بٷگٸن, 11 شٸلدەدە الماتى قالاسىنىڭ المالى اۋداندىق سوتى قاڭتار وقيعاسى كەزٸندە "قارۋ-جاراق ۇرلادى" دەگەن كٷدٸككە ٸلٸنگەن ەلٸبەك يمانبەكوۆتى التى جىلعا باس بوستاندىعىنان ايىردى. وعان قىلمىستىق كودەكستٸڭ "قارۋدى, وق-دەرٸلەردٸ, جارىلعىش زاتتار مەن جارىلىس قۇرىلعىلارىن جىمقىرۋ نە قورقىتىپ الۋ" دەپ اتالاتىن 291-بابى بويىنشا ايىپ تاعىلعان, دەپ حابارلايدى ازاتتىق راديوسى.
1989 جىلى تۋعان ەلٸبەك يمانبەكوۆ جۋرناليستەرگە "قىلمىس جاساماعانىن, ەدٸلەتسٸز ٷكٸم شىققانىن" ايتتى.
ول بۇعان دەيٸن, سوتتاعى سوڭعى سٶزٸندە "تەرگەۋ كەزٸندە قىسىم جاسالدى, قارۋدى العانىم راس, بٸراق ونى ۇرلاعانىم جوق, سول كٷندەرٸ 102-گە حابارلاسقانىمدا تەلەفوندى كٶتەرمەدٸ, دٷربەلەڭ باسىلعان سوڭ قايتارۋ ويىمدا بولعان, مەن بۇل ەرەكەتٸمدٸ قىلمىس دەپ ويلامايمىن, ەكٸ بالام مەن 3-شٸ توپ مٷگەدەكتٸگٸ بار ەيەلٸم مەن زەينەت جاسىنداعى اتا-انامنىڭ جالعىز اسىراۋشىسى بولعاندىقتان وتباسىمنان ايىراتىن جازا بەرمەسەڭٸز ەكەن" دەگەن ەدٸ.
سوت شەشٸمٸن تٷسٸندٸرگەن سۋديا قايرات يمانقۇلوۆ "ەلٸبەك يمانبەكوۆ تەرگەۋ كەزٸندە قىسىم جاسالدى" دەۋ ارقىلى ٶزٸن اقتاپ العىسى كەلدٸ. ونىڭ قارۋ-جاراق ۇرلاعانى دەلەلدەندٸ" دەدٸ.
سوتقا ون شاقتى بەلسەندٸ مەن باق ٶكٸلدەرٸ قاتىستى. ەلٸبەك يمانبەكوۆتىڭ ادۆوكاتى گٷلنار جۋاسپاەۆا "سوت شەشٸمٸنە كەلٸسپەيتٸنٸن, مٸندەتتٸ تٷردە شاعىم تٷسٸرەتٸنٸن" ايتتى.
ەلٸبەك يمانبەكوۆتٸڭ ٷستٸنەن قوزعالعان قىلمىستىق ٸس بويىنشا سوت پروتسەسٸ 26 مامىردا باستالعان.
پروكۋراتۋرانىڭ ايىپتاۋ ماتەريالىندا "ەلٸبەك يمانبەكوۆ جەنە تەرگەۋدە انىقتالماعان "باعلان" ەسٸمدٸ تۇلعامەن بٸرگە ٶزدەرٸنٸڭ ٶمٸرلەرٸن ەشبٸر ماقساتسىز ٶتكٸزٸپ جٷرگەن, جەڭٸل جولمەن ٶزدەرٸنٸڭ ماتەريالدىق جاعدايىن جاقسارتۋ ماقساتىندا قازاقستان پرەزيدەنتٸنٸڭ جارلىعىمەن قاڭتاردىڭ بەسٸنەن باستاپ قازاقستان اۋماعىندا تٶتەنشە جاعداي جارييالانعانىنا قاراماستان ۇرلىق جاساۋعا باعىتتالعان قىلمىستىق ويلارى تۋىنداپ, ادامدار توبىنىڭ الدىن الا سٶز بايلاسۋىمەن قارۋ-جاراق ساتاتىن "قورعان-تسەنتر" دٷكەنٸنە زاڭسىز كٸرۋ ارقىلى اتىس قارۋىن جاسىرىن جىمقىرۋعا بەل بۋعان" دەپ جازىلعان.
ەلٸبەك يمانبەكوۆكە ەكٸ قارۋ ۇرلادى دەپ ايىپ تاققان. يمانبەكوۆ بۇل ايىپپەن كەلٸسپەگەن. "تەرگەۋ كەزٸندە قىسىم جاسالدى, قۇجاتقا ۇرىپ-سوعىپ قول قويدىردى" دەگەن بولاتىن.
ايىپتاۋ اكتٸسٸندە "قارۋ – اتۋعا جارامدى" دەپ جازىلعان. الايدا قارۋ-جاراق دٷكەنٸنٸڭ يەسٸ دميتريي نيكولەنكو سوت پروتسەسٸ كەزٸندە "قارۋ-جاراقتى ەشكٸم قولدانا المايتىنداي ەتٸپ قويعانبىز. وق اتىلماۋ ٷشٸن قارۋ ۇڭعىمالارىنا ارنايى قىستىرمالار قويىلعان. كريميناليستەر سول قىستىرمانى بٸراز كٷش سالىپ الىپ تاستاعان دا اتۋعا جارامدى دەپ جازىپ بەرگەن" دەگەن بولاتىن.
ادۆوكات گٷلنار جۋاسپاەۆانىڭ "بالليستيكالىق ساراپتاما جاساۋ جٶنٸندەگٸ ٶتٸنٸشە پروكۋرور قارسىلىق بٸلدٸرگەن. ادۆوكات گٷلنار جۋاسپاەۆا مەن ايىپتالۋشىنىڭ ەيەلٸ, ەرٸ قوعامدىق قورعاۋشىسى بايان شىرىمبەكوۆا "ٸستە شيكٸلٸك كٶپ" دەگەن. ولار ەلٸبەك يمانبەكوۆكە تاعىلعان قىلمىستىق كودەكستٸڭ 291 بابىن قىلمىستىق كودەكستٸڭ 287-بابىنا اۋىستىرۋدى سۇراعان. قىلمىستىق كودەكستٸڭ 287 بابى "قارۋدى, وق-دەرٸلەردٸ, جارىلعىش زاتتاردى جەنە جارىلىس قۇرىلعىلارىن زاڭسىز يەمدەنۋ, بەرۋ, ٶتكٸزۋ, ساقتاۋ, تاسىمالداۋ جەنە الىپ جٷرۋ" دەپ اتالادى.
ٸشكٸ ٸستەر مينيسترلٸگٸنٸڭ دەرەكتەرٸنە قاراعاندا, قاڭتار وقيعاسىندا پوليتسييا باسقارماسىنان, قارۋ-جاراق دٷكەندەرٸنەن ٷش مىڭنان استام قارۋ ۇرلانعان. ونىڭ 1400-ٸ تابىلعان. وسى ٸستەر اياسىندا بۇعان دەيٸن بٸرنەشە ادام سوتتالعان.
