2020 جىلى ەكٸمشٸلەندٸرۋ جەنە تسيفرلاندىرۋ ەسەبٸنەن قوسىمشا 710 ملرد تەڭگە سالىق تٷستٸ. بۇل تۋرالى بٷگٸن ٷكٸمەت وتىرىسىندا قر قارجى مينيسترٸ ەرۇلان جاماۋباەۆ ايتتى, دەپ حابارلايدى قازاقپارات.
«تەۋەكەلدەردٸ باسقارۋ جٷيەسٸنٸڭ قولدانىلۋ اياسىن كەڭەيتتٸك. جالپى, تەۋەكەلدەردٸڭ 86 تٷرلٸ مودەلٸ قۇرىلدى, 12 ملرد استام تسيفرلىق قۇجاتتار ٶڭدەلدٸ. نەتيجەسٸندە تسيفرلاندىرۋ جەنە ەكٸمشٸلەندٸرۋدٸڭ ەسەبٸنەن 2019 جىلى قوسىمشا 916 ملرد تەڭگە قامتاماسىز ەتٸلدٸ. 2020 جىلدان باستاپ ونلاين-باقىلاۋ كاسسا ماشينالارىن قولدانۋعا جاپپاي كٶشۋ جٷرگٸزٸلدٸ», - دەدٸ ول.
مينيستردٸڭ ايتۋىنشا, «ە-تەرەزە» اقپاراتتىق جٷيەسٸ رۇقسات قۇجاتتارىن بەرەتٸن 13 اقپاراتتىق جٷيەنٸ بٸرٸكتٸردٸ. قىزمەتتەردٸ الۋ ۋاقىتى 30 كٷننەن 5 كٷنگە دەيٸن قىسقاردى.
«2020 جىلدىڭ قورىتىندىسى بويىنشا ەكٸمشٸلەندٸرۋ جەنە تسيفرلاندىرۋ ەسەبٸنەن قوسىمشا 710 ملرد تەڭگە سالىق تٷسٸمدەرٸ قامتاماسىز ەتٸلدٸ», - دەدٸ ەرۇلان جاماۋباەۆ.
سونىمەن قاتار ول قارجى مينيسترلٸگٸ ەكٸمشٸلەندٸرۋدٸ ودان ەرٸ جەتٸلدٸرۋ جەنە بيۋدجەتتٸ تولىقتىرۋ ٷشٸن تسيفرلاندىرۋعا باسا نازار اۋدارا وتىرىپ, بٸرقاتار ناقتى شارالار ەزٸرلەگەنٸن ايتتى. اتالعان شارالاردىڭ قاتارىندا ترانسشەكارالىق ساۋدانى باقىلاۋدى كٷشەيتۋ; كەدەندٸك ينفراقۇرىلىمدى جاڭعىرتۋ; اقپاراتتىق جٷيەلەردٸ جەتٸلدٸرۋ جەنە جاڭا پلاتفورماعا كٶشۋ; ٸرٸ سالىق تٶلەۋشٸلەردٸڭ كٶلدەنەڭ مونيتورينگٸن قولدانۋ; حالىق پەن بيزنەسكە ارنالعان موبيلدٸ قوسىمشالاردى دامىتۋ; زاڭنامانى جەتٸلدٸرۋ بار.
