قارجى سالاسىنداعى تٷرلٸ سۇراقتار بويىنشا ەل ازاماتتارى جەدەل جەلٸگە 23 مىڭنان استام حابارلاما قالدىرعان. بۇل تۋرالى fingramota.kz جٷرگٸزٸگەن تالداۋدىڭ نەتيجەسٸندە بەلگٸلٸ بولدى, دەپ حابارلايدى "ۇلت اقپارات".
قارجىلىق قىزمەتتەردٸ تۇتىنۋشىلاردىڭ قۇقىقتارى مەن مٷددەلەرٸن قورعاۋ مەسەلەلەرٸ بويىنشا ازاماتتاردىڭ ٶتٸنٸشتەرٸنە جەدەل دەن قويۋ ماقساتىندا قر قارجى نارىعىن رەتتەۋ جەنە دامىتۋ اگەنتتٸگٸ 2020 جىلعى 26 ناۋرىزدان باستاپ قارجىلىق قىزمەتتەردٸ تۇتىنۋشىلاردىڭ قۇقىقتارىن قورعاۋ مەسەلەلەرٸ بويىنشا جەدەل جەلٸنٸ ٸسكە قوستى.
«جەدەل جەلٸ ارقىلى قازٸرگٸ كەزدە ازاماتتاردان قارجىلىق قىزمەتتەردٸ تۇتىنۋشىلاردىڭ قۇقىقتارىن قورعاۋ, ونىڭ ٸشٸندە كارانتين كەزەڭٸندە كرەديتتەر بويىنشا مەرزٸمٸن كەيٸنگە قالدىرۋعا رۇقسات الۋ, قاشىقتان بانكتٸك قىزمەت كٶرسەتۋ مەسەلەلەرٸ بويىنشا 23 مىڭنان استام قوڭىراۋ كەلٸپ تٷستٸ جەنە ٶڭدەلدٸ», - دەلٸنگەن حابارلامادا.
حالىقتىڭ قارجى رەتتەۋشٸسٸمەن ٶزارا ٸس-قيمىلى ماقساتىندا جەنە قر ٷكٸمەتٸنٸڭ بيىلعى 30 مامىرداعى №338 قاۋلىسىمەن بەكٸتٸلگەن قارجىلىق ساۋاتتىلىقتى ارتتىرۋدىڭ 2020-2024 جىلدارعا ارنالعان تۇجىرىمداماسى بويىنشا ٸس-شارالار جوسپارىن ٸسكە اسىرۋ اياسىندا اگەنتتٸك 2020 جىلعى 25 ماۋسىمنان باستاپ «Fingramota Online» موبيلدٸ قوسىمشانى ٸسكە قوستى. بۇل قارجى رەتتەۋشٸسٸنٸڭ حالىقپەن جەنە بيزنەسپەن ٶزارا ٸس-ەرەكەتٸنٸڭ ىڭعايلى قۇرالى. وسى مەسسەندجەر ارقىلى قارجى رەتتەۋشٸسٸنە قارجىلىق قىزمەتتەردٸ تۇتىنۋشىلاردىڭ قۇقىقتارى مەن مٷددەلەرٸن قورعاۋ, قارجى جەنە ٶزگە دە ۇيىمداردىڭ قىزمەتٸ, قارجىلىق ساۋاتتىلىقتى ارتتىرۋ, يپوتەكالىق تۇرعىن ٷي قارىزدارىن قايتا قارجىلاندىرۋ باعدارلاماسىن ٸسكە اسىرۋ ەرٸ باسقا دا مەسەلەلەر بويىنشا 1800-دەن استام سۇراق كەلٸپ تٷسكەن.
