قر ٸشكٸ ٸستەر مينيسترلٸگٸنٸڭ تەرگەۋ دەپارتامەنتٸنٸڭ باستىعى سانجار ەدٸلوۆ ٶتكەن اپتادا قاڭتار وقيعاسى بويىنشا 12 كٷدٸكتٸ قاماۋدان بوساتىلعانىن ايتتى, دەپ حابارلايدى قازاقپارات.
«سوتقا جولدانعان ٸستەر بويىنشا جەبٸرلەنۋشٸلەرگە سوماسى شامامەن 100 ملن تەڭگە بولاتىن زارداپتىڭ ورنى تولتىرىلعانىن اتاپ ٶتكٸم كەلەدٸ. بۇل پوليتسييا قىزمەتكەرلەرٸنٸڭ ۇرلانعان مٷلٸكتٸ انىقتاۋى جەنە الىپ قويۋى, سونداي-اق ايىپتالۋشىلاردىڭ سوتقا دەيٸنگٸ تەرگەپ-تەكسەرۋ, ونىڭ ٸشٸندە سوت تەرگەۋٸ كەزەڭٸندە زارداپتىڭ ورنىن تولتىرعانى نەتيجەسٸندە قامتاماسىز ەتٸلدٸ», - دەيدٸ سانجار ەدٸلوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە.
ايتۋىنشا, ٶتكەن اپتادا 12 كٷدٸكتٸ كٷزەتپەن ۇستاۋدان بوساتىلعان. ياعني, بۇلتارتپاۋ شاراسى ٶزگەرتٸلگەن.
«بٷگٸنگٸ تاڭدا ٸشكٸ ٸستەر ورگاندارىنىڭ ٸستەرٸ بويىنشا بارلىعى 333 كٷدٸكتٸ وسى نەگٸزدەر بويىنشا كٷزەتپەن ۇستاۋدان بوساتىلدى.
ولاردىڭ ٸشٸندە 96 ادامدى بۇلتارتپاۋ شاراسى ٷيقاماققا اۋىستىرىلدى. 78 ادام كەپٸل ارقىلى, 67 ادام ەشقايدا كەتپەۋ جەنە دۇرىس مٸنەز-قۇلىق تۋرالى قولحات ارقىلى جەنە 11 ادام جەكە كەپٸلگەرلٸك ارقىلى بۇلتارتپاۋ شاراسىن ٶزگەرتۋگە مٷمكٸندٸك الدى.
ودان باسقا سوتتاردىڭ ٷكٸمدەرٸ بويىنشا 81 سوتتالۋشى كٷزەتپەن ۇستاۋدان بوساتىلدى», - دەگەن ٸٸم ٶكٸلٸ الماتىدا «ماگنۋم» سۋپەرماركەتٸنەن ازىق-تٷلٸكتٸ ۇرلاعان بٸر كٷدٸكتٸنٸڭ دە بوساتىلعانىن اتاپ ٶتتٸ.
«تەرگەۋ بارىسىندا كٷدٸكتٸ تولىعىمەن ماتەريالدىق زالالدىڭ ورنىن تولتىردى. سوتتىڭ ٷكٸمٸمەن ول كٸنەلٸ دەپ تانىلدى. بٸراق جەبٸرلەنۋشٸ تاراپتان تالاپتاردىڭ بولماۋى ەسكەرٸلٸپ, ول بوساتىلدى, دەگەنمەن وعان ەكٸ جىلعا باس بوستاندىعىن شەكتەۋ تٷرٸندە جازا قولدانىلدى», - دەدٸ تەرگەۋ دەپارتامەنتٸنٸڭ باستىعى.
