پرەزيدەنتتٸڭ كٶمەكشٸسٸ ەرلان قارين قازاقستاندا ٶلٸم جازاسىنىڭ رەسمي تٷردە الىنىپ تاستالۋىنا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«ۇلتتىق كەڭەس اياسىندا كٶتەرٸلگەن تاعى بٸر باستاما ٸسكە استى. قازاقستان ٶلٸم جازاسىن جويۋعا باعىتتالعان ازاماتتىق جەنە ساياسي قۇقىقتار تۋرالى حالىقارالىق پاكتٸگە ەكٸنشٸ فاكۋلتاتيۆتٸك حاتتاماعا قول قويدى. اتالمىش قۇجات ٶلٸم جازاسىن الىپ تاستاۋدى كٶزدەيدٸ. قازٸرگٸ ۋاقىتتا قازاقستاندا ٶلٸم جازاسىن ورىنداۋعا موراتوريي جارييالانعان. بۇل قۇجاتقا قوسىلۋ قاجەتتٸگٸن قازاقستاندىق قۇقىق قورعاۋشىلار مەن ساراپشىلار ۇلتتىق قوعامدىق سەنٸم كەڭەسٸنٸڭ ەرتٷرلٸ الاڭىندا كٶتەرگەن ەدٸ», - دەپ جازادى پرەزيدەنتتٸڭ كٶمەكشٸسٸ Telegram پاراقشاسىندا.
ناقتىراق ايتقاندا, بۇل باستامانى مەملەكەت باسشىسىنىڭ الدىندا ٶتكەن جىلدىڭ كٷزٸندە بەلگٸلٸ زاڭگەر جەمٸس تۇرماعامبەتوۆا كٶتەرگەن.
«وسىنىڭ نەتيجەسٸندە ۇلتتىق كەڭەستٸڭ 2019 جىلدىڭ جەلتوقسان ايىنداعى وتىرىسىندا پرەزيدەنت قاسىم-جومارت توقاەۆ قر سٸم-گە ەكٸنشٸ فاكۋلتاتيۆتٸك حاتتاماعا قوسىلۋ پروتسەدۋراسىن باستاۋدى تاپسىردى. بۇل باستاما ساياسي رەفورمالاردىڭ العاشقى پاكەتٸنە ەنگٸزٸلدٸ. بٷگٸن بٸرٸككەن ۇلتتار ۇيىمىنىڭ بۇۇ شتاب-پەتەرٸندە قازاقستاننىڭ بۇۇ جانىنداعى تۇراقتى ٶكٸلٸ قايرات وماروۆ ٶلٸم جازاسىن جويۋعا باعىتتالعان ازاماتتىق جەنە ساياسي قۇقىقتار تۋرالى حالىقارالىق پاكتٸگە ەكٸنشٸ فاكۋلتاتيۆتٸك حاتتاماعا قول قويدى. بۇل قادام - قىلمىستىق زاڭنامانى ٸزگٸلەندٸرۋگە باعىتتالعان شارا», - دەيدٸ ەرلان قارين.
ەسكە سالا كەتسەك, 23 قىركٷيەكتە بۇۇ شتاب-پەتەرٸندە قازاقستاننىڭ بۇۇ جانىنداعى تۇراقتى ٶكٸلٸ قايرات وماروۆ ٶلٸم جازاسىن جويۋعا باعىتتالعان ازاماتتىق جەنە ساياسي قۇقىقتار تۋرالى حالىقارالىق پاكتٸگە ەكٸنشٸ فاكۋلتاتيۆتٸك حاتتاماعا قول قويعان بولاتىن.
