قر پرەمەر-مينيسترٸ اسقار ماميننٸڭ تٶراعالىعىمەن ٶتكەن مەملەكەتتٸك كوميسسييا وتىرىسىندا قر پرەزيدەنتٸ قاسىم-جومارت توقاەۆتىڭ كارانتيندٸك شارالاردى ۇزارتۋ جەنە كارانتيننەن كەيٸنگٸ كەزەڭگە دايىندىق جٶنٸندەگٸ تاپسىرماسىنىڭ ورىندالۋ مەسەلەلەرٸ قارالدى. بۇل تۋرالى primeminister.kz حابارلادى.
ەلٸمٸزدەگٸ ەپيدەميولوگييالىق احۋال, حالىق پەن بيزنەستٸ قولداۋ شارالارى تۋرالى قر دەنساۋلىق ساقتاۋ مينيسترٸ ا. تسوي, «اتامەكەن» ۇكپ تٶراعاسى ا. مىرزاحمەتوۆ, قر قارجى نارىعىن رەتتەۋ جەنە دامىتۋ اگەنتتٸگٸ تٶراعاسىنىڭ ورىنباسارى ن. ەبدٸراحمانوۆ, قر ەڭبەك جەنە حالىقتى ەلەۋمەتتٸك قورعاۋ مينيسترٸ ب. نۇرىمبەتوۆ, الماتى قالاسىنىڭ ەكٸمٸ ب. ساعىنتاەۆ باياندادى.
ٷكٸمەت باسشىسى الداعى ەكٸ اپتا ٸشٸندە ٶز قىزمەتٸن ۋاقىتشا توقتاتقان ەكونوميكا سالالارىنىڭ قىزمەتٸن قالپىنا كەلتٸرۋ بويىنشا جٷيەلٸ دايىندىق جۇمىستارىن جٷرگٸزۋدٸ تاپسىردى.
ۇلتتىق ەكونوميكا مينيسترلٸگٸنە مٷددەلٸ مەملەكەتتٸك ورگاندارمەن, «اتامەكەن» ۇكپ-مەن بٸرلەسٸپ, كەسٸپكەرلەرگە قولداۋ كٶرسەتۋ شارالارىن ەزٸرلەۋ تاپسىرىلدى.
ەڭ كٶپ زارداپ شەككەن سالالارداعى شوب سۋبەكتٸلەرٸنە مەملەكەتتٸك قولداۋ شاراسى رەتٸندە نەسيە تٶلەمدەرٸن وسى جىلدىڭ 1 قازانىنا دەيٸنگٸ مەرزٸمگە كەيٸنگە قالدىرۋ مٷمكٸندٸگٸ ۇسىنىلادى.
پرەمەر-مينيستر بيزنەس سۋبەكتٸلەرٸنٸڭ قىزمەتٸنە قويىلاتىن سانيتارلىق-ەپيدەميولوگييالىق تالاپتاردى بەكٸتۋدٸ, سونداي-اق ازاماتتار مەن كەسٸپكەرلٸك سۋبەكتٸلەرٸنٸڭ سانيتارلىق ەرەجەلەردٸ ساقتاۋىنا تيٸستٸ باقىلاۋ جاساۋدى تاپسىردى.
كەسٸپورىننىڭ جۇمىسىنا سالىنعان تىيىمدى الىپ تاستاۋ الگوريتمٸ كەسٸپكەرلەردٸ تٸركەۋدٸ جەنە «Info Kazakhstan» ەلەكتروندىق پلاتفورماسىندا قىزمەتتٸ قايتا باستاۋعا ٶتٸنٸمدەر قابىلداۋدى قامتيدى. ەكٸمدٸك, سەق, ٶڭٸرلٸك كەسٸپكەرلەر پالاتاسى قىزمەتكەرلەرٸ مەن جۇرتشىلىق ٶكٸلدەرٸنەن قۇرالعان كوميسسييا تەكسەرگەننەن كەيٸن بيزنەس سۋبەكتٸلەرٸنە قىزمەتٸن قايتا باستاۋعا ەلەكتروندىق رۇقسات بەرٸلەدٸ.
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنە كوروناۆيرۋس ينفەكتسيياسىنىڭ الدىن الۋ جەنە اقپاراتتاندىرۋدى ارتتىرۋ بويىنشا موبيلدٸ قوسىمشالاردى ەنگٸزۋ تاپسىرىلدى.
