى 2 جىلداعى تابىس 24-كە بٶلٸنەدٸ. ونىڭ نەتيجەسٸن 0,4-كە كٶبەيتٸپ, ودان 10 پايىزدىق زەينەتاقى جارناسىن شەگەرەمٸز. ەسەپتەپ كٶرەيٸك: مىسالى, سٸزدٸڭ ايلىعىڭىز 200 مىڭ تەڭگە, ەكٸنشٸ جىلى 250 مىڭ تەڭگە بولدى دەلٸك. سوندا 12*200 000 + 12*250 000=2 400 000 + 3 000 000=5 400 000 تەڭگە. ەندٸ جالپى سومانى 24 ايعا بٶلەمٸز: 5 400 000/24=225 000 تەڭگە, بۇل تابىستىڭ ورتاشا ايلىق مٶلشەرٸ. ونىڭ نەتيجەسٸن 0,4 كوەففيتسيەنتكە كٶبەيتٸپ, 10 پايىزىن الىپ تاستايسىز. وسىلايشا بالاڭىز بٸر جاسقا تولعانعا دەيٸن قانشا جەردەماقى الاتىنىڭىزدى ەسەپتەي الاسىز. بۇل جەردەماقىنى الۋ ٷشٸن دە ٶتٸنٸش, جەكە باستى كۋەلاندىراتىن قۇجات, بالانىڭ تۋۋ تۋرالى كۋەلٸگٸ جەنە بانك ەسەپشوتى ٶتكٸزٸلەدٸ. كٶپ جاعدايدا تەلەفون نٶمٸرٸڭٸزگە سمس-حابارلاما ارقىلى دا قابىلدانۋى مٷمكٸن.

جالپى دەكرەتتٸك دەمالىستىڭ ٷش تٷرٸ بولادى. ونىڭ بٸرٸنشٸسٸ — 126 كٷنگە سوزىلاتىن (بوسانعانشا 70 جەنە ودان كەيٸن 56 كٷن) جٷكتٸلٸككە جەنە بوسانۋعا دەيٸنگٸ دەمالىس. ال قيىن بوسانعان جاعدايدا, ەگٸز نە ٷشەمدٸ ٶمٸرگە ەكەلسە, 56 كٷن ەمەس, 70 كٷنگە ۇزارتىلادى. ٷشٸنشٸسٸ — بالا ٷشكە تولعانشا ونىڭ كٷتٸمٸنە بايلانىستى بەرٸلەتٸن, جۇمىس ورنى ساقتالعانىمەن, ايلىعى ساقتالمايتىن دەمالىس.

دەكرەتتٸك تٶلەم قالاي ەسەپتەلەدٸ?

دەكرەتتٸك دەمالىسقا شىققان ەربٸر ەيەل ٷشٸن وسى جاعداي ەرقاشان قىزىقتىرادى. ٶيتكەنٸ جىلدار بويعى ەڭبەگٸ مەن سەبيٸنٸڭ نەسٸبەسٸ قالاي بولار ەكەن دەپ ٷمٸتتەنٸپ كٷتەتٸنٸ دە جاسىرىن ەمەس. الدىمەن, جۇمىسقا جارامسىزدىعىن بٸلدٸرەتٸن پاراقتى كادر بٶلٸمٸنە اپارىپ, ونىڭ بٸر داناسىن حقكو-عا تاپسىرىلادى. بۇل تٶلەم ەڭبەكاقىمەن تٸكەلەي بايلانىستى ەكەنٸن ەستەرٸڭٸزگە سالامىز. ياعني جۇمىسقا جارامسىزدىق پاراعى 126 كٷنگە بەرٸلسە, كوەففيتسيەنت 126/30=4,2 بولادى. مەسەلەن, سٸزدٸڭ مٸندەتتٸ زەينەتاقى جارناسىن شەگەرگەندە جىلدىق تابىسىڭىز 2 160 000 تەڭگە دەلٸك. وسى سومانى 12 ايعا بٶلٸپ, بٸر ايداعى ورتاشا تابىسىڭىزدى ەسەپتەيمٸز. 2 160 000 تەڭگە/ 12 = 180 000 تەڭگە. ونى 4,2 كوەففيتسيەنتكە كٶبەيتكەندە, سٸزدٸڭ بوسانعان دەيٸنگٸ الاتىن تٶلەمٸڭٸز 756 000 تەڭگە بولادى. بۇدان 10% مٸندەتتٸ زەينەتاقى جارناسى ۇستالاتىنىن دا ەسٸڭٸزگە سالامىز.

ال اي سايىنعى تابىسى 500 مىڭ تەڭگەگە جەتەتٸن ەيەلدەردٸڭ ەلەۋمەتتٸك تٶلەم مٶلشەرٸن انىقتاۋ ٷشٸن اي سايىنعى تابىس 297 500 تەڭگە دەڭگەيٸندە ەسكەرٸلەدٸ. زەينەتاقى قورىنا 12 اي بويى ەلەۋمەتتٸك اۋدارىلىم جاسالىپ تۇرعان بولسا, 297 500 تەڭگە * 4,2 = 1 249 500 تەڭگە. ەلەۋمەتتٸك تٶلەمنەن 124 950 تەڭگە سوماسىنان 10% مزج ۇستالىپ, بجزق-عا اۋدارىلادى.

ەركەكتەر دە دەكرەتكە شىعا الادى

قر ەڭبەك كودەكسٸنٸڭ 100 باپ, 1 تارماعىندا كٶرسەتٸلگەندەي, بالا كٷتٸمٸنە دەمالىستى اناسىنىڭ دا, ەكەسٸنٸڭ دە الۋعا قۇقى بار. بالانى ٷيدە كٸمنٸڭ قارايتىنىن جەنە بالا كٷتٸمٸنە بايلانىستى دەمالىستى كٸمگە رەسٸمدەيتٸندەرٸن ەكونوميكالىق تۇرعىدا تيٸمدٸ تۇستارىن ەسكەرە كەلە وتباسى مٷشەلەرٸ ٶزدەرٸ شەشەدٸ. بالا كٷتٸمٸ ٷشٸن دەمالىس الاتىن ەكەلەر سانى جىل ساناپ ارتىپ كەلەدٸ. ستاتيستيكانىڭ ساندارىن سٶيلەتسەك, سوڭعى 12 جىلدا 97,5 مىڭعا جۋىق قازاقستاندىق ازامات دەكرەتتٸك دەمالىستى رەسٸمدەگەن ەكەن. سونىڭ بٸرٸ – ەكونوميست ماقسۇت نۇرلانۇلى.

«جالپى بٸزدٸڭ ەلدە ەيەلدٸ جۇمىس ٸستەيتٸن جەنە ٸستەمەيتٸن دەپ بٶلٸپ جاتادى. ال ەلدٸڭ ەكونوميكاسىنا ميلليونداپ ٷلەس قوسىپ, سالىق تٶلەپ وتىرعان كٷيەۋلەرٸ ەسەپكە الىنبايدى. ٶزٸم ەكونوميست بولعاندىقتان بۇل مەسەلەنٸ جاقسى تٷسٸنەمٸن. كەلٸنشەگٸمنٸڭ ايلىق تابىسى از بولدى. ەكەۋٸمٸز اقىلداسا كەلە, دەكرەتتٸك دەمالىسقا مەن شىعامىن دەپ شەشتٸك. سەبەبٸ مەنٸڭ تابىسىم ەلدەقايدا كٶپ. سەيكەسٸنشە, بالاعا بەرٸلەتٸن جەردەماقى دا جاقسى بولادى. بٸز نەگە ورايى كەلٸپ تۇرسا, بالانىڭ نەسٸبەسٸنەن قاشۋىمىز كەرەك? قولدان كەلسە, نەگە ٸستەمەسكە? وسىلايشا قۇجاتتاردى مەنٸڭ اتىما رەسٸمدەپ, بالا كٷتٸمٸنە بايلانىستى دەمالىسقا شىقتىم. زاڭ بويىنشا, تٶرت ايدان كەيٸن قايتا جۇمىسقا شىعۋعا قاقىم بار. بالام التى ايلىق بولعاندا ٶز جۇمىسىما قايتا ورالدىم. جەنە مەن بالامنىڭ نەسٸبەسٸ ٷشٸن دەكرەتتٸك دەمالىسقا شىققانىما ۇيالمايمىن.  مۇندايدى نامىس كٶرٸپ جٷرگەن ازاماتتار جٷيەنٸ ەلٸ تٷسٸنبەگەن دەپ بٸلەمٸن», - دەدٸ ماقسۇت نۇرلانۇلى.

ايتا كەتەيٸك, ٶزگە ەلدەردە ەركەك ادامنىڭ بالا كٷتٸمٸنە بايلانىستى دەمالىسقا شىعۋى قالىپتى جاعداي بولىپ سانالادى. بۇل زاڭ ۇلىبريتانييا, قىتاي, بەلگييا, فينلياندييا, اۆسترييا جەنە فرانتسييا سيياقتى ٸرٸ مەملەكەتتەر ٷشٸن تاڭسىق ەمەس. مىسالى, شۆەتسييادا بالانىڭ ەكەسٸ كەم دەگەندە بٸر اي دەكرەتتٸك دەمالىس الۋعا تيٸستٸ. ال, فين ەكەلەردٸڭ 65%-ى بالا كٷتٸمٸمەن ٷيدە وتىراتىن كٶرٸنەدٸ. يسپانييادا ەكە اتانعان ەرلەر ٷشٸن اپتا سايىنعى جٷز پايىزدىق تٶلەممەن ون اپتاعا دەيٸن قوسىمشا دەمالىس بەرٸلەدٸ.

«قايتارۋ» نە ٷشٸن بولادى?

دەكرەتتٸك دەمالىسقا قۇجات تاپسىرىپ, شىعىپ كەتسەڭ جاقسى. كەيدە زەينەتاقى قورىنداعى ەلەۋمەتتٸك تٶلەمدەرگە بايلانىستى «قايتارۋدى» تالاپ ەتٸپ, قۇجاتىڭىز كەرٸ قايتۋى مٷمكٸن. ول نە ٷشٸن بولادى? سٸزدٸڭ حقكو-نا ٶتكٸزگەن قۇجاتىڭىز «مەملەكەتتٸك كورپوراتسييا» كەاق «ازاماتتارعا ارنالعان ٷكٸمەت» مەكەمەسٸنە تٷسەدٸ دە, ونداعى ماماندار سٸزدٸڭ زەينەتاقى قورىنداعى ەسەپشوتىڭىزدى تەكسەرەدٸ. بۇل جوعارىدا اتاعان ٷش تٶلەمدٸ تٶلەۋ ٷشٸن دە قاجەتتٸ پروتسەسس. ەگەر سٸزدٸڭ جۇمىس ورنىڭىز ەلەۋمەتتٸك تٶلەمدٸ قاتەلەسٸپ, بٸرنەشە رەت تٶلەگەن بولسا, قورعا قاتە اۋدارىلسا, رەكۆيزيت دۇرىس كٶرسەتٸلمەسە جەنە ت.ب. سەبەپتەرمەن مەملەكەت سٸزدٸڭ جۇمىس ورنىڭىزعا «قارىز» بولىپ تۇرادى.  سول ارتىق تٶلەنگەن ەلەۋمەتتٸك تٶلەمدٸ سٸز ٸستەيتٸن كومپانيياعا قايتارۋ ٷشٸن ٶتٸنٸش جازۋىڭىزدى سۇرايدى. ول ٷشٸن اتالعان مەكەمە كٶرسەتكەن ايلاردىڭ ارتىق تٶلەنگەن ەلەۋمەتتٸك تٶلەمدەردٸڭ تٷبٸرتەگٸن الا وتىرىپ, قانشا سوما ەكەنٸن كومپانييا ەسەپشٸسٸ ەسەپتەيدٸ. سودان كەيٸن بارىپ, جالاقىنى قاي بانك ارقىلى تٶلەسە, سول بانككە بارىپ قۇجاتتىڭ «رەفەرەنس» نٶمٸرلەرٸن الاسىز. «رەفەرەنس» نٶمٸر دەگەن تٶلەم باستالعان كەزدە بانك تاعايىندايتىن بانكتٸك وپەراتسييانىڭ بٸرەگەي يدەنتيفيكاتورى.

بانك بۇل نٶمٸرلەردٸ قولىڭىزعا بەرە سالمايدى. بۋحگالتەرٸڭٸز بارۋى تيٸس نەمەسە كومپانييا سٸزدٸڭ الۋىڭىزعا رۇقسات بەرگەن جولداماسى ٶزٸڭٸزدە بولۋى تيٸس. ونى العان سوڭ, قازاقستان رەسپۋبليكاسى ەڭبەك جەنە حالىقتى ەلەۋمەتتٸك قورعاۋ مينيسترٸنٸڭ 2020 جىلعى 11 ماۋسىمداعى No 224 بۇيرىعى بويىنشا «قايتارۋعا» ٶتٸنٸش جازىپ, 20 كٷن كٷتەسٸز. ەگەر بەرٸ دۇرىس بولسا, «قايتارىلعان قاراجات» سٸزدٸڭ جۇمىس ورنىڭىزدىڭ ەسەپشوتىنا اۋدارىلادى دا, سٸز باستاپقى قۇجاتتاردى حقكو-نا قايتا تاپسىراسىز.

«قايتارۋ» ٶتە جٷيكەنٸ توزدىراتىن جۇمىس. ول ٷشٸن دەكرەتكە شىعىپ جاتقان ەيەلدٸڭ بۋحگالتەرٸ ساۋاتتى بولسا, جىلدام بٸتٸرۋگە بولاتىن شارۋا. الايدا قازٸرگٸ نارىق زامانىندا كٶپتەگەن بۋحگالتەرلەردٸڭ زاڭدى-زاڭسىز 3-4 جەردە جۇمىس ٸستەيتٸندٸكتەن, دەكرەتكە كەتەتٸن ەيەلدٸڭ مۇنداي پروبلەماسىنا باس قاتىرعىسى كەلمەيدٸ. ول ٷشٸن «مەملەكەتتٸك كورپوراتسييا» كەاق تابالدىرىعىن توزدىرىپ, بانككە جٷگٸرگٸسٸ كەلمەيدٸ, ناقتى وندايعا ۋاقىتتارى جوق. سوسىن «قايتارۋ» العان ەيەلدٸڭ جىلاپ جٷرگەنٸ بٸزدٸڭ ەر ەسٸكتٸ قاعىپ. بيىل سونداي بٸر كەلٸنشەكتٸ كٶردٸم. بٸزدٸڭ مەكەمەنٸڭ تابالدىرىعىن التى اي بويى توزدىردى. العاشقىدا بٸر-اق رەت كەلگەن بۋحگالتەرٸن قايتا كٶرمەدٸك. اپتا سايىن, اي سايىن ٶزٸ كەلٸپ, قۇجاتتارىن قايتا-قايتا جاساۋمەن بولدى. ونىڭ مەسەلەسٸ, ەكٸ نەرسەدە بولدى. بٸرٸنشٸدەن, ول بٸر ەمەس, بٸرنەشە جەردەن دەكرەتكە شىعىپ جاتتى. الايدا زەينەتاقى قورىنا 4-5 جەردەن اۋدارىم جاسالعان. سەيكەسٸنشە شەكتٸ سۋممادان تىم ارتىق بولدى. ەكٸنشٸدەن, بٸر جۇمىس ورنى 3 جىلدا 6 تٶلەمدٸ ارتىعىمەن تٶلەپتٸ. سونىڭ بەرٸن  كومپانيياعا قايتارۋ كەرەك بولدى. اقىرىندا ەڭبەك جەنە حالىقتى ەلەۋمەتتٸك قورعاۋ مينيسترٸنە حات جازىپ, ٶتٸنٸشٸن بٸرنەشە رەت تولتىرىپ جٷرٸپ, دەكرەتكە ەزەر شىقتى. بالاسىن بوسانعانشا جٷگٸرٸپ, بوسانعاننان كەيٸن دە قىرقىنان شىقپاعان بالانى كٶتەرٸپ كەلۋگە مەجبٷر بولىپ جٷردٸ. وسىنى كٶرگەن بٸزدٸڭ جەتەكشٸمٸز ەلگٸ كەلٸنشەككە كٶمەكتەسۋٸمٸزدٸ سۇرادى. بۋحگالتەرٸ ٸستەۋ كەرەك نەرسەنٸڭ بەرٸن ٸستەپ, «قايتارۋ» كەرەك اقشالارىن ەسەپتەپ, رەفەرەنس نٶمٸرلەرٸنە دەيٸن رەتتەۋگە ٶزٸمٸز كٶمەكتەستٸك. نەگٸزٸندە بۇل بٸزدٸڭ مٸندەتٸمٸز ەمەس ەدٸ, تەك ادامگەرشٸلٸككە سالدىق», - دەيدٸ الماتى قالاسى المالى اۋداندىق كەاق «قايتارۋ» بٶلٸمٸنٸڭ قىزمەتكەرٸ انار جۇماعۇل.

سالىقتىڭ ەلەگٸ

جوعارىدا پاندەمييانىڭ ەسەرٸ بالا تۋۋدى ارتتىردى دەسەك, دەكرەتكە شىعاتىن بٸراز ەيەلدٸ ەبٸگەرگە سالدى. ناقتى ايتقاندا, دەكرەتتٸك دەمالىسقا شىققان باق قىزمەتكەرلەرٸ بٸراز زييانىن دا كٶردٸ. ٶتكەن جىلى ەڭبەك جەنە حالىقتى ەلەۋمەتتٸك قورعاۋ مينيسترلٸگٸ التى اي كٶلەمٸندە كەي جشس, شوب-تاردىڭ قىزمەتكەرلەرٸنەن ەش سالىق ۇستاماي, قيىن كەزدە ايلىعىن تولىق الۋىنا مٷمكٸندٸك بەردٸ. سالىقتان بوساتىلعاندار تٸزٸمٸندە كەيبٸر جۋرناليستەر دە بار. مەسەلەنٸڭ بەرٸ, باق قىزمەتكەرلەرٸ دەكرەتتٸك دەمالىسقا شىعاردا ورىن الدى. جٷكتٸلٸككە جەنە بوسانۋعا بايلانىستى تٶلەمدٸ الۋعا قۇجات ٶتكٸزگەندە ەلگٸ سالىق تٶلەمەگەن كەزدەردٸڭ ەسەپكە الىنبايتىنىن بٸلگەن بٸراز ەيەل جوعارىدا اتالعان مينيسترلٸككە قانشا شاعىمدانعانىمەن, مەسەلەنٸ شەشە المادى.

مەملەكەتتٸك ەلەۋمەتتٸك ساقتاندىرۋ قورىنىڭ ايتۋىنشا, مينيسترلٸكتٸڭ № 109 بۇيرىعىنىڭ № 224 قاۋلىسى بويىنشا ەلگٸ № 15 قوسىمشا ارقىلى تولىق تٶلەم الۋعا بولاتىن سالالاردىڭ ٸشٸنە باق كٸرمەگەن. ال باسقا كەسٸپ يەلەرٸ سالىقتان بوساتىلسا دا, تٶلەمدٸ تولىق الۋعا مٷمكٸندٸك العان.

«قانشا جىلدان بەرٸ جەكە كلينيكادا قىزمەت ەتٸپ كەلەمٸن. بىلتىر كارانتين باستالعان كەزدە سالىقتان بوساتىلىپ, جالاقىمىزدى تولىق الىپ وتىردىق. تەك دەكرەتكە شىعاتىن كەزدە جۇمىس ورنىمنان تابىس تۋرالى انىقتاما, 15-قوسىمشانى ٶتكٸزٸپ, «0 كوەففيتسيەنتپەن» تٶلەنبەگەن كەزدەر ٷشٸن ەسەپتەپ بەرەدٸ. بٸراق حقكو-دا «وسى قوسىمشانى قابىلداماي جاتىر» دەپ رەجٸپ جٷرگەن بٸرنەشە كەلٸنشەكتٸ كٶزٸم شالعان, نەگە ەكەنٸن تٷسٸنبەدٸم», - دەيدٸ اقسۇڭقار بەكجٸگٸت.

سوندىقتان, بۇل مەسەلەدە قانداي جاعداي بولماسىن, سالىقتى توقتاتپاعان دۇرىس ەكەنٸنە بيىل تالايدىڭ كٶزٸ جەتٸپ وتىر.

P.S. ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ حابارلاۋىنشا, ەگەر دەكرەتكە شىققان ەيەل بالا بٸر جاسقا تولماي, جۇمىسقا كٸرٸسسە, وندا ول مەملەكەتتٸك بيۋدجەتتەن بالا كٷتٸمٸنە بايلانىستى جەردەماقىنىڭ كەپٸلدٸك بەرٸلگەن مٶلشەرٸن الا بەرەدٸ. تەك مەملەكەتتٸك ەلەۋمەتتٸك ساقتاندىرۋ قورىنان تٶلەم توقتاتىلادى. مۇنداي نورما ازاماتتاردىڭ جەكەلەگەن ساناتتارىن ەلەۋمەتتٸك قورعاۋ تۋرالى زاڭ جوباسىندا كٶزدەلگەن.

اقبوتا مۇسابەكقىزى