قازاقستان ستراتەگييالىق زەرتتەۋ ينستيتۋتى ديرەكتورىنىڭ ورىنباسارى سانات كٶشكٸمباەۆ قازاقستاندا الداعى ۋاقىتتا دا كارانتين تالاپتارىن ساقتاۋ ماڭىزدىلىعى جٶنٸندە پٸكٸرٸن بٸلدٸردٸ, دەپ حابارلايدى قازاقپارات.
«بٸزدٸڭ ەلدٸڭ بيلٸگٸنٸڭ شەشٸمٸمەن قابىلدانعان ناقتى شارالار, اتاپ ايتقاندا تٶتەنشە جاعداي رەجيمٸ مەن كارانتيننٸڭ ەنگٸزٸلۋٸ – ەلدە كوروناۆيرۋس ينفەكتسيياسىنىڭ تارالۋىنا ەدەۋٸر شەكتەۋ قويا بٸلدٸ. الايدا مەملەكەت باسشىسى قاسىم-جومارت توقاەۆ قازاقستاندا تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ كەزەكتٸ وتىرىسىندا اتاپ ٶتكەندەي «ەپيدەمييا تولىعىمەن جەڭٸلگەن جوق, ازاماتتاردىڭ ەلٸ دە بولسا دەنساۋلىعىنا قاۋٸپ تٶنٸپ تۇر». سول سەبەپتٸ كارانتين شەكتەۋٸنٸڭ كەزەڭ-كەزەڭمەن الىنۋى ويعا قونىمدى قادام», - دەيدٸ سانات كٶشكٸمباەۆ.
ساراپشى قازاقستاندا كوروناۆيرۋس ينفەكتسيياسىن جۇقتىرعان العاشقى ازامات 13 ناۋرىزدا تٸركەلگەنٸن, وسىدان كەيٸن ٷش كٷن ٶتكەن سوڭ ەلدە تٶتەنشە جاعداي جارييالانعانىن ەسكە سالدى.
«دٷنيەجٷزٸلٸك دەنساۋلىق ساقتاۋ ۇيىمى 11 ناۋرىزدا ەلەمدە كوروناۆيرۋس ينفەكتسيياسىنىڭ تارالۋى پاندەمييا سيپاتىنا ٶتكەنٸن مەلٸمدەپ, مەملەكەتتەردٸڭ ٷكٸمەتتەرٸن «شۇعىل ەرٸ اگرەسسيۆتٸ شارالاردى» قابىلداۋعا شاقىرعان ەدٸ. 16 ناۋرىزدان باستاپ 11 مامىرعا دەيٸن قازاقستاندا تٶتەنشە جاعداي رەجيمٸ كٷشٸندە بولدى. ال 19 ناۋرىزدان باستاپ الدىمەن ەلوردادا, سودان كەيٸن الماتىدا كارانتين شارالارى كٷشٸنە ەنە باستادى. وسى قادامداردىڭ بەرٸ دە قولدا بار رەسۋرستاردى موبيزيزاتسييالاپ, قاۋٸپتٸ ازايتۋعا سەپتٸگٸن تيگٸزدٸ», - دەيدٸ ول.
سانات كٶشكٸمباەۆ بۇل رەتتە ەل بيلٸگٸ قابىلداعان شەكتەۋ شارالارىنىڭ بەرٸ دە قازاقستاندىقتاردىڭ قولداۋىنا يە بولعانىن مەلٸم ەتتٸ. ونىڭ پايىمىنا سٷيەنسەك, ەلدەگٸ شەكتەۋ شارالارىنىڭ ارقاسىندا قازاقستان كوروناۆيرۋستىڭ شارىقتاۋ شەگٸن بارىنشا از شىعىنمەن قارسى العان. ال مەسەلەن ەلەمنٸڭ بٸرقاتار ەلٸندە, اتاپ ايتقاندا اقش, يتالييا, ۇلىبريتانييا, يسپانييا ەلدەرٸندە كوروناۆيرۋس ينفەكتسيياسى بوي بەرمەيتٸن سيپاتقا يە بولىپ كەتكەن. مەسەلەن 17,5 ميلليون تۇرعىنى بٸر عانا نيدەرلاندى ەلٸندە كوروناۆيرۋس جۇقتىرعانداردىڭ سانى 42 مىڭنان اسىپ كەتكەن. 5,4 مىڭ ادام كٶز جۇمعان. وعان كٶرشٸلەس جاتقان 11,5 ميلليون تۇرعىنى بار بەلگييادا 53 مىڭ ادام اۋرۋدى جۇقتىرىپ, 13,5 مىڭ ادام باقيلىق بولعان.
«سول سەبەپتٸ تٶتەنشە جاعداي رەجيمٸنٸڭ 11 مامىردا اياقتالۋى – كارانتين شارالارىنىڭ الىنىپ تاستالعانىن بٸلدٸرمەيدٸ. ەلدە جەنە ەلەمدە سانيتارلىق داعدارىس ەلٸ دە كٷشٸندە. كارانتين شارالارىنىڭ بەرٸن ارى قاراي دا ۇستانعان ابزال. ەلەۋمەتتٸك ارا قاشىقتىقتى ساقتاپ, ماسكا تاعىپ, جۇمىس ورىندارىندا دەزينفەكتسييا جٷرگٸزٸپ, سەبەپسٸز ٷيدەن شىقپاۋ كەرەك. قىتاي مەن وڭتٷستٸك كورەيانىڭ تەجٸريبەسٸ كٶرسەتٸپ وتىرعانداي كارانتين شارالارىن بٸر كٸسٸدەي ساقتاساق, كوروناۆيرۋس پاندەميياسىن بارىنشا از شىعىنمەن ٶتكەرەمٸز. قاۋٸپتٸڭ بەتٸن قايتاراتىن باسقا تيٸمدٸ امال جوق. تيٸسٸنشە بٸزدٸڭ ازاماتتار سابىرعا تٶر بەرٸپ, شەكتەۋ شارالارىن ساقتاۋى تيٸس», - دەپ تٷيدٸ ساراپشى.
