قاڭتار وقيعاسىنا قاتىستى سوت سانكتسييالارىمەن 627 كٷدٸكتٸ ادام قاماۋدا وتىر. بۇل تۋرالى ورتالىق كوممۋنيكاتسييالار قىزمەتٸندە قر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى, دەپ حابارلايدى قازاقپارات.
«باس پروكۋراتۋرا قاڭتار وقيعالارىنا بايلانىستى قىلمىستىق ٸستەردٸڭ تەرگەلۋ بارىسى تۋرالى حابارلايدى. بۇلتارتپاۋ شارالاردى جەڭٸلدەتۋ بويىنشا توقتالساق, بٷگٸنگٸ كٷنٸ تەرگەۋ ورگاندارىنىڭ ٸس جٷرگٸزۋٸندە اتالعان ساناتتا 4 849 ٸس بار. سوت سانكتسييالارىمەن 627 كٷدٸكتٸ ادام قاماۋدا. بٸز بۇعان دەيٸن قولدانىلعان بۇلتارتپاۋ شارالارىن جەڭٸلدەتۋ بويىنشا جۇمىستاردى جٷرگٸزٸپ جاتىرمىز», - دەدٸ قيلىمجانوۆ.
ونىڭ ايتۋىنشا, جەكە باسىن, دەنساۋلىق جاعدايىن جەنە باسقا دا سيپاتتايتىن جاعدايلاردى ەسكەرە وتىرىپ, 280 ادامعا كٷزەتپەن ۇستاۋ بۇلتارتپاۋ شاراسى ەشقايدا كەتپەۋ تۋرالى قولحاتقا, كەپٸلگە, ٷيقاماققا جەنە جەكە كەپٸلگەرلٸككە اۋىستىرىلدى.
«پروكۋرورلار ۇستالعاندار جەنە جاۋاپتىلىققا تارتىلىپ جاتقان ادامداردىڭ تۋىستارىمەن كەزدەسۋلەر ٶتكٸزۋدە. ولاردىڭ ۋەجدەرٸ مەن دەلەلدەرٸ جان-جاقتى تەكسەرٸلٸپ, وسى نەگٸزدە بۇلتارتپاۋ شارالاردى ٶزگەرتۋ جٶنٸندە شەشٸمدەر قابىلدانىپ جاتىر», - دەدٸ باس پروكۋراتۋرا ٶكٸلٸ.
