QR Qarjy ministrligi 400 qyzmettik kólikten bas tartty. Bul týraly vedomstvo basshysy Álihan Smaiylov málimdedi.
Onyń aitýynsha, biyl ministrlikke qarasty aýdandyq bólimsheler qyzmettik kólikterdi paidalanýdan bas tartqan.
«Bul – 400-den astam avtokólik. Qajetti avtokólik qyzmetteri básekelestik ortadan satyp alynady. Jalpy joǵaryda atalǵan shara shamamen 3,5 mlrd teńge biýdjet qarajatyn únemdeidi. Únemdelgen qarajat №304 jarlyqqa sáikes ministrlik pen onyń komitetteri qyzmetkerleriniń jaqalysyn kóterýge jumsalady», - dedi ministr.
Osy oraida Álihan Smaiylov ministrliktiń jumysyn odan ári jetildirý qajettigin jetkizdi.
«2019 jyldyń 1 qańtarynan vedomstvoǵa qarasty memlekettik mekemelerdiń býhgalterlik esebi ortalyqtandyryldy. Ministrliktiń ortalyq apparat, komitetter, aýmaqtyq bólimsheler qyzmetkerleriniń jalaqylary men issapar shyǵystary bir ortalyqtan eseptelinedi jáne tólenedi. Ministrlik júiesinde memlekettik organ mártebesi bar 80 zańdy tulǵa bar. Ortalyqtandyrylǵan memlekettik satyp alýǵa kóshý júrgizilýde», - dedi Á.Smaiylov.
