كانديداتتىڭ سايلاۋ قورىنا تٷسكەن جاسىرىن قاراجات بيۋدجەت كٸرٸسٸنە الىنادى. بۇل تۋرالى بٷگٸن قر ورتالىق سايلاۋ كوميسسيياسىنىڭ حاتشىسى سەبيلا مۇستافينا ايتتى, دەپ حابارلايدى قازاقپارات تٸلشٸسٸ.
«قر سايلاۋ تۋرالى» تۋرالى كونستيتۋتسييالىق زاڭىنىڭ 20-بابى 3-تارماعىنا سەيكەس, مەملەكەت پرەزيدەنتتٸككە كانديداتتارعا ٶز باعدارلاماسىمەن بۇقارالىق اقپارات قۇرالدارىنا شىعۋ ٷشٸن قاراجاتتىڭ تەڭ بٶلٸگٸنە كەپٸلدٸك بەرەدٸ. كانديداتتارعا باق-قا شىعۋ ٷشٸن قاراجات بٶلۋ قاعيدالارى مەن كٶلەمٸ تۋرالى 2018 جىلعى 25 تامىزداعى №12202 قاۋلىعا سەيكەس, كانديتتارعا تەلەديداردا - 15 مينۋت, راديودا - 10 مينۋت, مەرزٸمدٸ باسپاسٶزدە نەمەسە جەلٸلٸك باسىلىمداردا 0,1 باسپا پاراقتان اسپايتىن ەكٸ ماقالا جارييالاۋ ٷشٸن بٸردەي كٶلەمدە قاراجات بٶلۋ كٶزدەلگەن. سونداي-اق, «سايلاۋ تۋرالى» كونستيتۋتسييالىق زاڭنىڭ 33-بابى 2-تارماعىنا سەيكەس, رەسپۋبليكالىق بيۋدجەت قاراجاتىنان كانديداتتىڭ سايلاۋ الدىندا كٶپشٸلٸك شارالارىن ٶتكٸزۋگە, ٷگٸت ماتەريالدارىن شىعارۋعا, كٶلٸككە جۇمسايتىن شىعىندارى جابىلادى. وسىعان وراي, وسك قاۋلىسىنىڭ جوباسى ەزٸرلەنگەن. قاۋلى جوباسىمەن قر پرەزيدەنتتٸگٸنە كانديداتتىڭ شىعىن مٶلشەرٸ 7 ملن 331 200 تەڭگە كٶلەمٸندە بەلگٸلەنٸپ وتىر», - دەدٸ ول.
سونىمەن قاتار, كوميسسييا حاتشىسى پرەزيدەنتتٸككە كانديداتتىڭ سايلاۋ قورى تۋرالى ايتتى.
«بٸرٸنشٸدەن, كانديداتتىڭ ٶز قاراجاتى جەنە ونى ۇسىنعان رەسپۋبليكالىق قوعامدىق بٸرلەستٸك كانديداتقا بٶلٸنگەن قاراجاتتىڭ جالپى سوماسى زاڭنامادا بەلگٸلەنگەن ەڭ تٶمەنگٸ جالاقىنىڭ 12 000 ەسە مٶلشەرٸنەن اسپايدى, بۇل - 510 000 000 (بەس جٷز ون ميلليون) تەڭگە. ەكٸنشٸدەن, رەسپۋبليكانىڭ ازاماتتارى مەن ۇيىمدارىنىڭ ەرٸكتٸ قايىرىمدىلىعىنىڭ جالپى سوماسى زاڭنامادا بەلگٸلەنگەن ەڭ تٶمەنگٸ جالاقى مٶلشەرٸنەن 15 000 ەسەدەن اسپايدى, بۇل - 637 500 000 تەڭگەنٸ قۇرايدى», - دەدٸ وسك حاتشىسى.
ونىڭ ايتۋىنشا, بەلگٸلەنگەن مٶلشەردەن تىس ارتىق تٷسكەن اقشا قاراجاتى سايلاۋ قورلارىنا ەسەپتەلۋگە جاتپايدى جەنە ولاردى ەنگٸزگەن ازاماتتار مەن ۇيىمدارعا قايتارىلادى. جاسىرىن قايىرىمدىلىق قاراجاتى رەسپۋبليكالىق بيۋدجەت كٸرٸسٸنە اۋدارىلادى.
«سايلاۋ قورلارىنا تەك زاڭدى جولمەن الىنعان قاراجات قانا جٸبەرٸلۋٸ مٷمكٸن. سايلاۋ قورىنىڭ قاراجاتىنا بيلٸك ەتۋ قۇقىعى قازاقستان رەسپۋبليكاسى پرەزيدەنتتٸگٸنە كانديداتتارعا عانا تيەسٸلٸ», - دەدٸ س.مۇستافينا.
