Aqmola oblysyndaǵy eski altyn kenishinde qaitys bolǵan Soltústik Qazaqstan oblysynyń 23 jastaǵy turǵyny Dmitrii Shevchenkonyń ólimi tergelip jatyr, - dep habarlaidy Massaget.kz portaly "KTK" telearnasyna silteme jasap.
Ata-anasynyń aitýynsha, Dmitriidiń ólimine belgisiz úsh adamnyń qatysy bar. Olar ulynyń denesin qapqa salyp ákelip, ketip qalǵan.
Eki apta buryn er adam Internetten jumys tapqan. Keiin 400 shaqyrym kórshi óńirge ketken. Týstary ony alǵashqy jalaqysymen keledi dep kútip otyrǵanda, úsh beitanys adam onyń máiittin ákelgen.
"Jeńil kólikpen, "Jigýlidiń" 14, 15-úlgisi. Osy úi ekenin bilip, it siiaqty tastap, ketip qaldy. Barlyq jeri synǵan: qoly, aiaǵy, keýdesi, basy - bári", - dedi marqumnyń aǵasy Andrei Shevchenko.
Týystarynyń aitýynsha, Dmitrii jarylǵysh zattardy qoldanǵan. Qaiǵyly oqiǵa Bestóbe aýylyndaǵy "Zapadnaia" kenishi aýmaǵynda bolǵan. Kenish eski jáne ýaqytsha jabylǵan, biraq kúzetiledi.
Politseiler dál sol úsh belgisiz tulǵadan jaýap alynǵanyn aitty. Qylmystyq is qozǵalǵan.
"Aldyn ala anyqtalǵandai, er adam shahtaǵa zańsyz kirmekshi bolǵan kezde jaraqat alǵan. Osy fakt boiynsha quqyq qorǵaý organdary QR QK-nyń 269-1-baby 3-bóligi boiynsha sotaldy is qozǵady", - dedi Aqmola oblysy PD baspasóz qyzmetiniń jetekshisi Gúlnar Pinchýk.
