قىزىلوردا وبلىسىنىڭ قازالى اۋدانىندا 19-عاسىردا تۇرعىزىلعان كەلٸمبەت بابا كەسەنەسٸ جىلقىنىڭ قانىمەن سالىنعان, دەپ حابارلايدى قازاقپارات تٸلشٸسٸ.
سىر ٶڭٸرٸندە قوينىنا نەبٸر قۇپييا-سىردى بٷگٸپ جاتقان كيەلٸ ورىندار كٶپ. سولاردىڭ بٸرٸ - كەلٸمبەت بابا كەسەنەسٸ.
قوجاباقى اۋىلىنىڭ تۇرعىنى, اقىن ەمٸرحان قانايۇلىنىڭ ايتۋىنشا, كەلٸمبەت كەسەنەسٸ شامامەن 1898 جىلى تۇرعىزىلعان. اراندى اۋىلىنان وڭتٷستٸك-شىعىسقا قاراي 5 شاقىرىم, قوجاباقىدان باتىسقا 8 شاقىرىم قاشىقتىقتا ورنالاسقان. ەسكەرتكٸش - مەملەكەت قورعاۋىندا.
«كەلٸمبەت بابا اسان رۋىنىڭ مەمەتەگٸنەن تاراعان. ونىڭ كەسەنەسٸن قوجاباقىلىقتار «كەلٸمبەت تامى» دەپ اتاپ كەتكەن. جالپى دەرەك كٶزدەرٸنە سٷيەنسەك, كەلٸمبەت XIX عاسىردا ٶمٸر سٷرگەن كٸسٸ ەكەن. زامانىندا ٶزٸ «باي بولساڭ, حالقىڭا پايداڭ تيسٸن» دەگەن اتالى سٶزدٸ ۇستانىپ, حالىققا قايىرىمى مول جان بولىپتى دەسەدٸ. ەل اۋزىنداعى ەڭگٸمەلەر بويىنشا ول كٸسٸنٸڭ ەۋليەلٸك قاسيەتتەرٸ دە بولىپتى. بٸر كٷنٸ كەلٸمبەت دەرەت الاتىن شەينەگٸنە سۋ قۇيىپ, وتقا قويسا, جازدىڭ ٶزٸندە شەينەكتەگٸ سۋ ەرتەڭٸنە قاتىق بولىپ ۇيىپ تۇرىپتى. وسىنى كٶرگەن ول ەلٸن جيناپ, ۇيىعان قاتىق سۋدى بٸرگە بٶلٸپ ٸشٸپ, جۇرتتى ۇيىعان ايرانداي بولۋعا, اۋىزبٸرشٸلٸككە, ىنتىماققا شاقىرعان», - دەيدٸ ەمٸرحان قانايۇلى.
ەۋليە قۇدايدىڭ ريزالىعىنا بٶلەنۋ ٷشٸن قولعا العان ٸستٸڭ ەربٸرٸن يگٸ نيەتپەن باستايتىن بولعان. كٶزٸنٸڭ تٸرٸسٸندە كەلٸمبەت حالقىن جيناپ, ەلٸمٸز تاتۋ بولسىن, ەمەن بۇتاعىنداي قاۋلاسىن دەگەن پەيٸلمەن ٷلكەن ٷي تام تۇرعىزعان ەكەن.
«كٷنٸنە ونشاقتى جىلقى سويعان, ونىڭ قانىن, جال-قۇيرىعىن بالشىققا قوسقان. سٶيتٸپ, بالشىقتى قانعا ەبدەن يلەپ, ٷي تامنىڭ بويىن تٷزەگەن. ەرٸ ٷيدٸ سالعان ادامدار دەرەتسٸز جٷرمەگەن. سوندىقتان, ٷي تامنىڭ كٸرپٸشٸ سۋعا ەرٸمەيدٸ, وتقا ٶرتەنبەيدٸ. كەلٸمبەتتٸڭ كٶزٸ تٸرٸسٸندە سالىنعان تامعا ٶزٸ, ايجٸگٸت, دەۋٸت اتتى ۇلدارى مەن اناسى, جۇبايى جەرلەنگەن», - دەيدٸ قوجاباقى ەلدٸ مەكەنٸنٸڭ تاعى بٸر تۇرعىنى دارحان بەكجانوۆ.
كەلٸمبەتتٸڭ ۇلى ايجٸگٸت 18 جىل بولىس بولىپ, ەلٸنە سىيلى ازامات اتانعان. قازٸرگٸ تاڭدا كەلٸمبەت بابانىڭ ۇرپاقتارى دارييا بويىنداعى قونىس تەپكەن اۋىلداردا تۇرىپ كەلەدٸ.
