بيىل ەلٸمٸزدە قارجى پيراميداسىن قۇرۋعا قاتىستى 35 فاكتٸ تٸركەلدٸ, دەپ حابارلادى "ۇلت اقپارات".
قارجى مينيسترلٸگٸنٸڭ قارجى مونيتورينگٸ كوميتەتٸنٸڭ مەلٸمەتٸنشە, بقو-دا زارداپ شەككەندەردٸڭ 612 ملن تەڭگەدەن استام قاراجاتىن قارجى پيراميداسى جيناعان. زاڭسىز قىزمەتتٸ ۇيىمداستىرعان «R.O.I. Club» جشس قىزمەتكەرلەرٸنە قاتىستى قىلمىستىق ٸستٸ تەرگەلٸپ جاتىر.
بەس وبلىستا قۇنى 15 مىڭ تەڭگە نەمەسە ودان قىمبات «سەرتيفيكاتتى» ساتۋ ارقىلى حالىقتان اقشا جيناۋ سحەماسىن جاساپ, ٸسكە اسىرعان «B2B Jewelry» زەرگەرلٸك بۇيىمدار دٷكەندەرٸنٸڭ باسشىلارىنا قاتىستى ٸس بويىنشا الماتىدا تەرگەۋ جٷرگٸزٸلٸپ جاتىر. وسى ۋاقىتقا دەيٸن 10 مىڭنان استام زارداپ شەككەن ادام انىقتالعان. 250 ميلليون تەڭگەدەن استام شىعىن كەلتٸرٸلدٸ.
كوميتەت ماماندارى قارجىلىق پيراميدانى قالاي انىقتاۋعا بولاتىنىن ايتىپ, قر قىلمىستىق كودەكسٸنٸڭ 217-بابىنا سەيكەس قارجى (ينۆەستيتسييا) پيراميداسىن قۇرۋ جەنە باسقارۋعا قىلمىستىق جاۋاپكەرشٸلٸك قاراستىرىلعانىن اتاپ ٶتتٸ.
ايتا كەتۋ كەرەك, قارجى پيراميداسىنا قوسىلۋ ەرٸكتٸ تٷردە جەنە زاڭدى قولداۋسىز جٷزەگە اسادى. بۇل دەگەنٸمٸز, ەشكٸم ينۆەستيتسييانىڭ قايتارىلۋىنا كەپٸلدٸك بەرمەيدٸ.
سونىمەن, قارجى پيراميداسىنىڭ بەلگٸلەرٸ قانداي?
ادام سەنگٸسٸز پايدا, ٷستەمە تابىس ۋەدە ەتٸلەدٸ. جوعارى تابىس كەلەتٸنٸ جٶنٸندە ۋەدە تەك بٸر رەت ۇيىمعا تارتۋ كەزٸندە ورىندالۋى مٷمكٸن, بٸراق ارى قاراي ودان دا كٶپ قاراجاتتان ايىرىلىپ قالۋ قاۋپٸ ٶتە جوعارى.
كومپانييا شىنايى ەكونوميكالىق نەمەسە ينۆەستيتسييالىق قىزمەتپەن اينالىسپايدى. پيراميدا ٶزٸن تاۋار, نەسيە, تۋريستتٸك, قۇرىلىس كومپانيياسى رەتٸندە ٶزٸن تانىستىرادى. الايدا, شىنداپ كەلگەندە ەسكٸ سالىمشىنىڭ بارلىق تٶلەمٸ جاڭا سالىمشىلاردىڭ جارناسى ەسەبٸنەن تٶلەنەدٸ.
جوبالاردىڭ ماتەريالدىق-قۇقىقتىق بازاسى جوق, ياعني, بۇل كومپانييالار جاڭادان قۇرىلعان, قارجىلىق ەسەپتٸلٸككە يە ەمەس, كەلٸسٸم جاسامايدى نەمەسە كەلٸسٸمدەر تەك ۇيىمداستىرۋشىلاردىڭ پايداسىنا كٶزدەپ جاسالعان ەرٸ قازاقستان زاڭناماسىنا سەيكەس كەلمەيدٸ.
كومپانييانىڭ قىزمەتٸ تىم جان-جاقتى, سول ارقىلى كومپانييا ايقىن ەرٸ ناقتى قىزمەتٸنٸڭ جوقتىعىن جاسىرادى.
ەلەۋمەتتٸك جەلٸدەگٸ بەلسەندٸ ەرٸ مەزٸ قىلاتىن جارناماسى بولادى. وسىنداي جارنامانى تاراتۋ «جارناما تۋرالى» زاڭعا سەيكەس ەمەس بولعاندىقتان, اتالمىش زاڭسىز بيزنەستٸڭ بارلىعى ەلەۋمەتتٸك جەلٸ مەن مەسسەندجەردە كەڭٸنەن تارالادى.
قارجى رەگۋلياتورى ليتسەنزيياسىنىڭ بولماۋى. كەز كەلگەن سالىم ەگەر سىياقىنىڭ مەرزٸمٸ مەن مٶلشەرلەمەسٸ كٶرسەتٸلگەن بولسا دەپوزيت بولىپ سانالادى. حالىقتان سالىم الۋ ٷشٸن قر ۇلتتىق بانكٸنٸڭ ليتسەنزيياسى قاجەت, جەنە ول ەكٸنشٸ دەڭگەيدەگٸ بانكتەردە بار. «قر ەكiنشi دەڭگەيدەگٸ بانكتەرiندە ورنالاستىرىلعان دەپوزيتتەرگە مiندەتتi كەپiلدiك بەرۋ تۋرالى» قر زاڭىنا سەيكەس بانكتەر حالىقپەن جۇمىس جاساپ, سالىنعان قاراجاتتىڭ قايتا بەرٸلۋٸنە كەپٸلدەمە بەرەدٸ. بٸراق قارجى پيراميداسىنىڭ ۇيىمداستىرۋشىلارى ليتسەنزييانى قاجەت ەتپەيتٸندٸگٸن مەلٸمدەيدٸ.
«ەگەر سٸزدە قارجى پيراميداسىنىڭ قىزمەتٸنە قاتىستى بولۋىڭىز جايلى كٷمەنٸڭٸز بولسا, كوميتەتكە كەلەسٸ سەنٸم تەلەفوندارى ارقىلى حابارلاسۋدى سۇرايمىز: 8 (7172) 708-478, 8 (7172) 709-920», دەلٸنگەن حابارلامادا.
