جەڭٸستٸڭ 75 جىلدىعى قارساڭىندا قاراعاندىلىق ەكٸنشٸ دٷنيەجٷزٸلٸك سوعىس ارداگەرلەرٸ مەن مٷگەدەكتەرٸنە 1 ملن تەڭگەدەن بەرٸلدٸ. ودان بٶلەك, ناتسيستٸك كونتسلاگەرلەر تۇتقىندارىنا, لەنينگراد قورشاۋىندا بولعان تۇرعىندارعا, تىل ەڭبەككەرلەرٸنە, قايتىس بولعان مايدانگەرلەردٸڭ وتباسىلارىنا, اۋعانستان اۋماعىنداعى ۇرىس قيمىلدارىنا قاتىسۋشىلارعا, چەرنوبىل اەس اپاتىن جويۋعا قاتىسۋشىلارعا ماتەريالدىق كٶمەك كٶرسەتٸلدٸ, دەپ حابارلايدى قازاقپارات وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
قاراعاندى وبلىسىندا قازٸر 67 سوعىس ارداگەرٸ مەن مٷگەدەكتەرٸ تٸرشٸلٸك كەشٸپ جاتىر. بٸر رەتتٸك ماتەريالدىق كٶمەك ولاردىڭ جەكە ەسەپ شوتتارىنا اۋدارىلدى, سونداي-اق, ٷيلەرٸنە جەتكٸزٸلدٸ.
ودان بٶلەك, ايماقتاعى ەكٸنشٸ دٷنيەجٷزٸلٸك سوعىس ارداگەرلەرٸنە تەڭەستٸرٸلگەن 101 ادامعا, ياعني كونتسلاگەرلەردٸڭ كەمەلەتكە تولماعان تۇتقىندارىنا, قورشاۋداعى لەنينگراد تۇرعىندارى مەن ەرٸكتٸ مايدان ەڭبەككەرلەرٸنە دە 200 مىڭ تەڭگەدەن بٶلٸندٸ.
قولداۋ سوعىس جىلدارى قايتىس بولعان ارداگەرلەر مەن تىل ەڭبەككەرلەرٸ وتباسىلارىنا دا كٶرسەتٸلٸپ, وسى ساناتتاعى 8778 ادام 50 مىڭ تەڭگەدەن الدى.
اۋعانستاندا سوعىسقان جاۋىنگەر-ينتەرناتسيوناليستەر (596 ادام), چاەس اپاتىن جويۋشىلار (598 ادام) دا نازاردان تىس قالعان جوق. ولارعا 100 مىڭ تەڭگەدەن تٶلەندٸ. سونىمەن قاتار, بيىلعى جىلدىڭ اقپان ايىندا اۋعانستان دەموكراتييالىق رەسپۋبليكاسىنان كەڭەس كونتينگەنتٸنٸڭ شىعارىلۋىنىڭ 31 جىلدىعى اتالىپ ٶتكەندە, قاراعاندى وبلىسىنىڭ بٸرقاتار قالالارى مەن اۋداندارىندا اتالعان جاۋىنگەرلٸك ٸس-قيمىلدارعا قاتىسقاندارعا 100 مىڭ تەڭگەدەن بٶلٸندٸ. بۇل قاراجاتتى 902 ادام الدى.
جالپى, جەڭٸستٸڭ 75 جىلدىعى قارساڭىندا بٶلٸنگەن ماتەريالدىق كٶمەكتٸڭ جيىنتىق سوماسى – 757,4 ملن. تەڭگە.
قازاقستاننىڭ ٶزگە ايماقتارى اراسىندا, قاراعاندى وبلىسى تٶلەمدٸ ەرتە باستاعانىن ەرەكشە اتاپ ٶتۋ كەرەك.
