قاڭتارداعى وقيعا بارىسىندا 11 ايماقتا اگرەسسيۆ توپتار زورلىق-زومبىلىق ساتىسىنا ٶتتٸ. بۇل تۋرالى پارلامەنت مەجٸلٸسٸنٸڭ جالپى وتىرىسىندا قر باس پروكۋرورى بەرٸك اسىلوۆ مەلٸم ەتتٸ, دەپ حابارلايدى قازاقپارات.
«3-شٸ, 4-شٸ جەنە 5-شٸ قاڭتاردا مەملەكەت باسشىسى دەمونسترانتتارعا ٷندەۋ جولداپ, زاڭدى ساقتاۋعا جەنە دەسترۋكتيۆتٸ كٷشتەردٸڭ ارانداتۋىنا بوي بەرمەۋگە شاقىردى. الايدا, بٸرنەشە مەرتە سابىر ساقتاۋعا شاقىرۋعا قاراماستان, قىلمىستىق جەنە راديكالدى ەلەمەنتتەر بەلسەندٸ دە قاتاڭ ەرەكەتتەرگە كٶشتٸ. 4-شٸ جەنە 5-شٸ قاڭتاردا ازاماتتار جيىنى اگرەسسيۆ توپقا اينالىپ, بۇل 11 ايماقتا زورلىق-زومبىلىق ساتىسىنا ٶتتٸ», - دەدٸ اسىلوۆ «قاڭتار وقيعاسى» تۋراليا بايانداماسىندا.
ونىڭ ايتۋىنشا, ۇيىمداستىرۋشىلار ايقىن جوسپارمەن ەرەكەت ەتكەن. «ۆاتساپ» جەنە «تەلەگرامم» ارقىلى توپتىڭ جينالۋى مەن قوزعالىسىن ٷيلەستٸرگەن.
«ولار كٶپ ادامدى جيناپ الىپ, ارماتۋرا, تاياق, تاس, «مولوتوۆ كوكتەيلٸمەن» قارۋلاندى. كەيٸننەن توپتىڭ بٸر بٶلٸگٸ دٷكەندەردٸ قيراتىپ, توناۋعا كٸرٸستٸ. توناۋدان كەيٸن, قىلمىستىڭ ٸزٸن جاسىرۋ ٷشٸن, تٸپتٸ كٶپپەتەرلٸ ٷيلەردٸڭ بٸرٸنشٸ قاباتىنداعى ٷي-جايلاردى ٶرتەگەن.
باسقا قارۋلى توپتار ماقساتتى تٷردە, ەكٸمدٸكتەردٸڭ, پرەزيدەنت رەزيدەنتسيياسىنىڭ, پوليتسييانىڭ, ۇلتتىق قاۋٸپسٸزدٸك كوميتەتٸنٸڭ عيماراتتارىنا شابۋىل جاساپ, باسىپ الدى. الماتىداعى ەۋەجاي مەن باسقا دا نىسانداردى قيراتتى. ولار قورشاۋدى قالاي بۇزۋ كەرەكتٸگٸن بٸلٸپ, پوليتسيياعا شابۋىل جاسادى, اتىس قارۋىن الۋ ٷشٸن, اڭشى دٷكەندەرٸن تونادى. تەلەەفيرگە شىعۋعا تىرىستى, ول ٸسكە اسپاي قالعان كەزدە, تەلەكومپانييا كەڭسەلەرٸن توناپ, ٶرتەپ جٸبەردٸ», - دەدٸ باس پروكۋرور.
