پارلامەنت مەجٸلٸسٸنٸڭ دەپۋتاتى ازات پەرۋاشەۆ ەلدە كارانتيندٸ ۇزارتۋ تۋرالى شەشٸمگە قاتىستى پٸكٸر بٸلدٸردٸ, دەپ حابارلايدى قازاقپارات.
«بٸز ٶز ۇسىنىستارىمىزدى ٷكٸمەت پەن مەملەكەتتٸك ورگاندارعا جەتكٸزگٸمٸز كەلەدٸ. جالپى قازٸرگٸ تاڭدا ەلدە تٶتەنشە جاعدايدى ەنگٸزۋ, كارانتين تەرتٸبٸن ۇزارتۋ تۋرالى شەشٸمنٸڭ ٶزٸن-ٶزٸ اقتاعانىن كٶرٸپ وتىرمىز. بٸرنەشە اپتا بۇرىن عانا ەلەمدەگٸ جاعدايدان قاراعاندا بٸزدەگٸ احۋال قيىن دەپ قورقا باستاعان ەدٸك», - دەدٸ ازات پەرۋاشەۆ «اق جول» پارتيياسىنىڭ بيزنەستٸ قولداۋ شارالارىنا بايلانىستى ٶتكٸزٸلگەن ونلاين رەجيمدەگٸ رەسپۋبليكالىق باسپاسٶز مەسليحاتىندا.
دەپۋتاتتىڭ ايتۋىنشا, بٷگٸنگٸ تاڭدا ەۋروپادا, بريتانييا مەن بەلگييادا, سونىمەن قاتار وڭتٷستٸك جەنە سولتٷستٸك امەريكادا كوروناۆيرۋس ٸندەتٸنٸڭ ەكٸنشٸ تولقىنى ٶتتٸ دەگەن پٸكٸر بارىن ايتىپ ٶتتٸ.
«سول سەبەپتٸ كارانتيندٸ ۇزارتۋ تۋرالى شەشٸمدٸ قولدادىق. بۇل شەشٸم دۇرىس بولدى. پرەزيدەنت تە وسىنى تاپسىرعانىن بٸلەسٸزدەر. ياعني كەسٸپورىننىڭ جۇمىسىن شەكتەپ قانا قويماي, ونى رەتتەپ وتىرۋ كەرەك. دەنساۋلىق ساقتاۋ مينيسترلٸگٸنٸڭ ەسەبٸنە سەنسەك, بٸز قازٸر ٸندەتتٸڭ شارىقتاۋ شەگٸنەن ٶتتٸك. اۋرۋ جۇقتىرۋدىڭ ازايىپ بارا جاتقانىن كٶرٸپ, بٸلٸپ وتىرمىز. ٶكٸنٸشكە قاراي, ارامىزدان ٸندەت ادامداردى ەلٸ دە الىپ كەتۋدە. تۋىستارىمىزدىڭ, دوستارىمىزدىڭ اراسىندا ٸندەتتٸڭ قۇربانى بولعاندار بار. الايدا شىڭىراۋ باسىنان جارق ەتكەن سەۋلە بايقالادى. دەسەك تە, ارقانى كەڭگە سالاتىن كەز ەمەس. پرەزيدەنت جاپپاي تىيىمنان گٶرٸ كەسٸپورىنداردىڭ جۇمىسىن رەتتەۋدٸ تاپسىرعان بولاتىن. الايدا مەملەكەتتٸك ورگاندار مەن جاۋاپتى ادامداردىڭ تاراپىنان بۇل تاپسىرما باسقا سيپات الىپ, بيزنەس كٶپتەگەن كەدەرگٸمەن بەتپە-بەت كەلدٸ. ونداي شەكتەۋلەردٸڭ كەيدە نەگٸزٸ بولماي شىعادى», - دەدٸ ول.
