قاڭتاردا ەلدە بولعان جاپپاي تەرتٸپسٸزدٸكتەرگە قاتىستى باس پروكۋراتۋراعا 1728 فايل كەلٸپ تٷستٸ. بۇل تۋرالى قر باس پروكۋراتۋراسى ارنايى پروكۋرورلار قىزمەتٸنٸڭ باسشىسى ريزابەك وجاروۆ مەلٸم ەتتٸ, دەپ حابارلايدى قازاقپارات.
«قاڭتار وقيعاسىنا دەيٸن تەۋەلسٸز قازاقستان تاريحىندا بۇنداي اۋقىمدى وقيعا بولعان ەمەس. مىڭداعان ادامنان قاڭتار وقيعاسىنا كۋە نەمەسە قاتىسۋشى رەتٸندە جاۋاپ الىندى. قىلمىستىق پروتسەسۋالدىق كودەكستە كٶرسەتٸلگەن مەرزٸمگە سەيكەس بٸز 2 ايدىڭ ٸشٸندە ٸستٸڭ اق-قاراسىن انىقتاپ ٷلگەرە المايمىز. ايتا كەتەيٸك, ۇرلىق-قارلىق سەكٸلدٸ قىلمىستىڭ ٶزٸ ايلاپ تەرگەلەدٸ. ال بۇل جەردە ادام ٶلٸمٸ بار. قىلمىستىق پروتسەستە باستى ماڭىزدى نەرسە – اقيقات», - دەدٸ ريزابەك وجاروۆ «Qazaqstan» ۇلتتىق تەلەارناسىنىڭ «Ashyq alań» قوعامدىق-ساياسي توك-شوۋىنىڭ ەفيرٸندە.
ونىڭ ايتۋىنشا, كەز كەلگەن قىلمىستىق ٸستٸ اشىق ەرٸ وبەكتيۆتٸ تۇرعىدا تەرگەۋ كەرەك.
«سونداي-اق, بٸز قاتىسۋشىلاردى تەرگەپ قانا قويماي, ولاردىڭ قۇقىعىن قورعاۋىمىز كەرەك. سوندىقتان قاڭتار وقيعاسىنا قاتىستى تەرگەۋ بٸراز جٷرەدٸ. قوعام وعان دايىن بولۋى كەرەك. 2 ايدىڭ ٸشٸندە «بٸزدە مىناداي دەلەل بار, وقيعا وسىلاي بولدى, مىناۋ - قاتىسۋشىلار, ال مىنالار - ۇيىمداستىرۋشىلار» دەپ قازٸر ايتا المايمىز. تەرگەۋ پروتسەسٸنە قاتىستى ەشقانداي كەدەرگٸ جوق. جۇمىستى جەدەلدەتۋ ٷشٸن stopterrorism سايتى جۇمىس ٸستەپ تۇر. بٷگٸنگە دەيٸن ازاماتتاردان 1728 فايل كەلٸپ تٷستٸ. ۆيدەو-فوتولار ەلٸ دە كەلٸپ جاتىر. وسى تۇستا ايتىپ ٶتەتٸن تاعى بٸر جايت - جاپپاي تەرتٸپسٸزدٸك كەزٸندە بۇزاقىلار 824 بەينەباقىلاۋ كامەراسىن قيراتقان», - دەيدٸ ول.
