قر قارجى مينيسترلٸگٸ 2020 جىلدىڭ سوڭىنا دەيٸن ونلاين باقىلاۋ-كاسسالىق ماشيناسىنا بالاما رەتٸندە دارا كەسٸپكەرلەرگە (ٶزٸن-ٶزٸ جۇمىسپەن قامتۋشىلارعا, سالىق تٶلەۋشٸلەرگە, پاتەنت بويىنشا جۇمىس ٸستەيتٸندەرگە) ارنالعان تەگٸن موبيلدٸك قوسىمشا ەزٸرلەۋگە ىقپال ەتەتٸنٸن مەلٸمدەدٸ, دەپ حابارلايدى "ۇلت اقپارات" مەملەكەتتٸك كٸرٸستەر كوميتەتٸنە سٸلتەمە جاساپ.
«شاعىن جەنە ورتا بيزنەس ٶكٸلدەرٸ ٷشٸن مەملەكەتتٸك كٸرٸستەر كوميتەتٸنٸڭ اقپاراتتىق جٷيەلەرٸن ەكٸنشٸ دەڭگەيلٸ بانكتەرمەن ينتەگراتسييالاۋ جۇمىستارى جٷرگٸزٸلۋدە. الداعى ۋاقىتتا جەكە تۇلعالار مەن كەسٸپكەرلەردٸڭ اقشالاي اۋدارىمدارى ٷشٸن پايدالانىلاتىن موبيلدٸ قوسىمشا ونلاين بكم مەن پوس-تەرمينالداردىڭ تەگٸن بالاماسى رەتٸندە جۇمىس ٸستەمەك. وعان قوسا جاڭا جٷيە ونلاين تٸركەۋگە تۇرۋ, ونلاين تٷردە سالىق بويىنشا ەسەپ تاپسىرۋ جەنە سالىق تٶلەۋ سىندى فۋنكتسييالاردى قامتىماق», دەلٸنگەن حابارلامادا.
قازٸرگٸ تاڭدا ونلاين باقىلاۋ-كاسسالىق ماشيناسى سالىقتىق ەكٸمشٸلەندٸرۋدٸڭ نەگٸزگٸ تەتٸگٸ بولىپ وتىر. ونلاين باقىلاۋ-كاسسالىق ماشيناسىنان الىنعان دەرەكتەر مەملەكەتتٸك كٸرٸستەر كوميتەتٸنە تاۋارلار مەن قىزمەتتەر ٷشٸن تٶلەنگەن قاراجاتقا ساراپتاما جاساۋعا مٷمكٸندٸك بەرەدٸ.
«ونلاين تٷبٸرتەكتەر اۋقىمدى دەرەكتەر قورىن جينايتىندىقتان, مەملەكەتتٸك كٸرٸستەر كوميتەتٸنٸڭ اقپاراتتىق جٷيەسٸن بارلىق ساۋدا نٷكتەلەرٸمەن ينتەگراتسييالاۋ تيٸمسٸز. سوندىقتان فيسكالدى دەرەكتەردٸ قابىلداۋ, ساقتاۋ جەنە مكك اقپاراتتىق جٷيەسٸنە جولداۋ فۋنكتسيياسىن فيسكالدىق دەرەكتەر وپەراتورى ارقىلى جٷزەگە اسىرۋ تۋرالى شەشٸم قابىلدانعان. مۇنداي تەجٸريبە ەلەمنٸڭ ٶزگە ەلدەرٸندە دە كەڭٸنەن قولدانىلادى. ال كٶرشٸلەس رەسەي فەدەراتسيياسىن مىسالعا الار بولساق, وندا فيسكالدىق دەرەكتەر عانا ەمەس, شوت فاكتۋرالاردىڭ اقپاراتتىق جٷيەسٸ دە جەكە مەنشٸك وپەراتورلارعا بەرٸلگەن», دەلٸنگەن حابارلامادا.
قازاقستاندا 2014 جىلدان باستاپ فيسكالدىق دەرەكتەر وپەراتورى رەتٸندە «قازاقتەلەكوم» اق جۇمىس ٸستەپ كەلگەن. ال 2019 جىلى بۇل قىزمەتتٸ بەسەكەلەستٸك ورتاعا بەرۋ تۋرالى شەشٸم قابىلداندى. وسىلايشا, قازٸرگٸ تاڭدا فيسكالدىق دەرەكتەر وپەراتورى فۋنكتسيياسىن 4 زاڭدى تۇلعا جٷزەگە اسىرۋدا («قازاقتەلەكوم» اق, «ترانستەلەكوم» اق, «كار-تەل» جشس جەنە «KazTransCom» جشس). بۇل شارالار قىزمەتتٸڭ قۇنىن تٶمەندەتٸپ, ساپاسىن ارتتىرۋ ماقساتىندا قولعا الىنعان. بٷگٸندە «ترانستەلەكوم» اق قىزمەت قۇنىن 1 400 تەڭگەگە دەيٸن تٶمەندەتتٸ.
«ونلاين باقىلاۋ-كاسسالىق ماشينالارىن پايدالانۋ وتاندىق IT سالاسىن دامىتۋعا ٷلەس قوسپاق. بٷگٸندە سمارتفونداردا موبيلدٸ ونلاين باقىلاۋ-كاسسالىق ماشينالارى قوسىمشاسىنىڭ بٸرنەشە تٷرٸ بار. ولاردىڭ كەيبٸرٸ اقىسىز نەگٸزدە جۇمىس ٸستەيدٸ. قر قم ماماندارى مۇنداي پيلوتتىق جوبالاردىڭ مٷمكٸندٸكتەرٸ مەن قاۋٸپسٸزدٸگٸن زەرتتەۋدە», دەلٸنگەن حابارلامادا.
