قر قارجى مينيسترلٸگٸ 400 قىزمەتتٸك كٶلٸكتەن باس تارتتى. بۇل تۋرالى ۆەدومستۆو باسشىسى ەليحان سمايىلوۆ مەلٸمدەدٸ.
ونىڭ ايتۋىنشا, بيىل مينيسترلٸككە قاراستى اۋداندىق بٶلٸمشەلەر قىزمەتتٸك كٶلٸكتەردٸ پايدالانۋدان باس تارتقان.
«بۇل – 400-دەن استام اۆتوكٶلٸك. قاجەتتٸ اۆتوكٶلٸك قىزمەتتەرٸ بەسەكەلەستٸك ورتادان ساتىپ الىنادى. جالپى جوعارىدا اتالعان شارا شامامەن 3,5 ملرد تەڭگە بيۋدجەت قاراجاتىن ٷنەمدەيدٸ. ٷنەمدەلگەن قاراجات №304 جارلىققا سەيكەس مينيسترلٸك پەن ونىڭ كوميتەتتەرٸ قىزمەتكەرلەرٸنٸڭ جاقالىسىن كٶتەرۋگە جۇمسالادى», - دەدٸ مينيستر.
وسى ورايدا ەليحان سمايىلوۆ مينيسترلٸكتٸڭ جۇمىسىن ودان ەرٸ جەتٸلدٸرۋ قاجەتتٸگٸن جەتكٸزدٸ.
«2019 جىلدىڭ 1 قاڭتارىنان ۆەدومستۆوعا قاراستى مەملەكەتتٸك مەكەمەلەردٸڭ بۋحگالتەرلٸك ەسەبٸ ورتالىقتاندىرىلدى. مينيسترلٸكتٸڭ ورتالىق اپپارات, كوميتەتتەر, اۋماقتىق بٶلٸمشەلەر قىزمەتكەرلەرٸنٸڭ جالاقىلارى مەن ٸسساپار شىعىستارى بٸر ورتالىقتان ەسەپتەلٸنەدٸ جەنە تٶلەنەدٸ. مينيسترلٸك جٷيەسٸندە مەملەكەتتٸك ورگان مەرتەبەسٸ بار 80 زاڭدى تۇلعا بار. ورتالىقتاندىرىلعان مەملەكەتتٸك ساتىپ الۋعا كٶشۋ جٷرگٸزٸلۋدە», - دەدٸ ە.سمايىلوۆ.
