ول ادامداردىڭ جينالۋى مەن قوزعالىسى WhatsApp جەنە Telegram مەسسەندجەرلەرٸ ارقىلى ٷيلەستٸرٸلگەنٸن ايتتى.
"بٸرنەشە ساعات ٸشٸندە بٸر مەسسەندجەردە قولدانۋشىلار سانى 140-تان 5 500-گە دەيٸن ٶستٸ. تٷن ورتاسىندا ەكٸمدٸك الدىنداعى ورتالىق الاڭعا وسى اتالعان نٷكتەلەردەن ونداعان مىڭ ادام كەلدٸ.
بۇل كەزدە ادام كٶپ جينالىپ, الاڭدا ورنالاسقان عيماراتتاردى, مٷلٸكتەردٸ, سونىڭ ٸشٸندە تۇراققا قويىلعان اۆتوموبيلدەردٸ ٶرتەپ جٸبەردٸ. بٷلٸككە قاتىسۋشىلار پوليتسييا قىزمەتكەرلەرٸنە, ەسكەري قىزمەتشٸلەرگە شابۋىل جاسادى, جولدىڭ جٷرۋ بٶلٸگٸن جاۋىپ تاستادى, كٶلٸك قۇرالدارىن ٶرتەپ جٸبەردٸ, ازاماتتاردى تەرتٸپسٸزدٸكتەرگە قاتىسۋعا كٶندٸردٸ, توناۋ جاسادى", - دەپ تولىقتىردى باس پروكۋراتۋرانىڭ ٶكٸلٸ.
ونىڭ ايتۋىنشا, قىلمىسكەرلەر قارۋ-جاراق دٷكەندەرٸن توناپ, ۇرلانعان قارۋدىڭ كٶمەگٸمەن قاساقانا بەينەباقىلاۋ كامەرالارىن جويعان. قالادا 587 كامەرا جويىلىپتى, ونىڭ ٸشٸندە 283-ٸ - جەدەل باسقارۋ ورتالىعى جەنە 304-ٸ - "سەرگەك" كەشەنٸ, وپتيكالىق بايلانىس جەلٸلەرٸ بار كوممۋتاتسييالىق شكافتار ٸستەن شىققان.
"حالىق اراسىندا قورقىنىش پەن ٷرەي تۋدىرۋ ٷشٸن مىڭعا جۋىق ادامنان قۇرالعان توپتار ەكٸمدٸك عيماراتتارىن, پرەزيدەنت رەزيدەنتسيياسىن مەملەكەتتٸك بيلٸكتٸڭ نىشانى رەتٸندە جەنە قالانىڭ تىنىس-تٸرشٸلٸگٸن جەدەل باسقارۋ ورتالىعىن ماقساتتى تٷردە باسىپ الدى. قوعامدىق قاۋٸپسٸزدٸكتٸ جەنە قۇقىقتىق تەرتٸپتٸ قامتاماسىز ەتۋدٸ بۇعاتتاۋ ٷشٸن قىلمىسكەرلەر پوليتسييا ورگاندارىنىڭ عيماراتتارىنا شابۋىل جاسادى. شابۋىلدىڭ ماقساتى قارۋ-جاراق, وق-دەرٸلەر جەنە قورعانىس قۇرالدارى بار ارسەنالدى يەمدەنۋ بولدى", - دەدٸ ەلدوس قيلىمجانوۆ.
قىلمىستىق قۋدالاۋ قىزمەتٸ باستىعىنىڭ ورىنباسارى شابۋىل جاساۋ ٷشٸن ماڭىزدى ستراتەگييالىق نىسانداردىڭ بٸرٸ الماتى ەۋەجايى بولعانىن اتاپ ٶتتٸ, وندا قىلمىسكەرلەر ۇشۋ-قونۋ جولاعىنىڭ جارىقتاندىرۋىن ٶشٸرگەن, سودان كەيٸن عيماراتتىڭ ٶزٸن قيراتىپ, توناعان.
"5 قاڭتاردا تٷستەن كەيٸن قالادا قىلمىسكەرلەر ەۋەزوۆ اۋداندىق پوليتسييا باسقارماسىنىڭ, سونداي-اق المالى اۋداندىق پوليتسييا باسقارماسى مەن بٶلٸمٸنٸڭ ەكٸمشٸلٸك عيماراتتارىن باسىپ الۋعا تىرىستى. سول كٷنٸ كەشكە قارۋلى شابۋىلشىلار قالالىق پوليتسييا دەپارتامەنتٸنٸڭ عيماراتىنا شابۋىل جاسادى. ولار ەرتٷرلٸ بۇرىشتان ٷزدٸكسٸز شابۋىل جاسادى, اتىس قارۋى مەن جارىلعىش زاتتاردى قولداندى. پوليتسييا عيماراتىن قورشاۋ بٸر تەۋلٸكتەن استام ۋاقىتقا سوزىلدى", - دەدٸ قيلىمجانوۆ.
ونىڭ ايتۋىنشا, قالا ەكٸمدٸگٸن باسىپ العاننان كەيٸن جينالعاندار پرەزيدەنت رەزيدەنتسيياسىنىڭ عيماراتىنا ويىسقان. شابۋىلدىڭ بەلسەندٸ كەزەڭٸ ساعات 15.00-دەن 16.00-گە دەيٸن بولعانى ايتىلادى.
"شابۋىلداۋشىلار باسىپ الىنعان ارنايى تەحنيكانى پايدالانىپ, عيماراتتىڭ قورشاۋى مەن قاقپاسىن كەمٸندە بەس رەت سوقتى. شابۋىل كەزٸندە قارۋ-جاراق دٷكەندەرٸنەن ۇرلانعان قارۋ قولدانىلدى. تٸرٸ قالقان رەتٸندە ەكٸمدٸككە شابۋىل جاساۋ كەزٸندە تۇتقىنعا الىنعان ەسكەري قىزمەتشٸلەر پايدالانىلدى. قىلمىسكەرلەردٸڭ كٶپشٸلٸگٸ الكوگولگە جەنە ەسٸرتكٸگە ماس بولعان.
قاراڭعىلىق پەن قالىڭ تۇماننىڭ باستالۋىمەن عيماراتتى قورعاۋ مٷمكٸن بولمادى, ٶيتكەنٸ بەيبٸت تۇرعىندار اراسىندا قۇربان بولۋ قاۋپٸ بولدى. ساعات 19.25-تە رەزيدەنتسييانىڭ قورشاۋىنان كاماز مٸنگەندەر باسىپ كٸرٸپ, قارۋلى توپ ٸشكە كٸردٸ", - دەدٸ باس پروكۋراتۋرانىڭ ٶكٸلٸ.
رەزيدەنتسييانى باسىپ الۋ, ونىڭ ايتۋىنشا, بيلٸكتٸ قۇلاتۋ كەزەڭدەرٸنٸڭ بٸرٸ رەتٸندە ويلاستىرىلعان, ٶيتكەنٸ "مۇنداي عيمارات پەن ەكٸمدٸكتٸ باسىپ الۋ قالانىڭ مەملەكەتتٸك باسقارۋ جٷيەسٸندە دٷربەلەڭ تۋعىزىپ, حالىقتىڭ ٶز قاۋٸپسٸزدٸگٸ ٷشٸن دابىل قاعۋى كەرەك بولعان".
"ەكٸمدٸك پەن پرەزيدەنتتٸڭ رەزيدەنتسيياسىنا جاسالعان شابۋىل كەزٸندە قاۋٸپسٸزدٸك قىزمەتكەرلەرٸنٸڭ ەسكەرتۋٸنە قاراماستان, قىلمىسكەرلەر ولارعا اتىس قارۋىن قولدانۋ قاۋپٸن سەزٸنگەنٸمەن, عيماراتتارعا ماقساتتى تٷردە شابۋىل جاسادى. بٷگٸنگٸ تاڭدا رەزيدەنتسييا عيماراتىنا جاسالعان شابۋىلعا تويتارىس بەرۋ كەزٸندە قازا تاپقان 12 ادام تەرروريزم اكتٸلەرٸن جاسادى دەگەن كٷدٸككە ٸلٸندٸ", - دەپ اتاپ ٶتتٸ ول.
الماتى بويىنشا بٷلٸك, عيماراتتاردى ٶرتەۋ جەنە قارۋلى شابۋىلدار نەتيجەسٸندە كەلتٸرٸلگەن شىعىن 98 ميلليارد تەڭگەگە جەتتٸ, ونىڭ ٸشٸندە 1 592 بيزنەس سۋبەكتٸسٸ 92 ميلليارد تەڭگە سوماسىندا زارداپ شەكتٸ.
قۇقىق قورعاۋ ورگاندارىنىڭ توعىز قىزمەتكەرٸ قازا تاۋىپ, 2 260 ادام جاراقات الدى.
"قىلمىسكەرلەردٸڭ بۇل ەرەكەتتەرٸ زاڭ بويىنشا تەرروريزم اكتٸلەرٸ رەتٸندە سارالانادى. الماتى قالاسىندا قاڭتار وقيعالارى كەزەڭٸندە جاسالعان بارلىق قىلمىس بويىنشا تەرگەۋ ورگاندارى 1 066 قىلمىستىق ٸستٸ, ونىڭ ٸشٸندە 5 ٸس - جاپپاي تەرتٸپسٸزدٸك, 5 ٸس - تەرروريزم اكتٸلەرٸ بويىنشا تەرگەۋدە. سوتتىڭ سانكتسيياسىمەن 205 كٷدٸكتٸ قاماۋدا وتىر. قاماۋعا الىنعان ەربٸر ادام بويىنشا ولاردىڭ قىلمىسقا قاتىسى بار ەكەنٸ جەنە وعان بەلسەندٸ قاتىسۋى تۋرالى جەتكٸلٸكتٸ مەلٸمەتتەر بار", - دەدٸ ەلدوس قيلىمجانوۆ.
سونىمەن قاتار, قالالىق پوليتسييا دەپارتامەنتٸنە ٷش شابۋىلداۋشىنىڭ ٶلٸمٸنٸڭ مەن-جايى انىقتالدى. باس پروكۋراتۋرا ٶكٸلدەرٸنٸڭ ايتۋىنشا, 5 قاڭتاردا الماتى وبلىسىنىڭ ەكٸ جەنە شىعىس قازاقستان وبلىسىنىڭ بٸر تۋماسى پوليتسييا عيماراتىنا قارۋلى شابۋىل جاساعان.
"مۇنىڭ الدىندا ولار رولدەرٸن ناقتى بٶلٸپ العان, ەكەۋٸ اۆتوماتپەن قارۋلاندى, بٸرەۋٸ وتتى قوسپانى الدى. ٶز نيەتٸن جٷزەگە اسىرۋ ٷشٸن ولار ەسكەري جٷك كٶلٸگٸن الاڭنان ۇرلاپ كەتٸپ, پوليتسييا دەپارتامەنتٸنٸڭ عيماراتىنا جەتتٸ. ولاردىڭ بٸرٸ پوليتسييا عيماراتىنا قاراما-قارسى كٶپپەتەرلٸ تۇرعىن ٷيدٸڭ تٶبەسٸنە كٶتەرٸلٸپ, پوليتسەيلەرگە وق جاۋدىردى, سونداي-اق ٶز سەرٸكتەستەرٸن پانالاتتى. ەسكەري كٶلٸكتەگٸ تاعى بٸر سەرٸكتەس پوليتسييا دەپارتامەنتٸنٸڭ قاقپاسىن بۇزىپ ٶتۋگە تىرىستى. ٷشٸنشٸ قاتىسۋشى باسقا شابۋىلداۋشىلاردى باسقاردى, ولارعا شابۋىل جاساۋ ماقساتتارىن بەلگٸلەپ, عيماراتقا وت لاقتىرۋعا تىرىستى. شابۋىلعا تويتارىس بەرۋ نەتيجەسٸندە پوليتسييا قىزمەتكەرلەرٸ ٷشەۋٸنٸڭ دە كٶزٸن جويدى", - دەدٸ باس پروكۋراتۋرا قىزمەتٸ باستىعىنىڭ ورىنباسارى.
