بٷگٸن, ياعني, 6 قاڭتار كٷنٸ قاراعاندىدا جٷزدەگەن ادام كٶشەگە جينالىپ, جاپپاي تٶبەلەس كەزٸندە مەرت بولعان جٸگٸتتٸڭ قازاسىنا قاتىستى بيلٸك ورىندارىنىڭ تٷسٸنٸكتەمە بەرۋٸن تالاپ ەتتٸ.
وبلىستىق بٸلٸم باسقارماسىنىڭ الدىنا جينالعان جۇرتشىلىق ٶز تالاپ-تٸلەكتەرٸن ايتىپ, قىلمىستىق ٸستٸ تەرگەۋ بارىسىنا الاڭداۋشىلىق بٸلدٸردٸ. كەيبٸر قوعام بەلسەندٸلەرٸ جيىننىڭ قالاي ٶرٸس العانىن فەيسبۋك جەلٸسٸ ارقىلى تٸكەلەي ەفيردە كٶرسەتتٸ.
قاراعاندى وبلىسى ەكٸمدٸگٸنٸڭ باسپاسٶز قىزمەتٸنٸڭ حابارلاۋىنشا, قاراعاندىداعى بيلٸك ٶكٸلدەرٸ «درەۆنيي ريم» مەيرامحاناسىندا ورىن العان جانجال كەزٸندە كٶز جۇمعان جٸگٸتتٸڭ جاقىندارىمەن كەزدەسكەن. كەزدەسۋ بارىسىندا تەرگەۋدٸڭ جٷرگٸزٸلۋٸ جايلى تٷسٸنٸكتەمەلەر بەرٸلگەن.
«بۇل ۋاقىتتا پوليتسييا دەپارتامەنتٸنٸڭ الدىندا اقپاراتتىڭ حابارلانۋىن كٷتكەن 200-230 ادام جينالدى. جينالعانداردىڭ الدىندا قاراعاندى وبلىسىنىڭ ەكٸمٸ ەرلان قوشانوۆ سٶز سٶيلەپ, تەرگەۋدٸڭ بارىسى جايلى جەنە الداعى ۋاقىتتا ٸسكە اسىرىلاتىن شارالار تۋرالى تولىق اقپارات بەردٸ. ەكٸم تەرگەۋ شارالارىنىڭ قر باس پروكۋرورىنىڭ جەكە باقىلاۋىنا الىنعاندىعىن جەنە بارلىق كٸنەلٸ تۇلعالاردىڭ جازالاناتىنىن قاداپ ايتتى» دەيدٸ باسپاسٶز ٶكٸلدەرٸ.
بيلٸك اتالعان پروتسەسستٸڭ وبەكتيۆتٸ جەنە بارىنشا اشىق ٶتەتٸنٸنە ۋەدە بەردٸ. قازٸرگٸ ۋاقىتتا قۇقىق قورعاۋ ورگاندارى تاراپىنان قر قىلمىستىق كودەكسٸنٸڭ ادام ٶلتٸرۋ جەنە بۇزاقىلىق باپتارى بويىنشا قىلمىستىق ٸس قوزعالدى. بٷگٸنگٸ تاڭدا 8 قاتىسۋشى انىقتالدى, ونىڭ 7-ەۋٸ تۇتقىنعا الىندى, 1-ەۋٸ حالىقارالىق ٸزدەستٸرۋگە جارييالاندى.
«جانجال ەكٸ كومپانييا اراسىندا بولعانىن جەنە ۇلتارالىق سيپات الماعانىن حابارلايمىز. سونداي-اق قر قىلمىستىق كودەكسٸنٸڭ 274-بابى بويىنشا جالعان اقپارات تاراتۋ - بەس مىڭ ايلىق ەسەپتٸك كٶرسەتكٸشكە دەيٸنگٸ مٶلشەردە ايىپپۇل سالۋعا, 7 جىلعا دەيٸنباس بوستاندىعىن شەكتەۋگە نە سول مەرزٸمگە باس بوستاندىعىنان ايىرۋعا جازالاناتىنىن ەسكەرتەمٸز. كەزدەسۋ بارىسىندا ەشقانداي زاڭ بۇزۋشىلىقتار تٸركەلگەن جوق. قازٸرگٸ ۋاقىتتا قالادا جەنە وبلىستا جاعداي تۇراقتى, قوعامدىق تەرتٸپتٸڭ بۇزىلۋىنا جول بەرٸلگەن جوق» دەلٸنگەن رەسمي حابارلامادا.
