2020 جىلى بيۋدجەتتٸڭ اتقارىلماعان سوماسى 241 ملرد تەڭگەنٸ قۇرادى. بۇل تۋرالى قر قارجى مينيسترلٸگٸنٸڭ القا مەجٸلٸسٸندە ۆەدومستۆو باسشىسى ەرۇلان جاماۋباەۆ مەلٸم ەتتٸ, دەپ حابارلايدى "ۇلت اقپارات".
«2020 جىلدىڭ قورىتىندىسى بويىنشا مەملەكەتتٸك قارجى كٶرسەتكٸشتەرٸنە توقتالساق, كٸرٸستەر بويىنشا مەملەكەتتٸك بيۋدجەتكە 9 ترلن 751 ملرد تەڭگە تٷستٸ نەمەسە جوسپار 102,7 پايىزعا ورىندالدى. 2019 جىلمەن سالىستىرعاندا ٶسٸم 62,7 ملرد تەڭگەنٸ قۇرادى. رەسپۋبليكالىق بيۋدجەتكە 6 ترلن 561 ملرد تەڭگە سوماسىندا كٸرٸس تٷستٸ. جوسپار 22 ملرد تەڭگەگە, ونىڭ ٸشٸندە سالىقتار 16 ملرد تەڭگەگە اسىرا ورىندالدى», - دەدٸ مينيستر.
اسىرا ورىنداۋدىڭ نەگٸزگٸ سوماسى كورپوراتيۆتٸك تابىس سالىعىنا, پايدالى قازبالاردى ٶندٸرۋگە سالىناتىن سالىققا, شيكٸ مۇنايعا سالىناتىن ەكسپورتتىق كەدەن باجىنا تيەسٸلٸ.
بيۋدجەت شىعىستارىنا توقتالعان جاماۋباەۆ, مەملەكەتتٸك بيۋدجەت شىعىستارى 98,2 پايىزعا, رەسپۋبليكالىق بيۋدجەت شىعىستارى 98,3 پايىزعا, جەرگٸلٸكتٸ بيۋدجەتتەردٸڭ شىعىستارى 99,1 پايىزعا اتقارىلعانىن جەتكٸزدٸ.
«رەسپۋبليكالىق بيۋدجەت بويىنشا سوماسى 14 ترلن 234 ملرد تەڭگەگە شىعىستار جٷرگٸزٸلگەن. اتقارىلماۋ سوماسى 241 ملرد تەڭگەنٸ قۇرادى. ونىڭ ٸشٸندە 224 ملرد تەڭگە ٷكٸمەت رەزەرۆٸ بويىنشا ٷنەمدەلگەن اقشا جەنە ٶزگە دە ٷنەمدەۋ. 15 ملرد تەڭگە – يگەرٸلمەگەن», - دەدٸ مينيستر.
