اقمولا وبلىسىنداعى ەسكٸ التىن كەنٸشٸندە قايتىس بولعان سولتٷستٸك قازاقستان وبلىسىنىڭ 23 جاستاعى تۇرعىنى دميتريي شەۆچەنكونىڭ ٶلٸمٸ تەرگەلٸپ جاتىر, - دەپ حابارلايدى Massaget.kz پورتالى "كتك" تەلەارناسىنا سٸلتەمە جاساپ.
اتا-اناسىنىڭ ايتۋىنشا, دميترييدٸڭ ٶلٸمٸنە بەلگٸسٸز ٷش ادامنىڭ قاتىسى بار. ولار ۇلىنىڭ دەنەسٸن قاپقا سالىپ ەكەلٸپ, كەتٸپ قالعان.
ەكٸ اپتا بۇرىن ەر ادام ينتەرنەتتەن جۇمىس تاپقان. كەيٸن 400 شاقىرىم كٶرشٸ ٶڭٸرگە كەتكەن. تۋستارى ونى العاشقى جالاقىسىمەن كەلەدٸ دەپ كٷتٸپ وتىرعاندا, ٷش بەيتانىس ادام ونىڭ مەيٸتتٸن ەكەلگەن.
"جەڭٸل كٶلٸكپەن, "جيگۋليدٸڭ" 14, 15-ٷلگٸسٸ. وسى ٷي ەكەنٸن بٸلٸپ, يت سيياقتى تاستاپ, كەتٸپ قالدى. بارلىق جەرٸ سىنعان: قولى, اياعى, كەۋدەسٸ, باسى - بەرٸ", - دەدٸ مارقۇمنىڭ اعاسى اندرەي شەۆچەنكو.
تۋىستارىنىڭ ايتۋىنشا, دميتريي جارىلعىش زاتتاردى قولدانعان. قايعىلى وقيعا بەستٶبە اۋىلىنداعى "زاپادنايا" كەنٸشٸ اۋماعىندا بولعان. كەنٸش ەسكٸ جەنە ۋاقىتشا جابىلعان, بٸراق كٷزەتٸلەدٸ.
پوليتسەيلەر دەل سول ٷش بەلگٸسٸز تۇلعادان جاۋاپ الىنعانىن ايتتى. قىلمىستىق ٸس قوزعالعان.
"الدىن الا انىقتالعانداي, ەر ادام شاحتاعا زاڭسىز كٸرمەكشٸ بولعان كەزدە جاراقات العان. وسى فاكت بويىنشا قۇقىق قورعاۋ ورگاندارى قر قك-نىڭ 269-1-بابى 3-بٶلٸگٸ بويىنشا سوتالدى ٸس قوزعادى", - دەدٸ اقمولا وبلىسى پد باسپاسٶز قىزمەتٸنٸڭ جەتەكشٸسٸ گٷلنار پينچۋك.
