كريمينالدىق پولتسييا قىزمەتكەرلەرٸ قاراعاندى وبلىسىندا 2007 جەنە 2009 جىلى تۋعان اعالى-قارىنداستى بالالاردى ازعىندىق ۆيدەوعا تٷسٸرٸپ, ينتەرنەتكە تاراتقان 54 جاستاعى ادامدى ۇستادى, دەپ حابارلايدى قازاقپارات.
ٸشكٸ ٸستەر مينيسترلٸگٸنٸڭ باسپاسٶز ٶكٸلٸ شۇعىلا تۇرلىبەكتٸڭ ايتۋىنشا, بۇل تۋرالى ۆەدومستۆو ٶكٸلدەرٸنە شەتەلدٸك ەرٸپتەستەرٸ حابارلاعان.
«ٸشكٸ ٸستەر مينيسترلٸگٸ كريمينالدىق پوليتسييا دەپارتامەنتٸنٸڭ قىزمەتكەرلەرٸ قاراعاندى وبلىسىنىڭ تەرتٸپ ساقشىلارىمەن بٸرگە قاراعاندى قالاسىنىڭ 54 جاستاعى تۇرعىنىن ۇستادى. ول جاس بالالارعا قاتىستى ازعىندىق ەرەكەتتەر جاساپ, ۆيدەوعا تٷسٸرٸپ, ينتەرنەتتە تاراتقان. مينيسترلٸكتٸڭ كيبەر-قىلمىسپەن كٷرەس ورتالىعىنىڭ قىزمەتكەرلەرٸ شەتەلدٸك ەرٸپتەستەرٸنەن TOR جابىق جەلٸسٸنە قازاقستان اۋماعىنان بەلگٸسٸز پايدالانۋشىنىڭ جاس بالالاردىڭ قاتىسۋىمەن ازعىندىق كٶرٸنٸستەرٸ بار بەينەجازبالاردى تاراتاتىنى تۋرالى اقپارات الدى», - دەدٸ ول ونلاين بريفينگٸدە.
ورتالىقتىڭ جەدەل قىزمەتكەرلەرٸ شەتەلدٸك ەرٸپتەستەرٸنٸڭ جٶن سٸلتەۋٸ بويىنشا بەينەجازبانى ەگجەي-تەگجەيلٸ زەردەلەگەن كٶرٸنەدٸ.
«وندا بەلگٸسٸز بٸرەۋ بالالارعا ازعىندىق ەرەكەتتەر جاسايدى. اشىق دەرەككٶزدەردٸ زەرتتەۋ كەزٸندە پوليتسييا قىزمەتكەرلەرٸ بەينەجازباعا قاتىسقان بالالارعا ۇقساس بالالاردىڭ فوتوسۋرەتتەرٸن تاپتى. ٶتكٸزٸلگەن جەدەل ٸس-شارالاردىڭ نەتيجەسٸندە 2007 جەنە 2009 جىلى تۋعان, كەمەلەتكە تولماعان اعالى-قارىنداستى بالالار انىقتالدى. ولار بىلتىر انالارى قايتىس بولعاننان كەيٸن بالالار ٷيٸنٸڭ بٸرٸندە تەربيەلەنۋدە. ەكەلەرٸنٸڭ قايدا ەكەنٸ بەلگٸسٸز. ٶزدەرٸنٸڭ ايتۋىنشا, انالارىنىڭ كٶزٸ تٸرٸسٸندە تانىس ەر ادام كەلٸپ ٷي شارۋاسىنا كٶمەكتەسكەن. انالارى ٷيدە بولماعان كەزدە ول بالالارعا ازعىندىق ەرەكەتتەر جاساپ, سمارتفونعا تٷسٸرٸپ وتىرعان. بۇل بٸرنەشە رەت قايتالانعان. بٸراق ول تۋرالى اناسى بٸلمەگەن», - دەيدٸ شۇعىلا تۇرلىبەك.
ونىڭ ايتۋىنشا, ۇستالعان كٷدٸكتٸ قالاداعى كوممۋنالدىق كەسٸپورىنداردىڭ بٸرٸندە جۇمىس ٸستەيدٸ.
«ول جاۋاپ الۋ كەزٸندە ٶز ٸسٸ مويىندادى. تٸنتۋ كەزٸندە ودان بەينەجازبالار ساقتالعان ۇيالى تەلەفون تەركٸلەندٸ. 54 جاستاعى ەر ادام قاماۋعا الىنىپ, ٷستٸنەن قىلمىستىق ٸس قوزعالدى», - دەدٸ ٸٸم باسپاسٶز ٶكٸلٸ.
