قاڭتار وقيعاسى كەزٸندە بيلٸكتٸ باسىپ الۋ ماقساتى بولدى. بۇل تۋرالى پارلامەنت مەجٸلٸسٸنٸڭ جالپى وتىرىسىندا قر باس پروكۋرورى بەرٸك اسىلوۆ مەلٸم ەتتٸ, دەپ حابارلايدى قازاقپارات.
«اكتسييالاردىڭ تٷپكٸ ماقساتى بيلٸكتٸ زورلىق-زومبىلىق ارقىلى باسىپ الۋ بولدى. زاڭ بويىنشا مۇنداي ٸس-قيمىلدار تەرروريزم اكتٸسٸ رەتٸندە باعالانادى. كٶشەدە زورلىق-زومبىلىقتى توقتاتۋ مەن ازاماتتاردىڭ ٶمٸرٸن قورعاۋ ٷشٸن قۇقىق قورعاۋ جەنە ارنايى ورگانداردىڭ قىزمەتكەرلەرٸ قارۋ پايدالانۋعا مەجبٷر بولدى», - دەدٸ بەرٸك اسىلوۆ.
ونىڭ ايتۋىنشا, بۇل قادامدار قۇقىق قورعاۋ قىزمەتٸ تۋرالى زاڭنامادا قاراستىرىلعان.
بۇدان بۇرىن حابارلانعانداي, باس پروكۋرور قاڭتار وقيعاسى كەزٸندە 11 ايماقتا اگرەسسيۆتٸ توپتار زورلىق-زومبىلىق ساتىسىنا ٶتكەنٸن ايتتى.
«3-شٸ, 4-شٸ جەنە 5-شٸ قاڭتاردا مەملەكەت باسشىسى دەمونسترانتتارعا ٷندەۋ جولداپ, زاڭدى ساقتاۋعا جەنە دەسترۋكتيۆتٸ كٷشتەردٸڭ ارانداتۋىنا بوي بەرمەۋگە شاقىردى. الايدا, بٸرنەشە مەرتە سابىر ساقتاۋعا شاقىرۋعا قاراماستان, قىلمىستىق جەنە راديكالدى ەلەمەنتتەر بەلسەندٸ دە قاتاڭ ەرەكەتتەرگە كٶشتٸ. 4-شٸ جەنە 5-شٸ قاڭتاردا ازاماتتار جيىنى اگرەسسيۆتٸ توپقا اينالىپ, 11 ايماقتا زورلىق-زومبىلىق ساتىسىنا ٶتتٸ», - دەدٸ ب. اسىلوۆ.
