Biylǵy qańtar-sáýir ailarynda qyzmet kórsetý salalarynan biýdjetke túsim azaidy. Bul týraly QR Qarjy ministri Álihan Smaiylov aityp berdi, dep habarlaidy "Ult aqparat".
«2020 jyldyń qańtar-sáýir ailarynda respýblikalyq biýdjettiń shyǵystary 4 trln 340 mlrd teńgeni qurady. Biýdjet qarajaty 62 mlrd. teńgege atqarylmady, onyń 14 mlrd teńgesi únemdeý boldy. Igerilmegen soma 48 mlrd teńgeni qurady», - dedi ministr Úkimettiń búgingi otyrysynda.
Memlekettik organdardyń qarjyny igermeýiniń negizgi sebepteri retinde ministr konkýrstyq rásimderdi uzaq jáne ýaqtynda ótkizbeý, qazynashylyq organdaryna tirkeýge sharttar men qosymsha kelisimderdi kesh usyný, sharttardy, qosymsha kelisimderdi jasasý rásimderin uzaq júrgizý jáne sotta memlekettiń múddesin qorǵaý jónindegi talap-aryz jumystaryn júrgizýdi atady.
«Naqtylanǵan biýdjette daǵdarysqa qarsy sharalarǵa 1 trln 180 mlrd. teńge qosymsha qarastyldy. Bul somanyń 70% jergilikti biýdjetterge «Eńbek» memlekettik baǵdarlamasy, «Aýyl - El besigi», Biznestiń Jol kartasy aiasynda kásipkerlerdiń jobalaryn sýbsiiadalaý jáne kepildendirý, agroónerkásip keshenin sýbsiiadalaý kózdelgen. Barlyq qajetti biýdjettik protsedýralar júzege asyryldy. Memlekettik satyp alýlar jeńildetilgen protsedýralar arqyly júrgizilýde. Esepti kezeńde osy qarajattyń 29 mlrd teńgesi igerildi», - dedi Á. Smaiylov.
Spikerdiń aitýynsha, jergilikti biýdjetterdiń shyǵystary 1 trln 812 mlrd teńgege igerildi jáne 54 mlrd teńgesi oryndalmady.
«Eń kóp igerilmegen qarajat: Almaty qalasynda - 4,3 mlrd teńge, Nur-Sultanda - 2,1 mlrd teńge, Pavlodar oblysynda - 2 mlrd teńge, Shymkentte - 1,9 mlrd teńge, Batys Qazaqstan oblysynda- 1,3 mlrd teńge», - dedi Qarjy ministri.
