ۇلتتىق قاۋٸپسٸزدٸك كوميتەتٸ مەملەكەتكە وپاسىزدىق جاساۋ, بيلٸكتٸ كٷشپەن باسىپ الۋ جەنە لاۋازىمدىق مٸندەتتەرٸن اسىرا پايدالانۋ كٷدٸگٸ بويىنشا مەسٸموۆ پەن باسقا دا ادامدارعا قاتىستى قىلمىستىق ٸس بويىنشا جاڭا دەرەكتەر جارييالادى, - دەپ حابارلايدى "ۇلت اقپارات".
سونىمەن قاتار, تەرگەۋ بارىسىندا مەسٸموۆ ەرەكەتتەرٸندە سىبايلاس جەمقورلىق بەلگٸلەرٸ كٶپ انىقتالعانى حابارلاندى.
"وتاندىق بيزنەس قاۋىمداستىقتارى مەن شەتەلدٸك سۋبەكت ٶكٸلدەرٸنەن جىلجىمايتىن مٷلٸك, قىمبات سىيلىقتار, سونىڭ ٸشٸندە مەدەني قۇندىلىقتار, ەلەۋلٸ مٶلشەردە اقشالاي قاراجات الۋ دەرەكتەرٸ قۇجاتقا تٷستٸ.
اتاپ ايتقاندا, ۇقك تٶراعاسى لاۋازىمىندا مەسٸموۆتٸڭ جابىق كەلٸسٸمشارتتاردىڭ بٸرٸ بويىنشا شەت مەملەكەت ٶكٸلدەرٸنەن 2 ميلليون اقش دوللارى سوماسىندا پارا الۋ دەرەگٸنە تەرگەۋ جٷرٸپ جاتىر", - دەلٸنگەن حابارلامادا.
اتالعان قاراجاتتىڭ گونكونگتان قازاقستان ۇلتتىق بانكٸنە قايتارىلۋى قامتاماسىز ەتٸلەتٸنٸ ايتىلدى.
سونداي-اق, مەسٸموۆ پرەمەر-مينيستر لاۋازىمىندا بولعاندا ەلوردادا بيزنەس-قۇرىلىمداردىڭ بٸرٸنەن قۇنى 2,5 ميلليارد تەڭگەگە جۋىق ەليتالىق قوناقٷي مەن جەر ۋچاسكەسٸن الۋ دەرەگٸ بويىنشا تەرگەۋ باستالدى.
مەسٸموۆ ۇستالعاننان كەيٸن, 2022 جىلدىڭ قاڭتارىندا بۇل قوناقٷيدەن 17,2 ميلليون اقش دوللارى, سونداي-اق كٶپتەگەن سەندٸ زاتتار - ەليتالىق ساعاتتار, التىن قۇيمالار, انتيكۆاريات جەنە تاعى باسقا زاتتار تەركٸلەنگەنٸ حابارلاندى.
ودان بٶلەك, بيزنەس-كلاسس ساناتىنداعى 11 قىمبات اۆتوكٶلٸك تەركٸلەندٸ.
نۇر-سۇلتان قالاسىنداعى ەكٸ ەليتالىق پەتەرٸنە, الماتىداعى ەكٸ پەتەرگە جەنە سارايعا, سونداي-اق, ششۋچينسك-بۋراباي كۋرورتتىق ايماعىنداعى كٶلدٸڭ جاعاسىنداعى اۋدانى 1 گەكتار جەر ۋچاسكەسٸنە تىيىم سالىندى.
مەسٸموۆپەن جاقىن بايلانىستاعى ادامداردان 5,1 ميلليون دوللار تەركٸلەندٸ.
"وسىمەن بٸر مەزگٸلدە مەسٸموۆ پەن ونىڭ اينالاسىنداعىلار شەتەل بانكتەرٸنە زاڭسىز شىعارعان اسا ٸرٸ مٶلشەردەگٸ اقشالاي قاراجاتتى ٸزدەستٸرۋ, بۇعاتتاۋ جەنە قازاقستانعا قايتارۋ بويىنشا جۇمىس ۇيىمداستىرىلدى", - دەلٸنگەن حابارلامادا.
ۇقك مەلٸمەتٸنشە, بارلىق كٶرسەتٸلگەن دەرەكتەر بويىنشا قارقىندى جەدەل-تەرگەۋ ٸس-شارالارى جٷرٸپ جاتىر.
