قر قارۋلى كٷشتەرٸنٸڭ ەسكەري بٶلٸمدەرٸنە داڭقتى قولباسشىلاردىڭ ەسٸمدەرٸ بەرٸلدٸ, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ مەلٸمەتتەرٸنە قاراعاندا, قورعانىس مينيسترٸنٸڭ ديرەكتيۆاسىمەن 37-شٸ دەسانتتىق-شابۋىلداۋ بريگاداسىنا كەڭەس وداعىنىڭ باتىرى, گەنەرال-مايور يۆان پانفيلوۆتىڭ ەسٸمٸ, 5-شٸ مەحانيكالاندىرىلعان بريگاداعا كەڭەس وداعىنىڭ باتىرى, حالىق قاھارمانى پولكوۆنيك باۋىرجان مومىشۇلىنىڭ ەسٸمٸ بەرٸلدٸ.
بۇل ەسكەري بٶلٸمدەرگە باتىرلاردىڭ ەسٸمدەرٸ كەزدەيسوق تاڭدالعان جوق. الماتى وبلىسىندا 37-شٸ دەسانتتىق-شابۋىلداۋ بريگاداسى ورنالاسقان. ول جەردە 1941 جىلدىڭ جازىندا گەنەرال-مايور يۆان پانفيلوۆتىڭ باسشىلىعىمەن ەل اۋزىندا «پانفيلوۆشىلار» اتىمەن بەلگٸلٸ 316-شى اتقىشتار ديۆيزيياسى قۇرىلدى.
5-شٸ مەحانيكالاندىرىلعان بريگادا بولسا تاراز گارنيزونىندا, بۇل جامبىل وبلىسى جۋالى اۋدانىنىڭ تۋماسى, اتاقتى قولباسشى باۋىرجان مومىشۇلى تۋعان ايماقتا ورنالاسقان.
بۇنداي يگٸ باستامانى ەسكەري بٶلٸمدەردٸڭ جەكە قۇرامى مەن قورعانىس مينيسترلٸگٸنٸڭ باسشىلىعى تۇتاستاي قولداعان بولاتىن. قورىتىندى وڭ شەشٸمدٸ ٷكٸمەت جانىنداعى رەسپۋبليكالىق ونوماستيكا كوميسسيياسى شىعاردى.
«ەسكەري بٶلٸمدەرگە جاۋىنگەر قولباسشىلاردىڭ ەسٸمدەرٸن بەرۋ فاشيزمدٸ جەڭۋگە, ەسكەري عىلىمدى, تاكتيكانى جەنە شۇعىل ۇرىس ٶنەرٸن دامىتۋعا ەلەۋلٸ ٷلەس قوسقان اتى اڭىزعا اينالعان قولباسشىلاردى جادىمىزدا مەڭگٸ ساقتاۋعا جەنە جاۋىنگەرلٸك دەستٷردٸڭ ساباقتاستىعىن جالعاستىرۋعا ىقپال ەتەرٸ سٶزسٸز»,-دەلٸنگەن حابارلامادا.
