بٷگٸن قر پارلامەنتٸ پالاتالارىنىڭ بٸرلەسكەن وتىرىسىندا التىنشى سايلانعان قر پارلامەنتٸنٸڭ ٷشٸنشٸ سەسسيياسى جابىلدى. كانيكۋلعا شىققان سەنات پەن مەجٸلٸس دەپۋتاتتارى كۋلۋاردا جۋرناليستەرگە قايدا دەمالۋدى جوسپارلاپ وتىرعاندارىن ايتتى, دەپ حابارلايدى Baq.kz تٸلشٸسٸ.
پارلامەنت مەجٸلٸسٸنٸڭ دەپۋتاتى باقىتكٷل حامەنوۆا دەمالىسىن قايدا ٶتكٸزەتٸنٸن شەشپەگەنٸن ايتتى.
«ايماقتارعا بارامىز. جۇمىس ساپارىنان كەيٸن قايدا باراتىنىمدى بٸلمەي وتىرمىن. وتباسىلىق جاعدايعا وراي انا بولعان سوڭ بالالاردى مەكتەپكە دايىندايتىن بولامىن», - دەدٸ ول.
ال حامەنوۆانىڭ ەرٸپتەسٸ گٷلجان قاراقۇسوۆا بولسا بالالاردىڭ تاڭداۋى بويىنشا دەمالاتىنىن جەتكٸزدٸ.
«جوسپارلارىم ٷنەمٸ نەمەرەمە بايلانىستى بولادى, سەبەبٸ ونىمەن ٶتە سيرەك جولىعامىن. قايدا ۋاقىت ٶتكٸزەتٸنٸمٸزدٸ اتا-اناسى شەشەدٸ», - دەدٸ دەپۋتات.
مەجٸلٸسمەن ومارحان ٶكسٸكباەۆ كانيكۋلدا ايماقتاردى ارالاپ, سايلاۋشىلارمەن كەزدەسەتٸنٸن اتاپ ٶتتٸ.
«ولارمەن بٸرگە قوعامدا بار مەسەلەلەردٸ تالقىلاپ, مەملەكەت باسشىسىنىڭ باستامالارىن, زاڭناماداعى جاڭالىقتاردى ولارعا جەتكٸزەتٸن بولامىز. پارلامەنت قابىرعاسىندا قابىلدانعان زاڭدار قانشالىقتى ساپالى جەنە ٶمٸر سٷرۋ دەڭگەيٸن قانشالىقتى جاقسارتاتىنى تۋرالى تۇرعىنداردىڭ ٶزدەرٸنەن ەستٸگٸمٸز كەلەدٸ» , - دەدٸ ٶكسٸكباەۆ.
پاۆەل كازانتسەۆ دەمالىستىڭ شٸلدە سوڭىندا باستالاتىنىن, وعان دەيٸن ايماقتاردى ارالايتىنىن مەلٸمدەدٸ. ال دەمالىسىن قازاقستاندا بالىق اۋلاۋمەن ٶتكٸزبەك.
«كانيكۋلعا شىقتى دەپ بەرٸ ايتادى. كانيكۋل دەگەنٸمٸز ەكٸ اي پارلامەنتتٸڭ رەسمي قىزمەتٸ توقتايدى دەگەن سٶز, ياعني جالپى وتىرىستار, جۇمىس توپتارىنىڭ وتىرىستارى بولمايدى. ال بٸزدٸڭ ەڭبەك دەمالىسىمىز شٸلدە اياعىندا باستالادى. قازٸر سەسسييانىڭ جابىلۋىنا بايلانىستى شارالار ٶتكەن سوڭ 10 كٷندەي ايماقتارعا ساپارعا شىعامىز. ودان كەيٸن جەكە ساپارلارعا ۋاقىت بولادى. ەسكٸ ساقالدى تۋريست رەتٸندە ەدەتتەگٸدەي بالىق اۋلاۋعا بارامىن. تەڭٸزدٸ جاقسى كٶرسەم دە بيىل وندا بارۋ جوسپارىمدا جوق. جازدى قازاقستاندا ٶتكٸزٸپ, ٶزەندەر مەن كٶلدەرگە بارۋدى ويلاپ وتىرمىن. شىعىس قازاقستانعا بالىق اۋلاۋعا, الاكٶلگە شومىلۋعا بارامىن», - دەدٸ ول.
مايرا ايسينانىڭ قالاۋى تەك الماتى, سەبەبٸ سوندا تۇراتىن جاقىن قۇربىسىنىڭ مەرەيتويى بولماق.
«الماتىعا قاتتى بارعىم كەلەدٸ, بٸراق جۇمىس ساپارىمەن وندا جول تٷسپەيٸن دەپ تۇر. ەڭ جاقىن قۇربىمنىڭ مەرەيتويى بولعان سوڭ مٸندەتتٸ تٷردە الماتىعا بارامىن. باسقا دا رەسپۋبليكادان كٶپتەگەن دوستارىمىز كەلەيٸن دەپ وتىر, سول سەبەپتٸ وسى شارانى قاتتى كٷتٸپ جٷرمٸن. بارلىق دەپۋتاتتا 10 كٷن ٶزدەرٸنٸڭ دەنساۋلىقتارىن جاقسارتىپ الۋعا مٷمكٸندٸگٸ بار, سول سەبەپتەن سۋى جاقسى دەپ بەرٸ ماقتايتىن ەسسەنتۋكيگە بارماقشىمىن. حالىققا اقىل ايتقاننان كەيٸن ٶز ەلٸمٸزدە دەمالعانىمىز دۇرىس سيياقتى. ەكٸ جۇماداي الاكٶلدە بولدىم, ول جاقتاعى مەسەلەنٸ ٶز كٶزٸمٸزبەن كٶرٸپ كەلدٸك. سول سەبەپتەن پويىزدىڭ, ۇشاقتىڭ جٷرٸپ جاتقانىنا بٸزدٸڭ دە ٷلەسٸمٸز بار. كٶپ دەپۋتاتتار بارىپ, ول جەردٸ كٶرٸپ كەلگەننەن كەيٸن دەپۋتاتتىق ساۋال ارقىلى كوميتەت وتىرىسىندا ايتىپ, ەلەۋمەتتٸك جەلٸنٸ پايدالانىپ كٶپ نەرسەنٸ جاساتىپ جاتىرمىز. سول سەبەپتەن ەلدە جٷرگەنٸمٸز دۇرىس دەپ ەسەپتەيمٸن», - دەدٸ ايسينا.
دەپۋتات شاۆحات ٶتەمٸسوۆ جازعى دەمالىسىن ەزٸرگە جوسپارلاماعانىن ايتتى.
«جۇمىس اياقتالسىن, ەڭ باستىسى ول ايماقتارعا بارىپ سايلاۋشىلارمەن كەزدەسۋٸمٸز كەرەك. سودان كەيٸن بارىپ قانا جوسپارلايمىز. استانا كٷنٸ وسىندا بولامىز», - دەدٸ ول.
