2021 jylǵy 1 qazandaǵy jaǵdai boiynsha 14 358 adam tarihi otanymen tabysyp, qandas mártebesin aldy. Jalpy alǵanda, 1991 jyldan beri respýblikaǵa 1 million 84,7 myń etnikalyq qazaq oraldy. Bul týraly Eńbek jáne halyqty áleýmettik qorǵaý ministrligi habarlady.
Osy jyldyń basynan qandastardyń jartysynan kóbi (76,3%) Qazaqstanǵa Ózbekstannan kelgen, 9,4%-y – Qytaidan, 6,4%-y – Túrikmenstannan, 2,5%-y – Mońǵoliiadan jáne 5,4%-y basqa elderden kelgen.
Kelgen etnikalyq qazaqtar negizinen Almaty (28%), Mańǵystaý (19,3%), Túrkistan (13,5%) jáne Jambyl (8,1%) oblystaryna, sondai-aq Shymkent (10,7%) qalasyna qonystandy.
Aǵymdaǵy jylǵy 1 qazandaǵy jaǵdai boiynsha eńbekke qabiletti jastaǵy etnikalyq qonys aýdarýshylar sany 55%-dy, eńbekke qabiletti jastan kishileri 27,9%-dy jáne zeinetkerler 17,1%-dy quraidy.
Eńbekke qabiletti jastaǵy qandastardyń ishinen bilim deńgeii boiynsha 11,1%-ynyń joǵary bilimi, 39,8%-ynyń orta kásibi bilimi, 45,5%-ynyń jalpy orta bilimi bar jáne 3,6%-ynyń bilimi joq.
Etnikalyq qazaqtardy memlekettik qoldaý sharalarymen qamtamasyz etý sheńberinde jyl saiyn qandastardy qabyldaýdyń óńirlik kvotasy belgilenedi.
Óńirlik kvota sheńberinde 720 etnikalyq qazaq (Aqmola oblysy – 92 adam, ShQO – 121 adam, Qostanai oblysy – 117 adam, Pavlodar oblysy – 328 adam jáne SQO – 62 adam) kóshýge sýbsidiia: otbasynyń árbir múshesine 70 AEK-ten (204,1 myń teńge) keletin birjolǵy tólem aldy, sondai-aq 12 ai boiy otbasyna 15-ten 30 AEK-ke deiingi (43,7-den 87,5 myń teńgege deiingi) mólsherde ai saiynǵy tólem aldy.
Sonymen qatar, qandastarǵa jergilikti atqarýshy organdar turǵyn úi berý jáne jumysqa ornalastyrý boiynsha qoldaý kórsetedi.
