جاڭا جىل تٷنٸ قاراعاندىدا ادام ٶلتٸردٸ دەگەن كٷدٸككە ٸلٸنگەندەر اراسىندا ارمەنييا ازاماتتارى دا بار. بۇل تۋرالى بٷگٸن ٸشكٸ ٸستەر مينيسترٸنٸڭ بٸرٸنشٸ ورىنباسارى جانات سٷلەيمەنوۆ مەلٸمدەدٸ, دەپ حابارلايدى Sputnik قازاقستان تٸلشٸسٸ.
"قازٸرگٸ تاڭدا تەرگەۋ جٷرٸپ جاتىر. بارلىعى قازاقستان ازاماتى ەمەس. ولاردىڭ اراسىندا ارمەنييا ازاماتتارى دا بار", — دەدٸ سٷلەيمەنوۆ.
سٷلەيمەنوۆتٸڭ ايتۋىنشا, قاندى وقيعا 31 جەلتوقساننان 1 قاڭتارعا قاراعان تٷنٸ تاڭعى تٶرتتەر شاماسىندا قاراعاندىداعى "درەۆنيي ريم" مەيرامحاناسىندا بولدى. جاپپاي تٶبەلەسكە مەيرامحاناعا كەلگەندەر مەن مەيرامحانا پەرسونالى قاتىسقان.
پەرسونال تٷنگٸ ٷشتەن كەيٸن مەيرامحانانى جاۋىپ, ٸشتەگٸ قوناقتاردى سىرتقا شىعارىپ جٸبەرگەن. ال ولار, سٷلەيمەنوۆتٸڭ ايتۋىنشا, ٶز دوستارىنا حابارلاسقان. سالدارىنان جانجال تۋىپ, جاپپاي تٶبەلەسكە ۇلاسقان.
ال قازا تاپقان جٸگٸت مەيرامحانادا دەمالعان قوناقتاردىڭ اراسىندا بولماعان, قوڭىراۋ شالعاننان كەيٸن كەلٸپتٸ.
پوليتسييانىڭ مەلٸمەتٸنشە, قۇقىق قورعاۋ ورگاندارى وقيعا ورنىنا 04:40-تا كەلگەن.
