مەجٸلٸستٸڭ زاڭناما جەنە سوت-قۇقىقتىق رەفورما كوميتەتٸنٸڭ تٶراعاسى قانات مۋسين جەرگٸلٸكتٸ قاۋىمداستىقتارعا ەكٸمدەر سايلاۋىنا ٷمٸتكەردٸ ۇسىنۋ مٷمكٸندٸگٸن بەرۋدٸ ۇسىندى, دەپ حابارلايدى قازاقپارات.
«بٷگٸن ايتقان ۇسىنىستارىڭىز زاڭ جوباسىن تالقىلاۋعا دەپۋتاتتىق تٷزەتۋلەر ارقىلى ەنسە, قاراۋعا دايىنبىز. ەشقانداي ەرەكشە جاعداي بولمايدى. ەكٸم سايلاۋىنا ٷمٸتكەرلەردٸڭ بٸلٸكتٸلٸك تالاپتارىنا, سايلانىپ الىپ, كەيٸن پارتييادان شىققان ەكٸمدەردٸڭ تاعدىرى تۋرالى مەسەلەلەر كٶپ ايتىلدى. ەكٸم بولۋعا ٷمٸتكەرلەردٸ ۇسىنۋ سۋبەكتٸسٸ تۋرالى دا ايتۋىمىز كەرەك دەپ ويلايمىن», - دەدٸ قانات مۋسين.
ول زاڭ جوباسىندا كانديدات ۇسىنۋدىڭ تەك ٷش سۋبەكتٸسٸن قاراستىرىلىپ وتىرعانىن ەسكە سالدى.
«زاڭ جوباسىندا ساياسي پارتييانىڭ ۇسىنۋى, ٶزٸن-ٶزٸ ۇسىنۋ جەنە وسى ەكٸ نۇسقا دا مٷمكٸن بولماسا, اۋدان ەكٸمٸ ۇسىنۋ دەگەن سۋبەكتٸلەر عانا قاراستىرىلعان. بٸراق مەن ەكٸم بولۋعا ٷمٸتكەردٸ جەرگٸلٸكتٸ قاۋىمداستىقتىڭ دا ۇسىنا الۋى كەرەك دەگەن مەسەلەنٸ قاراۋدى ۇسىنار ەدٸم. مەنٸڭشە بۇل دا ماڭىزدى مەسەلە. بولاشاق ەكٸم ٶزٸن-ٶزٸن ۇسىنۋ بٸر باسقا دا, جەرگٸلٸكتٸ حالىق ۇسىنسا مٷلدە باسقا مەسەلە. جەرگٸلٸكتٸ قاۋىمداستىق تا ٶز كانديداتىن ۇسىنا الۋى كەرەك», - دەپ تٷيٸندەدٸ كوميتەت تٶراعاسى.
سونداي-اق, قانات مۋسين جاڭا ٶزگەرتۋلەر بويىنشا اۋدان ەكٸمدەرٸ دە جەرگٸلٸكتٸ ەكٸمدەر سايلاۋىنا كانديدات ۇسىنا الاتىنىن ايتتى.
بۇعان دەيٸن حابارلاعانىمىزداي, ۇلتتىق ەكونوميكا مينيسترلٸگٸ ەزٸرلەگەن زاڭ جوباسىندا ساياسي پارتييالاردىڭ مەجٸلٸس سايلاۋىنا تٸركەۋدەن ٶتۋ شەگٸن 5 پايىزعا تٷسٸرۋ كٶزدەلگەن.
