كوروناۆيرۋسقا قاتىستى ەپيدەميولوگييالىق احۋالدىڭ تۇراقتالۋىنا بايلانىستى قر ٷكٸمەتٸ كارانتين شارالارىن كەزەڭ-كەزەڭٸمەن جەڭٸلدەتۋ جوسپارىن بەكٸتتٸ. وسىعان سەيكەس 17 تامىزدان باستاپ ساۋدا ورتالىقتارى, قوعامدىق تاماقتانۋ نىساندارى, اۆتوسالوندار, بالالارعا بٸلٸم بەرۋ مەكەمەلەرٸ جەنە ٶزگە دە بٸرقاتار بيزنەس نىساندارىنان شەكتەۋلەر الىنادى, دەپ حابارلايدى "ۇلت اقپارات".
الايدا, قر باس سانيتارلىق دەرٸگەردٸڭ بيىلعى 14 تامىزداعى № 47-شٸ قاۋلىسىنا بايلانىستى, تالاپقا سەيكەستٸك تۋرالى اكتٸنٸ الۋ ٷشٸن بارلىق كەسٸپكەرلٸك سۋبەكتٸسٸ www.infokazakhstan.kz. ەلەكتروندىق پورتالىندا تٸركەۋدەن ٶتۋ قاجەت.
سانيتارلىق تالاپتارعا سەيكەستٸك اكتٸسٸن (جۇمىستى باستاۋعا ەزٸرلٸك تۋرالى اكتٸ) الۋ 3 قادامنان تۇرادى: سايتقا كٸرۋ, باس سانيتارييالىق دەرٸگەردٸڭ قاۋلىسىن جٷكتەۋ, ونىمەن تانىسقاندىعى جٶنٸندە ەلەكتروندىق تسيفرلىق قولتاڭبامەن راستاۋ, ەزٸرلٸك تۋرالى اكتٸنٸ الۋ. سونداي-اق بۇل تەرتٸپكە وبەكتٸنٸڭ ەزٸرلٸگٸن تەكسەرۋ دە كٸرەدٸ. كەسٸپكەر سەيكەستٸك اكتٸسٸن باسىپ شىعارىپ, كٶرٸنەتٸن جەرگە نەمەسە كٸرەبەرٸسكە ٸلٸپ قويۋى (مونيتورينگٸلٸك توپ كەلگەن جاعدايى ٷشٸن) قاجەت.
«بيزنەستٸڭ سانيتارلىق قاۋٸپسٸزدٸك تالاپتارىنا بارىنشا جاۋاپكەرشٸلٸكپەن قاراۋى ٶتە ماڭىزدى. ٶيتكەنٸ بۇل تالاپتار كەسٸپكەرلەر پالاتاسى بازاسىندا كەڭٸنەن تالقىلاۋدان ٶتٸپ, قابىلداندى. ايتا كەتۋ كەرەك, بيزنەستٸڭ جاۋاپكەرشٸلٸگٸن ارتتىرۋدى ەسكەرە وتىرىپ, بٸز كەسٸپكەرلٸك قىزمەت تٷرلەرٸنٸڭ 90 پايىزىنا دەيٸن حابارلاما جاساۋعا كەلٸستٸك. مۇنداي جاعدايدا بيزنەس سانيتارلىق تالاپتاردى قاتاڭ ساقتاۋعا كەپٸلدٸك بەرەدٸ. تٸكەلەي تەكسەرۋشٸ كەلمەگەنٸمەن, قوعامدىق قاداعالاۋ, كەز-كەلگەن كەلۋشٸ قۇقىق بۇزۋشىلىق تۋرالى اقپاراتتى باقىلاۋشى ورگاندارعا جٸبەرە الادى. مامىر ايىندا كارانتين اياقتالعاننان كەيٸن بولعان جاعداي بيزنەستٸڭ سانيتارلىق تالاپتاردى ساقتاۋى ٶتە ماڭىزدى ەكەنٸن كٶرسەتتٸ, ٶيتكەنٸ مۇنداي نىسانداردا حالىق كٶپ جينالادى», - دەدٸ قر دەنساۋلىق ساقتاۋ مينيسترٸ الەكسەي تسوي.
كەسٸپكەرلەر اراسىنداعى تالاپ بۇزۋشىلىقتىڭ الدىن الۋ جەنە انىقتاۋ ٷشٸن قوعامدىق باقىلاۋ جۇمىس ٸستەيتٸن بولادى. سونداي-اق www.infokazakhstan.kz سايتىنداعى سانيتارلىق تالاپتاردىڭ بۇزىلۋى تۋرالى اقپاراتتى سەس قىزمەتٸنە جٸبەرۋ قاراستىرىلعان.
«كەسٸپكەرلٸك قىزمەتتٸ www.infokazakhstan.kz پورتالىندا تٸركەمەي قايتا باستاۋ - بۇل زاڭ بۇزۋ ەكەنٸن ەسكەرتكٸم كەلەدٸ. كەسٸپكەرلەردٸ وسى پورتالدىڭ مٷمكٸندٸكتەرٸن پايدالانۋعا شاقىرامىن, ول قوسىمشا قۇجات تولتىرۋدان بوساتادى, 10 مينۋت ٸشٸندە ٶتٸنٸم جٸبەرۋگە مٷمكٸندٸك بەرەدٸ. سانيتارلىق قاۋٸپسٸزدٸك تالاپتارىن مٷلتٸكسٸز ساقتاي وتىرىپ, بٸز بٸرگە اۋرۋشاڭدىقتى تٶمەندەتۋ بويىنشا وڭ ترەندتٸ ساقتاۋعا ٷلەس قوسامىز», - دەدٸ دەنساۋلىق ساقتاۋ مينيسترٸ الەكسەي تسوي.
www.infokazakhstan.kz ەلەكتروندىق پلاتفورما بيىل 14 تامىزدان باستاپ جۇمىس ٸستەيدٸ. العاشقى تەۋلٸكتە 5,8 مىڭ كەسٸپكەرلٸك سۋبەكتٸدەن ٶتٸنٸم قابىلداندى.
