قر اۋىل شارۋاشىلىعى مينيسترٸ ەربول قاراشٶكەەۆ تامىز ايىندا قازاقستاندا قانت تاپشىلىعى بولمايتىنىنا سەندٸردٸ, دەپ حابارلايدى قازاقپارات.
«ٸشكٸ نارىقتا نارىقتىق ەكونوميكا جاعدايىندا ساتىلاتىن كوممەرتسييالىق قانتتىڭ جەتكٸلٸكتٸ كٶلەمٸ بار ەكەنٸن اتاپ ٶتكٸم كەلەدٸ. جالپى, رەسپۋبليكا بويىنشا قانت بالانسى وڭ سالدونى كٶرسەتەدٸ. قاڭتار ايىنان باستاپ وتاندىق قانت زاۋىتتارى 120 مىڭ توننا قانت قۇراعىنان قانت ٶندٸردٸ. بۇل ٶتكەن جىلدىڭ ۇقساس كەزەڭٸمەن سالىستىرعاندا 19% ارتىق. شٸلدە ايىنىڭ باسىندا رەسپۋبليكاداعى قانت قورى 27,8 مىڭ توننانى قۇرادى. ايدىڭ سوڭىنا دەيٸن 37 مىڭ توننا قانت ٶندٸرٸلەدٸ دەپ بولجانۋدا. كۆوتا شەڭبەرٸندە يمپورت كٶلەمٸ 33,3 مىڭ توننانى قۇرايدى. وسىلايشا, 69,8 مىڭ توننا قاجەتتٸلٸك كەزٸندە ٸشكٸ نارىقتاعى قانتتىڭ جالپى قورى - 98,1 مىڭ توننا, نارىقتىڭ قامتاماسىز ەتٸلۋٸ - شامامەن 140%», - دەدٸ ەربول قاراشٶكەەۆ ورتالىق كوممۋنيكاتسييالار قىزمەتٸندە.
ايتۋىنشا, تامىز ايىندا ەلگە قاجەتتٸ قانت ارتىعىمەن جەتكٸزٸلەدٸ.
«تامىز ايىنداعى بولجامدى قاجەتتٸلٸك 69,8 مىڭ توننانى قۇرايدى. ايدىڭ باسىندا رەسپۋبليكا بويىنشا قانتتىڭ قورى – 35,1 مىڭ توننا. اق قانت يمپورتى 42,2 مىڭ توننا دەڭگەيٸندە بولادى كٷتٸلٸپ وتىر. قانت زاۋىتتارىنىڭ دەرەگٸنشە, شامامەن 41 مىڭ توننا قانت ٶندٸرۋ جوسپارلانعان. ەكٸمدٸكتەردٸڭ قورىن ەسكەرسەك, رەسپۋبليكا بويىنشا قانتتىڭ جالپى قورى 118 مىڭ توننانى, نارىقتىڭ قامتاماسىز ەتٸلۋ دەڭگەيٸ 169% قۇرايدى. سوندا شٸلدە جەنە تامىز ايلارىندا قانت جەتكٸلٸكتٸ بولادى. بٸراق ٶزٸندٸك قۇنىنان باعاسى تٶمەن قانت جەتكٸلٸكسٸز بولادى. ونداي باعامەن ساتىلاتىن قانت جەتكٸلٸكتٸ بولمايدى دا. ٶيتكەنٸ ەكٸمدٸكتەر كەز كەلگەن ٶنٸمدٸ ٶزٸندٸك قۇنىنان تٶمەن باعاعا ساتا المايدى», - دەدٸ مينيستر.
ەسكە سالساق, ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ قانت تاپشىلىعىن رەتتەي الماعان ساۋدا جەنە ينتەگراتسييا مينيسترٸ باقىت سۇلتانوۆ پەن اۋىل شارۋاشىلىعى مينيسترٸ ەربول قاراشٶكەەۆكە سٶگٸس جارييالاعان ەدٸ.
