كانديداتتار دەباتى. پوروشەنكو مەن زەلەنسكيي نە ايتتى? (ۆيدەو)

پەتر پوروشەنكو مەن ۆلاديمير زەلەنسكيي. كيەۆ, 19 سەۋٸر 2019 جىل.

19 سەۋٸردە كيەۆتەگٸ "وليمپييسكيي" ستاديونىندا پرەزيدەنتتٸككە كانديدات پەتر پوروشەنكو مەن ۆلاديمير زەلەنسكييدٸڭ دەباتى ٶتتٸ.

دەباتتى باستاعان زەلەنسكيي «2014 جىلعى سايلاۋدا پەتر پوروشەنكوعا داۋىس بەرگەنٸن, بٸراق ونىسى قاتە بولعانىن» ايتتى. ول «قازٸرگٸ پوروشەنكو مەن بۇرىنعى پوروشەنكونىڭ ايىرماسى كٶپ, ەكٸ پوروشەنكو بار جەنە مەن سٸزدٸڭ قاتەلٸكتەرٸڭٸزدٸڭ نەتيجەسٸمٸن» دەدٸ.

ال ەكٸنشٸ بولىپ سٶز العان پەتر پوروشەنكو «بۇل دەباتقا ەزەر جەتتٸك, ٶيتكەنٸ زەلەنسكيي مىرزا بٸزدەن, حالىقتان جاسىرىنىپ كەلدٸ» دەدٸ.

ول زەلەنسكييدٸڭ ەل باسقارا الاتىنىنا كٷمەنٸ بار ەكەنٸن بٸلدٸردٸ. پوروشەنكو «بۇل كانديدات ەلسٸز, پۋتيننٸڭ سوققىلارىن كٶتەرە المايدى» دەپ اشىق ايتتى.

ۋكراينانىڭ قازٸرگٸ پرەزيدەنتٸ پەتر پوروشەنكو «2014 جىلى ۋكراينانى پرەزيدەنت رەتٸندە قابىلداپ العان كەزدە ەلدە التىن رەزەرۆٸ بوس بولعان, ەل قازىناسىندا اقشا جوق, ەسكەر دە جوق ەدٸ» دەدٸ. ول زەلەنسكييدٸ «ەلدە سوعىس بولىپ جاتقاندا سەن رەسەيدٸڭ اقشاسىنا كينو تٷسٸرٸپ, ۋكراينانى مازاققا اينالدىرىپ جٷرگەنسٸڭ» دەپ ايىپتادى.

دەباتقا كەلگەن جۇرت. 19 سەۋٸر 2019 جىل.

ال زەلەنسكيي پوروشەنكودان «دنر مەن لنر ايماعىندا (ۋكراينانىڭ شىعىسىن باسىپ العان رەسەيلٸك سەپاراتيستەردٸڭ مويىندالماعان رەسپۋبليكاسى – رەد.) «روشەن» (پەتر پوروشەنكوعا تيەسٸلٸ كونديتەرلٸك كومپانييا – رەد.) كونفەتتەرٸ ساتىلىپ جاتقانى راس پا?» دەپ سۇرادى. ۋكراينا پرەزيدەنتٸ مۇنى «جالعان» دەدٸ.

پوروشەنكو زەلەنسكييدەن «سەرٸكتەسٸڭٸز (ميللياردەر يگور كولومويسكيي – رەد.) «پريۆاتبانكتەگٸ» قارجىنى ۇرلاپ كەتكەنٸ ٷشٸن ونىڭ قولىن كەسەسٸز بە?» دەپ سۇرادى. زەلەنسكيي بۇل ساۋالعا «ايىپتى بولسا جاۋاپ بەرەدٸ, بەرٸ تٷرمەگە وتىرادى» دەدٸ.

دەبات كەزٸندە زەلەنسكيي پوروشەنكونىڭ «ۋكراينانى بەس جىلدان سوڭ قالاي ەلەستەتەسٸز?» دەگەن سۇراعىنا «ۋكراينا ەۋروپاعا بەت الدى, سول ٷشٸن قانىن تٶكتٸ. ەگەر حالىق مەنٸ گارانت دەپ قولداسا, وعان دايىنمىن. مەن پرەزيدەنتتٸك قىزمەتتە تەك بەس جىلعا عانا وتىرام. قايتا سايلانبايمىن» دەپ جاۋاپ بەردٸ.

بۇدان سوڭ سٶز العان پوروشەنكو «پياتىي كانالدى» (پوروشەنكوعا تيەسٸلٸ تەلەارنا - رەد) ەدٸلدٸكتٸ ايتاتىن, جۋرناليستەرگە قولايلى ورىن دەپ سيپاتتادى. ول «1+1 ارناسىن» (ميللياردەر كولومويسكييدٸڭ جەكەمەنشٸك تەلەارناسى - رەد) «جالعان اقپارات تاراتۋمەن اينالىسادى» دەپ ايتىپتادى.

دەباتتىڭ بٸراز بٶلٸگٸ پەتر پوروشەنكو مەن ۆلاديمير زەلەنسكييدٸڭ ەمەس, پوروشەنكو مەن كولومويسكيي اراسىندا ٶتكەندەي ەسەر قالدىردى. پرەزيدەنت سٶزٸنٸڭ كٶپ بٶلٸگٸن ميللياردەردٸ ايىپتاۋعا ارنادى.

يگور كولومويسكيي مەن شوۋمەن ۆلاديمير زەلەنسكييدٸڭ قارىم-قاتىناسى تۋرالى اقپارات قۇرالدارى جيٸ جازادى.

پوروشەنكو «سٸز شەشەنستان پرەزيدەنتٸ رامزان قادىروۆتى مازاقتاپ, ارتىنان كەشٸرٸم سۇراپ ەدٸڭٸز. ال ۋكراينا حالقىنان جەزٶكشەگە تەڭەپ, ٷنەمٸ مازاقتايسىز, سول ٷشٸن قاشان كەشٸرٸم سۇرايسىز با?» دەدٸ. زەلەنسكيي «قادىروۆپەن ەشقاشان كەزدەسپەگەم» دەدٸ دە, «سوعىستا بالاسىن جوعالتقان انادان, ەكەسٸن جوعالتقان بالادان, بٷكٸل ۋكراينا حالقىنان كەشٸرٸم سۇراۋعا قاشان دا ەزٸرمٸن» دەپ, تٸزەرلەپ وتىردى.

زەلەنسكيي «سٸز 98 جىلدان بەرٸ شەنەۋنٸكسٸز. بٸراق كەيٸن وليگارح بولىپ كەتتٸڭٸز» دەپ, پوروشەنكونىڭ كەسٸبٸنە كٷمەنمەن قارايتىنىن ايتتى. 

زەلەنسكيي «پەتر پوروشەنكونىڭ جەتٸستٸگٸ از ەمەس – تٸل, ەسكەر, ەۋروپا وداعىمەن ۆيزاسىز رەجيم. بٸراق بۇل جەتٸستٸكتەردٸ ول ٶزٸنە مەنشٸكتەپ العىسى كەلەدٸ. مەنٸڭ ويىمشا, ۋكراين تٸلٸ سٸزگە دەيٸن مىقتى بولعان, ال ەۋروپامەن ۆيزاسىز رەجيم – سٸزگە دەيٸنگٸ ديپلوماتتاردىڭ دا ەڭبەگٸ. ەسكەر – ۋكراينا حالقىنىڭ, ەرٸكتٸلەرٸنٸڭ ەرلٸگٸ. بۇل جٷيەنٸ ٶزگەرتە الاتىنىمىزعا سەنەم. ال سٸز بٸزدٸڭ بەس جىلىمىزدى ۇرلادىڭىز» دەدٸ.

پوروشەنكو «سٸز تالانتتى اكتەرسٸز, جاقسى پروديۋسەرلٸك كومپانييا قۇردىڭىز, جاقسى تەلە ٶنٸم جاسادىڭىز. بٸراق سٸز – ەلدەن قاشىپ كەتكەن جالعىز وليگارحتىڭ (كولومويسكيي ايتادى– رەد.) ادامىسىز. كولومويسكيي, نەگە حالىقتان اقشاڭىزدى جاسىراسىز, نەگە تىعىلاسىز? زەلەنسكييدٸڭ جاقتاستارى, سٸزدەر 21 سەۋٸر كٷنٸ مەملەكەتتٸ پۋتين مەن كولومويسكييدٸڭ تالاۋىنا بەرمەۋلەرٸڭٸزدٸ سۇرايمىن» دەدٸ.

دەبات ەرەجەسٸ بويىنشا ەر كانديدات 5 مينۋت كٸرٸسپە سٶز سٶيلەدٸ جەنە 36 مينۋت سۇراق-جاۋاپ كەزەڭٸن ٶتكٸزدٸ. ودان كەيٸن قورىتىندى سٶزگە 5 مينۋت بەرٸلدٸ.

«وليمپييسكيي» ستاديونىندا ەكٸ ساحنا قۇرىلعان جەنە كانديداتتاردىڭ قولداۋشىلارى دا سول ەكٸ ساحنانىڭ ماڭىنا توپتاستى. دەبات باستالارعا بٸرەر مينۋت قالعاندا پەتر پوروشەنكو ۆلاديمير زەلەنسكييدٸڭ ساحناسىنا باردى. ەكٸ ٷمٸتكەر بٸر-بٸرٸنە جىلى شىراي تانىتىپ, قول الىستى.

• سايلاۋدىڭ ەكٸنشٸ كەزەڭٸنە ٶتكەن سوڭ زەلەنسكيي پوروشەنكونى دەباتقا شاقىرعان. پوروشەنكو بٸردەن كەلٸسٸم بەرگەن. دەبات 14 سەۋٸرگە بەلگٸلەنگەن. كيەۆتەگٸ «وليمپييسكيي» ستاديونى دەبات ٶتەتٸن جەر رەتٸندە تاڭدالعان.

• 14 سەۋٸردە پوروشەنكو دەباتقا كەلگەن. بٸراق زەلەنسكيي «دەباتتى ٶز ماقساتىنا پايدالانعىسى كەلەتٸن كٷشتەر بار» دەپ ستاديونعا كەلمەدٸ. پوروشەنكو ستاديونعا كەلگەن جاقتاستارىنىڭ الدىندا سٶز سٶيلەپ, جۋرناليستەرگە سۇحبات بەرگەن. كەيٸن ەكٸ كانديداتتىڭ كومانداسى دەباتتى 19 سەۋٸردە ٶتكٸزۋگە ۋاعدالاسقان.

• 31 ناۋرىزدا ۋكرايناداعى سايلاۋدا زەلەنسكيي 30 پايىز, پورشەنكو 15 پايىز داۋىس جيناپ, ەكٸنشٸ تۋرعا ٶتكەن. كيەۆ حالىقارالىق ينستيتۋتىنىڭ ساۋالناماسىنىڭ نەتيجەسٸ بويىنشا, ەكٸنشٸ كەزەڭدە سايلاۋشىلاردىڭ 72 پايىزى زەلەنسكييگە داۋىس بەرۋگە دايىن.

• سايلاۋدىڭ ەكٸنشٸ كەزەڭٸ 21 سەۋٸردە ٶتەدٸ.

نۇربەك تٷسٸپحان, ازاتتىق