بيىلعى قاڭتار-سەۋٸر ايلارىندا قىزمەت كٶرسەتۋ سالالارىنان بيۋدجەتكە تٷسٸم ازايدى. بۇل تۋرالى قر قارجى مينيسترٸ ەليحان سمايىلوۆ ايتىپ بەردٸ, دەپ حابارلايدى "ۇلت اقپارات".
«2020 جىلدىڭ قاڭتار-سەۋٸر ايلارىندا رەسپۋبليكالىق بيۋدجەتتٸڭ شىعىستارى 4 ترلن 340 ملرد تەڭگەنٸ قۇرادى. بيۋدجەت قاراجاتى 62 ملرد. تەڭگەگە اتقارىلمادى, ونىڭ 14 ملرد تەڭگەسٸ ٷنەمدەۋ بولدى. يگەرٸلمەگەن سوما 48 ملرد تەڭگەنٸ قۇرادى», - دەدٸ مينيستر ٷكٸمەتتٸڭ بٷگٸنگٸ وتىرىسىندا.
مەملەكەتتٸك ورگانداردىڭ قارجىنى يگەرمەۋٸنٸڭ نەگٸزگٸ سەبەپتەرٸ رەتٸندە مينيستر كونكۋرستىق رەسٸمدەردٸ ۇزاق جەنە ۋاقتىندا ٶتكٸزبەۋ, قازىناشىلىق ورگاندارىنا تٸركەۋگە شارتتار مەن قوسىمشا كەلٸسٸمدەردٸ كەش ۇسىنۋ, شارتتاردى, قوسىمشا كەلٸسٸمدەردٸ جاساسۋ رەسٸمدەرٸن ۇزاق جٷرگٸزۋ جەنە سوتتا مەملەكەتتٸڭ مٷددەسٸن قورعاۋ جٶنٸندەگٸ تالاپ-ارىز جۇمىستارىن جٷرگٸزۋدٸ اتادى.
«ناقتىلانعان بيۋدجەتتە داعدارىسقا قارسى شارالارعا 1 ترلن 180 ملرد. تەڭگە قوسىمشا قاراستىلدى. بۇل سومانىڭ 70% جەرگٸلٸكتٸ بيۋدجەتتەرگە «ەڭبەك» مەملەكەتتٸك باعدارلاماسى, «اۋىل - ەل بەسٸگٸ», بيزنەستٸڭ جول كارتاسى اياسىندا كەسٸپكەرلەردٸڭ جوبالارىن سۋبسييادالاۋ جەنە كەپٸلدەندٸرۋ, اگروٶنەركەسٸپ كەشەنٸن سۋبسييادالاۋ كٶزدەلگەن. بارلىق قاجەتتٸ بيۋدجەتتٸك پروتسەدۋرالار جٷزەگە اسىرىلدى. مەملەكەتتٸك ساتىپ الۋلار جەڭٸلدەتٸلگەن پروتسەدۋرالار ارقىلى جٷرگٸزٸلۋدە. ەسەپتٸ كەزەڭدە وسى قاراجاتتىڭ 29 ملرد تەڭگەسٸ يگەرٸلدٸ», - دەدٸ ە. سمايىلوۆ.
سپيكەردٸڭ ايتۋىنشا, جەرگٸلٸكتٸ بيۋدجەتتەردٸڭ شىعىستارى 1 ترلن 812 ملرد تەڭگەگە يگەرٸلدٸ جەنە 54 ملرد تەڭگەسٸ ورىندالمادى.
«ەڭ كٶپ يگەرٸلمەگەن قاراجات: الماتى قالاسىندا - 4,3 ملرد تەڭگە, نۇر-سۇلتاندا - 2,1 ملرد تەڭگە, پاۆلودار وبلىسىندا - 2 ملرد تەڭگە, شىمكەنتتە - 1,9 ملرد تەڭگە, باتىس قازاقستان وبلىسىندا- 1,3 ملرد تەڭگە», - دەدٸ قارجى مينيسترٸ.
