مەكسيكالىق بوكسشى ساۋل "كانەلو" الۆارەس ورتا سالماقتا WBA (Super), IBO, WBC جەنە IBF تۇجىرىمدارى بويىنشا ەلەم چەمپيونى قازاقستاندىق بوكسشى گەنناديي گولوۆكينمەن ٶتەتٸن ەكٸنشٸ جەكپە-جەكتٸ مەرزٸمٸنەن بۇرىن اياقتايتىنىنا سەنٸمدٸ, - دەپ حابارلايدى Vesti.kz.
"كانەلو" 2018 جىلى 5 مامىردا شارشى الاڭدا تٶرەشٸلەرگە جۇمىس ٸستەۋگە مٷمكٸندٸك بەرمەيتٸنٸن, ياعني كەزدەسۋدٸ مەرزٸمٸنەن بۇرىن اياقتاۋدى جوسپارلاپ وتىرعانىن ايتتى. ولار بٸرٸنشٸ رەت 2017 جىلى 16 قىركٷيەكتە لاس-ۆەگاستا T-Mobile Arena ارەناسىندا كەزدەسكەن ەدٸ. جەكپە-جەك قورىتىندىسى بويىنشا گولوۆكين مەن الۆارەس تەڭ تٷسٸپ, گولوۆكين بارلىق تيتۋلىن ساقتاپ قالدى.
"بارلىعى دا بٸرٸنشٸ جەكپە-جەكتە نە بولعانىن بٸلەدٸ. مەن ٶزٸمنٸڭ جەڭٸسكە جەتكەنٸمە تولىق سەنٸمدٸمٸن, الايدا تٶرەشٸلەر تەڭ باعا بەردٸ. سول سەبەپتٸ دە ەكٸنشٸ جەكپە-جەك قىزىقتى ەرٸ ماڭىزدى بولماقشى. بۇل جولى تٶرەشٸلەر ۇپاي ساناپ وتىرمايدى. مەن بۇل جولى كەزدەسۋدٸ نوكاۋتپەن اياقتايمىن جەنە مەن وعان دايىنمىن. مەن ەڭ مىقتى قالپىمدا بولامىن. مەن ەڭ كەرەمەت جەكپە-جەك كٶرسەتۋگە دايىنمىن, ٶز جەڭٸسٸمە تولىق سەنٸمدٸمٸن. ەكٸنشٸ كەزدەسۋ بٸرٸنشٸگە قاراعاندا تاڭعاجايىپ بولادى", - دەيدٸ "كانەلو".
"گولوۆكينمەن ٷشٸنشٸ جەكپە-جەك ٶتكٸزۋٸمٸز ەبدەن مٷمكٸن. بٸراق ەكٸنشٸ جەكپە-جەكتٸڭ قالاي اياقتالاتىنىن كٶرۋ كەرەك. بٸرٸنشٸ جەكپە-جەكتەن سوڭ گولوۆكينمەن بٸرتالاي كەلٸسسٶز جٷرگٸزٸلدٸ, مٸنە, شارشى الاڭدا قايتا جٷزدەسەتٸن بولدىق. كٶرەرمەنگە وسى كەزدەسۋ ۇنايدى دەپ سەنەمٸن", - دەدٸ الۆارەس BoxingScene باسىلىمىنا.
