قر پرەزيدەنتٸنٸڭ كٶمەكشٸسٸ ەرلان قارين مەجٸلٸستە جەردٸ شەتەلدٸكتەرگە بەرۋگە بٸرجولا تىيىم سالۋدى كٶزدەيتٸن زاڭ جوباسىنىڭ بٸرٸنشٸ وقىلىمدا ماقۇلدانۋىنا بايلانىستى پٸكٸر بٸلدٸردٸ, دەپ حابارلايدى "ۇلت اقپارات".
«شەتەلدٸكتەرگە جەنە ٶزٸنٸڭ ٷلەسٸندە شەتەلدٸك قاتىسۋى بار زاڭدى تۇلعالارعا اۋىل شارۋاشىلىعى جەرلەرٸن ساتۋعا, جالعا بەرۋگە زاڭ جٷزٸندە تىيىم سالۋدى قامتىعان پريزيدەنتتٸك زاڭ جوباسى مەجٸلٸستە بٸرٸنشٸ وقىلىمنان ٶتتٸ. 2021 جىلدىڭ 12 ناۋرىزىندا پرەزيدەنت رەتٸندە زاڭ شىعارۋعا باستاماشىلىق ەتۋ قۇقىعىن پايدالانىپ, قاسىم-جومارت توقاەۆ مەجٸلٸسكە اتالعان زاڭ جوباسىن ەنگٸزدٸ. جۇمىس توبىنىڭ 3 وتىرىسى (18,29 مامىردا جەنە 5 سەۋٸردە), سونداي-اق اگرارلىق مەسەلەلەر كوميتەتٸنٸڭ كەڭەيتٸلگەن وتىرىسى (30 ناۋرىز) ٶتتٸ. وسى پٸكٸر الماسۋلارعا قاتىسۋشىلار قۇجاتتى تولىقتاي قولدادى جەنە مەجٸلٸستٸڭ جالپى وتىرىسىنا شىعارىلدى», - دەپ جازدى قارين Telegram پاراقشاسىندا.
وسى ورايدا ول بٷگٸن ٶتكەن جالپى وتىرىستا زاڭ جوباسى بٸرٸنشٸ وقىلىمدا قارالعانىن ەسكە سالدى.
«زاڭ جوباسىنىڭ نەگٸزگٸ ەرەجەلەرٸن اۋىل شارۋاشىلىعى مينيسترٸ ساپارحان وماروۆ تانىستىردى. تالقىلاۋ قورىتىندىسى بويىنشا مەجٸلٸستٸڭ بارلىق فراكتسييالارىنىڭ دەپۋتاتتارى قۇجاتتى بٸرٸنشٸ وقىلىمدا ماقۇلدادى. ەندٸ زاڭ جوباسى ەكٸنشٸ وقىلىمدا قارالاتىن بولادى», - دەدٸ ە. قارين.
بۇدان بۇرىن حابارلانعانداي, بٷگٸن پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جەر قاتىناستارى مەسەلەلەرٸ بويىنشا ٶزگەرٸستەر مەن تولىقتىرۋ ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى.
