قاڭتار وقيعا بويىنشا كەمەلەتكە تولماعان 9 كٷدٸكتٸگە قاتىستى قىلمىستىق ٸس تەرگەلٸپ بٸتتٸ. بۇل تۋرالى ٸشكٸ ٸستەر مينيسترٸ مارات احمەتجانوۆ مەجٸلٸستٸڭ جالپى وتىرىسىندا ايتتى, دەپ حابارلايدى قازاقپارات.
مەجٸلٸس دەپۋتاتى ەرلان سمايىلوۆ ٸشكٸ ٸستەر مينيسترلٸگٸنە قاڭتار وقيعاسى بويىنشا قۋدالاۋ وربيتاسىنا الىنعان كەمەلەتكە تولماعان كٷدٸكتٸلەردٸڭ تاعدىرى تۋرالى سۇراق قويدى.
«بٷگٸندە ٸشكٸ ٸستەر ورگاندارىنىڭ ٶندٸرٸسٸندە كەمەلەتكە تولماعان تۇلعالارعا قاتىستى ٸستەر بويىنشا 12 كٷدٸكتٸ بار. ولاردىڭ بەرٸنٸڭ بۇلتارتپاۋ شارالارى باس بوستاندىعىن شەكتەۋمەن بايلانىستى ەمەس. ونىڭ ٸشٸندە سٸزدەردٸڭ ٶتٸنٸشتەرٸڭٸز بويىنشا دا بۇلتارتپاۋ شارالارى ٶزگەرتٸلدٸ.
بٸزدٸڭ مەملەكەتتٸڭ قىلمىستىق ساياساتىنىڭ تۇجىرىمداماسىندا ەكٸ ۆەكتورلى دامۋ جولى بار. بٸز اسا اۋىر جەنە اۋىر قىلمىس جاساعاندارعا قاتىستى بۇلتارتپاۋ شارالارىن قاتاڭداتۋ بويىنشا تٷزەتۋلەر ەنگٸزگەنبٸز. ال باس بوستاندىعىنان ايىرماي تٷزەپ الۋعا بولاتىندارعا قاتىستى شارالاردى كريمينالسىزداندىرۋ, گۋمانيزاتسييالاۋ شارالارى قولعا الىندى. سوندىقتان بٸزدٸڭ مەملەكەتتٸڭ تۇجىرىمداماسى بويىنشا باس بوستاندىعىنان ايىرۋ ورىندارىندا شىنىمەن قوعامعا قاۋٸپ تٶنٸدرەتٸندەر وتىرۋى كەرەك», - دەدٸ ٸشكٸ ٸستەر مينيسترٸ.
ونىڭ مەلٸمەتٸ بويىنشا, اتالعان 12 كٷدٸكتٸنٸڭ 3-نە قاتىستى قىلمىستىق ٸس ەلٸ تەرگەلٸپ جاتىر.
«ولاردىڭ جەكە باسىن ەسكەرٸپ, كەمەلەتكە تولماعانىن ەسكەرٸپ, ٸستەگەندەرٸنە ٶكٸنەتٸنٸن, كەلتٸرٸلگەن شىعىنداردى ٶتەگەنٸن ەسكەرٸپ, ەركٸندٸگٸن شەكتەۋمەن بايلانىسى جوق بۇلتارتپاۋ شارالارى قابىلداندى. 9 كٷدٸكتٸ بويىنشا قىلمىستىق ٸس تەرگەلٸپ بٸتتٸ. ولار قازٸر سوتتا. ول جەردە وبەكتيۆتٸ باعا بەرٸلەدٸ. 3 كٷدٸكتٸگە قاتىستى ٸس ەلٸ ٶندٸرٸستە. بٷگٸندە بٸزدٸڭ ٶندٸرٸسٸمٸزدە كەمەلەكەت تولماعاندار قاماۋدا وتىرعان جوق», - دەدٸ مارات احمەتجانوۆ.
