Koronavirýsqa qatysty epidemiologiialyq ahýaldyń turaqtalýyna bailanysty QR Úkimeti karantin sharalaryn kezeń-kezeńimen jeńildetý josparyn bekitti. Osyǵan sáikes 17 tamyzdan bastap saýda ortalyqtary, qoǵamdyq tamaqtaný nysandary, avtosalondar, balalarǵa bilim berý mekemeleri jáne ózge de birqatar biznes nysandarynan shekteýler alynady, dep habarlaidy "Ult aqparat".
Alaida, QR Bas sanitarlyq dárigerdiń biylǵy 14 tamyzdaǵy № 47-shi qaýlysyna bailanysty, talapqa sáikestik týraly aktini alý úshin barlyq kásipkerlik sýbektisi www.infokazakhstan.kz. elektrondyq portalynda tirkeýden ótý qajet.
Sanitarlyq talaptarǵa sáikestik aktisin (jumysty bastaýǵa ázirlik týraly akti) alý 3 qadamnan turady: saitqa kirý, bas sanitariialyq dárigerdiń qaýlysyn júkteý, onymen tanysqandyǵy jóninde elektrondyq tsifrlyq qoltańbamen rastaý, ázirlik týraly aktini alý. Sondai-aq bul tártipke obektiniń ázirligin tekserý de kiredi. Kásipker sáikestik aktisin basyp shyǵaryp, kórinetin jerge nemese kireberiske ilip qoiýy (monitoringilik top kelgen jaǵdaiy úshin) qajet.
«Biznestiń sanitarlyq qaýipsizdik talaptaryna barynsha jaýapkershilikpen qaraýy óte mańyzdy. Óitkeni bul talaptar Kásipkerler palatasy bazasynda keńinen talqylaýdan ótip, qabyldandy. Aita ketý kerek, biznestiń jaýapkershiligin arttyrýdy eskere otyryp, biz kásipkerlik qyzmet túrleriniń 90 paiyzyna deiin habarlama jasaýǵa kelistik. Mundai jaǵdaida biznes sanitarlyq talaptardy qatań saqtaýǵa kepildik beredi. Tikelei tekserýshi kelmegenimen, qoǵamdyq qadaǵalaý, kez-kelgen kelýshi quqyq buzýshylyq týraly aqparatty baqylaýshy organdarǵa jibere alady. Mamyr aiynda karantin aiaqtalǵannan keiin bolǵan jaǵdai biznestiń sanitarlyq talaptardy saqtaýy óte mańyzdy ekenin kórsetti, óitkeni mundai nysandarda halyq kóp jinalady», - dedi QR Densaýlyq saqtaý ministri Aleksei Tsoi.
Kásipkerler arasyndaǵy talap buzýshylyqtyń aldyn alý jáne anyqtaý úshin qoǵamdyq baqylaý jumys isteitin bolady. Sondai-aq www.infokazakhstan.kz saityndaǵy sanitarlyq talaptardyń buzylýy týraly aqparatty SES qyzmetine jiberý qarastyrylǵan.
«Kásipkerlik qyzmetti www.infokazakhstan.kz portalynda tirkemei qaita bastaý - bul zań buzý ekenin eskertkim keledi. Kásipkerlerdi osy portaldyń múmkindikterin paidalanýǵa shaqyramyn, ol qosymsha qujat toltyrýdan bosatady, 10 minýt ishinde ótinim jiberýge múmkindik beredi. Sanitarlyq qaýipsizdik talaptaryn múltiksiz saqtai otyryp, biz birge aýrýshańdyqty tómendetý boiynsha oń trendti saqtaýǵa úles qosamyz», - dedi Densaýlyq saqtaý ministri Aleksei Tsoi.
www.infokazakhstan.kz elektrondyq platforma biyl 14 tamyzdan bastap jumys isteidi. Alǵashqy táýlikte 5,8 myń kásipkerlik sýbektiden ótinim qabyldandy.
