2021 جىلعى 1 قازانداعى جاعداي بويىنشا 14 358 ادام تاريحي وتانىمەن تابىسىپ, قانداس مەرتەبەسٸن الدى. جالپى العاندا, 1991 جىلدان بەرٸ رەسپۋبليكاعا 1 ميلليون 84,7 مىڭ ەتنيكالىق قازاق ورالدى. بۇل تۋرالى ەڭبەك جەنە حالىقتى ەلەۋمەتتٸك قورعاۋ مينيسترلٸگٸ حابارلادى.
وسى جىلدىڭ باسىنان قانداستاردىڭ جارتىسىنان كٶبٸ (76,3%) قازاقستانعا ٶزبەكستاننان كەلگەن, 9,4%-ى – قىتايدان, 6,4%-ى – تٷرٸكمەنستاننان, 2,5%-ى – موڭعولييادان جەنە 5,4%-ى باسقا ەلدەردەن كەلگەن.
كەلگەن ەتنيكالىق قازاقتار نەگٸزٸنەن الماتى (28%), ماڭعىستاۋ (19,3%), تٷركٸستان (13,5%) جەنە جامبىل (8,1%) وبلىستارىنا, سونداي-اق شىمكەنت (10,7%) قالاسىنا قونىستاندى.
اعىمداعى جىلعى 1 قازانداعى جاعداي بويىنشا ەڭبەككە قابٸلەتتٸ جاستاعى ەتنيكالىق قونىس اۋدارۋشىلار سانى 55%-دى, ەڭبەككە قابٸلەتتٸ جاستان كٸشٸلەرٸ 27,9%-دى جەنە زەينەتكەرلەر 17,1%-دى قۇرايدى.
ەڭبەككە قابٸلەتتٸ جاستاعى قانداستاردىڭ ٸشٸنەن بٸلٸم دەڭگەيٸ بويىنشا 11,1%-ىنىڭ جوعارى بٸلٸمٸ, 39,8%-ىنىڭ ورتا كەسٸبي بٸلٸمٸ, 45,5%-ىنىڭ جالپى ورتا بٸلٸمٸ بار جەنە 3,6%-ىنىڭ بٸلٸمٸ جوق.
ەتنيكالىق قازاقتاردى مەملەكەتتٸك قولداۋ شارالارىمەن قامتاماسىز ەتۋ شەڭبەرٸندە جىل سايىن قانداستاردى قابىلداۋدىڭ ٶڭٸرلٸك كۆوتاسى بەلگٸلەنەدٸ.
ٶڭٸرلٸك كۆوتا شەڭبەرٸندە 720 ەتنيكالىق قازاق (اقمولا وبلىسى – 92 ادام, شقو – 121 ادام, قوستاناي وبلىسى – 117 ادام, پاۆلودار وبلىسى – 328 ادام جەنە سقو – 62 ادام) كٶشۋگە سۋبسيدييا: وتباسىنىڭ ەربٸر مٷشەسٸنە 70 اەك-تەن (204,1 مىڭ تەڭگە) كەلەتٸن بٸرجولعى تٶلەم الدى, سونداي-اق 12 اي بويى وتباسىنا 15-تەن 30 اەك-كە دەيٸنگٸ (43,7-دەن 87,5 مىڭ تەڭگەگە دەيٸنگٸ) مٶلشەردە اي سايىنعى تٶلەم الدى.
سونىمەن قاتار, قانداستارعا جەرگٸلٸكتٸ اتقارۋشى ورگاندار تۇرعىن ٷي بەرۋ جەنە جۇمىسقا ورنالاستىرۋ بويىنشا قولداۋ كٶرسەتەدٸ.
