جەزقازعاندىق تٶلەگەن جامانوۆ جٷرسٸن ەرماننىڭ 70 جىلدىعىنا ارنالعان رەسپۋبليكالىق ايتىستىڭ باس جٷلدەسٸنە يە بولدى. شىعارماشىلىق جارىس قاراعاندىدا ٶتتٸ, وعان ەلٸمٸزدٸڭ ەر ٶڭٸرٸنەن 16 تانىمال اقىن قاتىستى, دەپ حابارلايدى قازاقپارات.
جٷرگٸزۋشٸ قر ەڭبەك سٸڭٸرگەن قايراتكەرٸ امانجول ەلتاەۆ بولدى.
«ايتىس مەنٸڭ وتانىمدا ٶتٸپ جاتىر. مۇندا ەڭ مىقتى اقىندار كەلدٸ, ولاردى قازاق زييالىلارىنىڭ كٶرنەكتٸ قايراتكەرلەرٸ باعالايدى. بۇعان دەيٸن سارىارقانىڭ جەرٸندە قازىبەك بي مەن سەكەن سەيفۋللينگە ارنالعان ٷلكەن ايتىستار ٶتكٸزٸلگەن. بٷگٸنگٸ كٷن دە جوعارى دەڭگەيدە ٶتەدٸ جەنە بٸز تاماشا كەشتٸڭ قاتىسۋشىلارى بولامىز دەپ سەنەمٸن», – دەدٸ ول بايقاۋدىڭ اشىلۋىندا.
9 ساعاتقا سوزىلعان ايتىستا اقىندار قازٸرگٸ زاماننىڭ ٶزەكتٸ تاقىرىپتارىن كٶتەردٸ. ولار ەلٸمٸزدٸڭ تەۋەلسٸزدٸگٸ مەن سارىارقا تۋرالى جىر تولعاپ, قوعامنىڭ ٶزەكتٸ مەسەلەلەرٸن قوزعادى. ايتىسكەرلەردٸڭ سۋىرىپ سالما ٶلەڭدەرٸ مەرەيتوي يەسٸنە دە ارنالدى.
شىعارماشىلىق جارىس قورىتىندىسى بويىنشا قاراعاندى وبلىسى جەزقازعان قالاسىنىڭ تۇرعىنى تٶلەگەن جامانوۆ رەسپۋبليكالىق ايتىستىڭ باس جٷلدەسٸن جەڭٸپ الدى.
باتىس قازاقستان وبلىسىنان كەلگەن جانسايا مۋسينا بٸرٸنشٸ ورىنعا يە بولدى. ەكٸنشٸ ورىندى ٷش اقىن بٶلٸستٸ – ولار ەركەبۇلان قاينازار (نۇر-سۇلتان ق.), ايتباي جۇماعۇلوۆ (قاراعاندى وبلىسى) جەنە قاليجان بٸلداشەۆ (شىمكەنت قالاسى).
ٷشٸنشٸ ورىنعا بەس ايتىسكەر يە بولدى: ەسەم ەرەجە (شقو), باۋىرجان شيرمەدينۇلى (بقو), شالقارباي ٸزباساروۆ (اتىراۋ وبلىسى) جەنە قاراعاندىلىقتار تٸلەگەن ەدٸلەت جەنە ٶمٸرجان كٶپبوسىنوۆ.
سونداي-اق اتاۋلى سىيلىقتار بەرٸلدٸ. دوسكەي ەلٸمباي اتىنداعى ارنايى جٷلدەنٸ قىزىلوردالىق مۇحتار نييازوۆ, نارمانبەت ورمانبەتۇلى اتىنداعى سىيلىقتى پاۆلوداردان كەلگەن راۋان قايداروۆ, كٶشەن ەلەۋ اتىنداعى سىيلىقتى پاۆلوداردان كەلگەن اسپانبەك شۇعاتاەۆ يەلەندٸ. الماتىدان كەلگەن قازٸرەت بەردٸحان قاسىم امانجولوۆ اتىنداعى ارنايى سىيلىققا, اقتٶبەدەن كەلگەن مارات احمەتوۆ شاشۋباي قوشقاربايۇلى اتىنداعى سىيلىققا جەنە تٷركٸستاننان كەلگەن بەكارىس شويبەكوۆ جٷرسٸن ەرمان اتىنداعى سىيلىققا يە بولدى.
بارلىق اقىنعا ديپلومدار مەن اقشالاي سەرتيفيكاتتار تابىس ەتٸلدٸ.
