عارىشتىق سپۋتنيكتەردٸڭ كٶمەگٸمەن اتموسفەرانى باقىلايتىن كانادالىق GHGSat كومپانيياسى بٸر شاحتادان الىنعان مەتاننىڭ ەڭ ٷلكەن شىعارىلىمى تۋرالى حابارلادى. بۇل - رەسەيدٸڭ كەمەروۆو وبلىسىنداعى راسپادسكايا كٶمٸر شاحتاسى, دەپ حابارلايدى قازاقپارات رەسەيلٸك ۆۆس-گە سٸلتەمە جاساپ.
كومپانييا رەكوردتىق شىعارىلىم 14 قاڭتاردا بولعانىن جەنە شاحتا ساعاتىنا 90 تونناعا جۋىق مەتاندى اتموسفەراعا شىعارعانىن مەلٸمدەدٸ. شىعارىندىلاردىڭ جالپى كٶلەمٸ جٷزدەگەن مىڭ تۇرعىن ٷيلەردٸ جىلىتۋعا جەتەتٸن ەدٸ, بٸراق ونىڭ ورنىنا جٷزدەگەن توننا مەتان اۋاعا ۇشىپ كەتكەن. پارنيكتٸك ەففەكت تۇرعىسىنان بۇل گاز (ونىڭ حيمييالىق فورمۋلاسى CH4) كٶمٸرقىشقىل گازىنان 30 ەسە قاۋٸپتٸ, ٶيتكەنٸ ول اتموسفەرادا ەلدەقايدا كٶپ جىلۋدى ۇستاپ, پلانەتانى جىلىتادى.
عالىمداردىڭ پايىمداۋىنشا, مەتان دٷنيەجٷزٸندەگٸ ورتاشا جىلدىق تەمپەراتۋرادان اساتىن جاعدايلاردىڭ ٷشتەن بٸرٸنە, كەيدە جارتىسىنا (30-50%) جاۋاپتى.
شتاب-پەتەرٸ مونرەالدا ورنالاسقان GHGSat كومپانيياسى جەر اتموسفەراسىنىڭ قۇرامى تۋرالى دەرەكتەردٸ بەس وربيتالىق سپۋتنيكتەن الادى. بەسەۋٸ دە بٷگٸنگٸ كٷنٸ عارىشتاعى مەتاندى انىقتاۋدىڭ ەڭ وزىق سەنسورلارىمەن جابدىقتالعان. كومپانييانىڭ مٸندەتٸ – مەتاننىڭ انتروپوگەندٸك كٶزدەرٸن انىقتاۋ جەنە مٷمكٸندٸگٸنشە ونىڭ شىعارىندىلارىن بارىنشا ازايتۋ. كومپانييا كليەنتتەرٸنٸڭ كٶپشٸلٸگٸ قازبا وتىندارىن ٶندٸرۋمەن اينالىسادى.
راسپادسكايا كەنٸشٸندە كوكستەلەتٸن كٶمٸر ٶندٸرٸلەدٸ, بۇل رەسەيدەگٸ ەڭ ٸرٸ كٶمٸر كەنٸشٸ - جالپى ۇزىندىعى شامامەن 350 كم بولاتىن جەراستى تۋننەلدەرٸنٸڭ ٷلكەن كەشەنٸ. 2010 جىلى رەسەيلٸك كٶمٸر ٶنەركەسٸبٸ تاريحىنداعى ەڭ ٷلكەن تراگەدييالاردىڭ بٸرٸ سول جەردە بولعان, راسپادسكايادا بٸرنەشە جارىلىس بولىپ, 90-عا جۋىق ادام قازا تاپتى.
