قازاقستاندىق كەسٸپقوي بوكسشى باتىر جٷكەمباەۆ كارەراسىندا العاش رەت نوكداۋنعا تٷسكەننەن كەيٸن بوكستان ۋاقىتشا شەتتەتٸلدٸ. ول بٸرٸنشٸ راۋندتا نوكداۋنعا تٷسكەنٸنە قاراماستان قارسىلاسىن نوكاۋتقا تٷسٸرٸپ جەڭٸسكە جەتتٸ, دەپ حابارلايدى Sputnik اگەنتتٸگٸ Vesti.kz سايتىنا سٸلتەمە جاساپ.
كانادانىڭ كۆەبەك پروۆينتسيياسىنىڭ بوكس كوميسسيياسى قازاقستاندىق باتىر جٷكەمباەۆتى ۋاقىتشا بوكستان شەتتەتۋ تۋرالى شەشٸم قابىلدادى.
بۇل شەتتەتۋ بوكسشىنىڭ العان جاراقاتىنان كەيٸن قالىپقا كەلٸپ الۋى ٷشٸن جاسالدى. 27 قازاننان باستاپ باتىر جٷكەمباەۆ قايتادان شارشى الاڭدا جۇدىرىقتاسا الادى. قازاقستاندىقتىڭ كەلەسٸ جەكپە-جەگٸ 24 قاراشا كٷنٸ كانادانىڭ ريمۋسكي قالاسىندا ٶتەدٸ. الايدا بوكسشىنىڭ قارسىلاسى كٸم بولاتىنى ەزٸرگە بەلگٸسٸز.
ەستەرٸڭٸزگە سالا كەتسەك, جٷكەمباەۆ سوڭعى رەت 7 قازان كٷنٸ جۇدىرىقتاستى. كانادانىڭ كۆەبەك قالاسىندا ٶتكەن بوكس كەشٸندە قارسىلاسى مەكسيكالىق پاتريسيو مورەنو بولدى.
وسى جەكپە-جەك بارىسىندا قازاقستاندىق العاشقى راۋندتا نوكداۋنعا تٷسكەنٸمەن, جەتٸنشٸ راۋندتىڭ سوڭىنا قاراي قارسىلاسىن نوكاۋتقا جٸبەردٸ. باستاپقىدا بۇل جەكپە-جەكتە بوس تۇرعان WBC International بەلبەۋٸ تٸگٸلەتٸنٸ تۋرالى ايتىلعان-دى. الايدا كەيٸن ۇيىم بۇعان رۇقسات بەرمەدٸ.
