2020 jyly biýdjettiń atqarylmaǵan somasy 241 mlrd teńgeni qurady. Bul týraly QR Qarjy ministrliginiń alqa májilisinde vedomstvo basshysy Erulan Jamaýbaev málim etti, dep habarlaidy "Ult aqparat".
«2020 jyldyń qorytyndysy boiynsha memlekettik qarjy kórsetkishterine toqtalsaq, kirister boiynsha memlekettik biýdjetke 9 trln 751 mlrd teńge tústi nemese jospar 102,7 paiyzǵa oryndaldy. 2019 jylmen salystyrǵanda ósim 62,7 mlrd teńgeni qurady. Respýblikalyq biýdjetke 6 trln 561 mlrd teńge somasynda kiris tústi. Jospar 22 mlrd teńgege, onyń ishinde salyqtar 16 mlrd teńgege asyra oryndaldy», - dedi ministr.
Asyra oryndaýdyń negizgi somasy korporativtik tabys salyǵyna, paidaly qazbalardy óndirýge salynatyn salyqqa, shiki munaiǵa salynatyn eksporttyq keden bajyna tiesili.
Biýdjet shyǵystaryna toqtalǵan Jamaýbaev, memlekettik biýdjet shyǵystary 98,2 paiyzǵa, respýblikalyq biýdjet shyǵystary 98,3 paiyzǵa, jergilikti biýdjetterdiń shyǵystary 99,1 paiyzǵa atqarylǵanyn jetkizdi.
«Respýblikalyq biýdjet boiynsha somasy 14 trln 234 mlrd teńgege shyǵystar júrgizilgen. Atqarylmaý somasy 241 mlrd teńgeni qurady. Onyń ishinde 224 mlrd teńge Úkimet rezervi boiynsha únemdelgen aqsha jáne ózge de únemdeý. 15 mlrd teńge – igerilmegen», - dedi ministr.
