كوللاج: Tengrinews.kz
قىزىلوردادا قۇدىققا قۇلاپ كەتكەن 2 جاسار بالانى قۇتقارۋ وپەراتسيياسىن 48 جاستاعى وتستاۆكاداعى پوليتسەي تالعات مىرزابەكوۆ ۇيىمداستىرعانى بەلگٸلٸ بولدى, - دەپ حابارلايدى Tengrinews.kz.
ەر ادامنىڭ ايتۋىنشا, ول سول كٷنٸ كٶلٸكتە بانككە كەتكەن ەيەلٸن كٷتٸپ وتىرعان. سول جەردە جٷكتٸ ەيەلدٸڭ: "بالام قۇلاپ قالدى!" - دەپ ايعايلاعان داۋىسىن ەستٸگەن.
"نە بولعانىن بٸلۋ ٷشٸن جٷگٸرٸپ باردىم. بالا جارتىلاي سۋعا تولعان كەرٸز قۇدىعىنا قۇلاپ كەتٸپتٸ, ودان جاعىمسىز يٸس شىعىپ تۇردى. بالا قايتا اياعىمەن قۇلاپتى, جەڭٸل جاراقات العان, ول موينىنا دەيٸن لاس سۋعا باتىپ, جىلاپ تۇردى", - دەيدٸ تالعات مىرزابەكوۆ.
بۇرىنعى پوليتسەي ٶزٸ تٷسپەك بولعان, بٸراق ٸرٸ دەنەلٸ بولعاندىقتان كەرٸز قۇدىعىنا سىيمايتىنىن تٷسٸنگەن. جاقىن جەردە 15 جاستاعى ارمان امانجولوۆ تۇرعان. بٸراق جاسٶسپٸرٸم سۋعا تولى تەرەڭ قۇدىققا تٷسۋگە باتىلى جەتپەگەن.
"مەن وعان كٶمەكتەسەتٸنٸمدٸ, ۇستاپ تۇراتىنىمدى ايتتىم. دەل وسى كەزدە تاعى ەكٸ جٸگٸت جٷگٸرٸپ كەلدٸ. ولار مەنٸڭ اياعىمنان ۇستادى, مەن ارماندى ۇستادىم. بالانى دا, ارماندى دا بٸرگە الىپ شىقتىق. وسىدان كەيٸن سول جەردە تۇرعان ەرلٸ-زايىپتى ٷشەۋٸن كٶلٸككە وتىرعىزىپ, بالالار اۋرۋحاناسىنا جەتكٸزدٸ. بۇل ۋاقىتقا دەيٸن قۇتقارۋشىلار دا, باسقا قىزمەتتەر دە كەلگەن جوق. ادامدار حابارلاسىپ جاتتى. ودان كەيٸن كٶرمەدٸم", - دەيدٸ وتستاۆكاداعى پودپولكوۆنيك.
سۋرەت: ©Tengrinews.kz
تالعات مىرزابەكوۆ وتستاۆكاداعى پودپولكوۆنيك, ٶمٸر بويى قىلمىستىق ٸزدەستٸرۋ بٶلٸمٸندە قىزمەت ەتكەن. دەنساۋلىعىنا بايلانىستى 2015 جىلى زەينەتكەرلٸككە شىققان. ەكەسٸ تولىسبەك مىرزابەكۇلى دا پولكوۆنيك 2000 جىلى قايتىس بولعان. وبلىس ورتالىعىنداعى كٶشەلەردٸڭ بٸرٸنە ونىڭ ەسٸمٸ بەرٸلگەن ەكەن.
"ماعان ەشقانداي ماراپاتتىڭ قاجەتٸ جوق, مەندە بەرٸ بار. شىنىمدى ايتسام, بۇل تۋرالى بەرٸ بٸلگەنٸن قالامادىم, تەك الماتىدا تۇراتىن انام تاڭىمكٷل ىسقاقوۆاعا ايتتىم. باسىندا سەنبەدٸ, كەيٸن بالاعا كٶمەكتەسكەنٸم ٷشٸن ماقتادى. بٸراق مەن باسقاشا ٸستەي المادىم, ٶيتكەنٸ مەنٸڭ دە ايسۇلتان ەسٸمدٸ 4 جاسار ۇلىم بار. مەنٸڭ ويىمشا, كەز كەلگەن ادام وسىلاي جاسار ەدٸ", - دەپ قوستى ول.
ەسكە سالايىق, 19 تامىزدا قىزىلوردادا تٶرت مەترلٸك كەرٸز قۇدىعىنا تٷسٸپ كەتكەن ەكٸ جاسار بالانى كەزدەيسوق ٶتٸپ بارا جاتقان جاسٶسپٸرٸم قۇتقارىپ قالعان.
ارمان قىزىلورداعا م.يحسانوۆ اتىنداعى قىزىلوردا پوليتەحنيكالىق كوللەدجٸنە تٷسۋ ٷشٸن كەلگەن. تاڭداعان ماماندىعى - ەلەكتريك. ول - كٶپبالالى وتباسىنان شىققان جٸگٸت.
