قر پرەزيدەنتٸ قاسىم-جومارت توقاەۆ قاڭتار وقيعاسىن تەرگەۋگە قاتىستى سۇراققا جاۋاپ بەردٸ, دەپ حابارلايدى قازاقپارات.
«الماتىدا مەملەكەتتٸك تٶڭكەرٸسكە, مەملەكەت باسشىسىن لاۋازىمىنان ىعىستىرۋعا تالپىنىس بولدى. بٸز مۇنىڭ تەجٸريبەلٸ كەسٸبيلەردٸڭ جاقسى ۇيىمداستىرعان اكتسيياسى بولعانىن تٷسٸنەمٸز. ولار ادامداردى ەكٸمشٸلٸك عيماراتتارعا باستاپ باردى. سونىمەن قاتار وسى وقيعالار كەزٸندە 3 مىڭنان استام قارۋ ۇرلاندى. ولاردىڭ باسىم بٶلٸگٸ ەلٸ كٷنگە دەيٸن قولدا جٷر. بٸز تەرگەۋدٸ ٷلكەن قيىندىقپەن جٷرگٸزٸپ جاتىرمىز. سەبەبٸ, وسى وقيعالاردىڭ ۇيىمداستىرۋشىلارى مەن ٷيلەستٸرۋشٸلەرٸ ٶزدەرٸن بارىنشا كەسٸبي ۇستاپ, بارلىعىن ەشكەرەلەۋگە مٷمكٸندٸك بەرەتٸن ٶتە ماڭىزدى ٸزدەردٸ جاسىرا الدى», - دەدٸ مەملەكەت باسشىسى رەسەيلٸك جۋرناليست اندرەي كوندراشوۆقا بەرگەن سۇحباتىندا.
پرەزيدەنتتٸڭ اتاپ ٶتۋٸنشە, ۆەدومستۆوارالىق ارناۋلى توپ مەملەكەتتٸك تٶڭكەرٸس جاساۋعا باعىتتالعان وسىناۋ تالپىنىستىڭ بارلىق مەن-جايىن اشۋ ٷشٸن تاباندى تٷردە جۇمىس ٸستەپ جاتىر.
«الماتىعا ٶتە قاتىگەزدٸكپەن شابۋىل جاسالدى. ادامدار ٶتە قاتتى زورلىق-زومبىلىققا ۇشىرادى, دەرٸگەرلەر, قاراپايىم ادامدار. ٷلكەن بازارلاردان كەلگەن مارودەرلەر ٶتە كٶپ بولدى. الماتى ەكٸمدٸگٸ مەن پرەزيدەنت رەزيدەنتسيياسىنىڭ ٶرتەنگەنٸن ايتىپ تا وتىرعانىم جوق. الماتىدا ورىن العان وقيعاعا جەڭٸل قاراۋعا بولمايدى», - دەدٸ توقاەۆ.
مەملەكەت باسشىسى تراگەدييا اۋقىمىنىڭ ٷلكەندٸگٸن جەنە قىسقا مەرزٸمدە بارلىق مەن-جايدى اشۋدىڭ قيىندىعىن باسا ايتتى.
